#كفاني_قهرا 🔞
لا أحلل النشر دون ذكر اسم الكاتبة ❎
البارت 78 :
لالة غيثة طلعات راسها فجنات ... و تمات غادا عندها حالة ليها يديها ...
غيثة : بنتييي اجي عند عمتك اجي اكبدتي
جنات تلاحت فحضنها كاتبكي و تعاود ...
السعدية حانية راسها ... كاتبكي فصمت ... على هاد لبنية صغيرة ...
سي لقايد ناض كيشوف فيها بندم ... و سعيد حداه حاني راسو...
شرف خاشي يديه فجيوبو ... ماباغيش يدخل دبا
سالات من عمتها و دازت للسعدية ... كاتسلم عليها ... للحظة بقات واقفة مسمرة
رجعات عند شرف ... لي عنقها بيد وحدة
لقايد علي : بنتي ماغاتجيش تسلمي على باك
جنات تصدمات و شافت فشرف لي اوما ليها براسو ...
تلاحت فصدر لحاج كاتبكي و تشهق و هو كيطلب منها سماحة و يعاود. ..
لقايد : سمحيلي ابنتي ... سمحيلي غصبتك فشبابك... سمحيلي انوويورتي راني ندمان .... خليت كبدتي للجهنم ... سمحيلي ابنتي الله يرضي عليك
جنات باست ليه يديه : انا مسامحاك ابا مسامحاك
ل
لقايد علي و جنات كيبكيو ... لالة غيثة و السعدية كذلك ...
سعيد واقف حاني راسو حشمان و لحاج مبتاسم ...
سعيد : و انا اختي ؟ ( حاني راسو )
جنات : اهى هى تانتا اخويا سامحتك اهى هى
عنقاتو و بادلها لعناق ... سبحان مبدل الاحوال ... ضروري نطلبو سماحة ديما قبل مايفوت الاوان ... كيفما كايقول مثلنا " البكا مور لميت خسارة " لكن نويورتنا قلبها بيض ... دغيا كاتنسا و تسامح ... راضية بقضاء الله و شنو مكتب ليها ...
جنات عاد ردات لبال : بااا عمتي فينها مااا واش ماجاتش تشوف بنتها ؟ ( باسى ) واش باقا مقلقة مني
شرف حنا راسو ماباغيهاش تصدم. ..
لالة غيثة و السعدية كيبكيو فصمت ...
لقايد علي : لبراكة فراسك ابنتي ... لالة ثورية فارقات لحياة
جنات بقات كتردد فمسامعها غي " لالة ثورية فارقات الحياة "
دموعها شلال هوادين على جبينها ... كاتضحك و تبكي و تمسح فدموعها فحال شي درية صغيرة
جنات كاترجع بلور : اهى هى لا ابااا نتا غي كاتكدب ياك ... اهى هى السعدية كايكدب ياك
السعدية حنات راسها كاتمسح دموعها بلفولار ..
مشات عند سعيد كاتحركو و هو فحال لجماد : اهى هى سعييييد خويا كاتكدب يااااك اهى هى دوي قولي كدوب نتي اه نتي اهى هى عمتي ( كاتحرك فعمتها ) كدوب مااا ماماتتش يااك اهى ماماتتش
اهى هى دوييييو ... نتووووما كدابة ( بلغوات )
مشات كاتجري عند شرف شدات فدراعو كاتحرك فيه : شرف اهى هى قولي كدوب نتا ماكاتكدبش قولي هادشي كدوب عفاك اهى هى ماما ماتقدرش تمشي و تخليني اهى هى ماما لا ماتقدرش
شرف خشاها فصدرو ...
شرف : شوووت جنااات حبيبة شوووت
بقا كايربت على راسها بشوية ... حتا تهدنات .... كاع لي فلفيلا بقات فيهم ... لخدامات كيطلو .... كيقولو مسكينة بقات فينا .... حيت كتعاملهم مزيان ... بنت اصل و مفصل و مربية ... متستاهلش ...
___________________يتبع
أنت تقرأ
كفاني قهرا
عاطفية🔥 حصـــــــــــــريـــــــــــــــا 🔥 على فاتنات مجرة الروح 💖 لا أحلل النشر دون طلب الإذن مني .... ❌ ايوا كي العادة من بعد اعتزال طويييل و من بعد مارجعت بقصة #فاتنات_تحت_قبضة_الوحوش 🔞 جيت ليكم قصة جديدة تحمل في طياتها من كل فن طرب...
