كفاني قهرا

البارت 75 :

#كفاني_قهرا 🔞
لا أحلل النشر دون ذكر اسم الكاتبة ❎
البارت 75 :

طلع لشومبر و حلو برجليه ... شافها كالسة فوق ناموسية جامعة يديها عندها و مدلية قنانفها فحال درية صغيورة ... قرب عندها مبتاسم ... عاجبو لحال و هي كي لبنيتة قدامو ...
شرف : هوبلا هالماكلة القطيطة تاعي

جنات تحلو ليها لعينين بمجرد ماشافت الاكل ... حيداتليه داك لبلاطو من يديه و جرات لبالكون ... حطات لبلاطو و طاحت فيه عمية ... كاتاكل و تبنن و صوتها مسموع

جنات : احح انم اممنمم هادشي بنييييين

شرف قرب منها و كلس حداها معنقها ...داير يديه فخصرها ... و ضو لقمرة مضويهم ... طافين كاع ضواو دلغرفة

شرف : جنات بشوية عليك لماكلة ماغاتهربش ...
بغا يدير يدو يعطيها تاكول وهي تضربو بشوية فوق يدو ...
جنات دفعات لبلاطو عندها : حيد يديك ازمر هاذي ماكلتي انا يخخ

شرف تصدم من تصرفها و بقا كايضحك : هههه ماموالفاش ليك هاا القطيطة

جنات متسوقاتش ليه و بقات كاتاكل و تبنن ... لدرجة هيجاتو ... فيقات مولاي سلطان و ماجا شكون ينعسو ... جاس بلحرارة طالعة معاه ... خصوصا انه من ديما مشهيها ... كلشي فيها كيثيرو ... عويناتها فمها حركاتها طفولييين ...

جنات سلات من لماكلة و تكرعات و تسندات على لحيط شادة فكرشها : احح هادشي بنييين

شرف خنزر فيها : ماتبقايش توحوحي ولا انقلبك هنا اديك لبرهوشة

جنات خرجات ليه لسانها : انا ماشي برهوشة نتا لي شارف كثر من لقياس

شرف : انا شارف لملتك هاا ( كايهرها و كاتفركل ليه بين يديه ) هااا ههههه دوي نتي قد بنتي اه بنوتتي صغيورة

جنات : وااع بعد بعد قتلتيني اوفف راني كانتهر

شرف حل يديه : اجي عندي ....
جنات ماقاوماتش مع الهرمونات لاعبين عليها ... كلسات فحجرو كاتلعب بشعيرات لي فلحيتو ... تقيس و تعاود بصباعها ... باغا تهرو و لكن ماكايتهرش
نسيم دلهوا دليل كايضرب فيهم ... غافلين على لعيون لي مترقبينهم ... و كايتوعدو ليهم بلجحيم ...

شرف : رصاااي اااجنات

جنات : همم شرف دبا انا ماكانعرف عليك والو من غير سميتك و كنيتك ...همم عاودلي عليك ( طلعات عويناتها فيه )

شرف : همم واخا الالة شنو باغا تعرفي

جنات : عمرك فاش خدام اااع عارفاك قتال ياك ؟  اهى كنتي باغي تقتلني

شرف : جنااات ماشي قتال ماتصعرينيش اكثر كلمة كانكرهها هي هاذي و داكشي انبعد منو و ماغانقتلكش يالاه سكتينا

جنات : اوفف صافي يوا شحال عمرك ... فاش خدام ... كلشي

شرف تبسم : هممم ماشارفش الالة كبر منك بعشر سنين فعمري 28 عام يالاه بقاي على خاطرك ... خدام فشركات تاعي د تصدير همم و كنحماق على واحد لقطيطة عندي فدار مخشية فيا هاا

جنات : و انا جنات بنت لقايد علي و ثورية و ...

شرف قاطعها : هههه عارف كلشي عليك ...

جنات بصدمة : و منين عرفتي اويلي اتقولها لبا و خويا اهى اهى ( بخوف )

شرف باس خدها : ماكاين لاش لخوف نتي مرتي دبا و انا عارف عليك كلشي اجنات كلشي من نهار حطيتي رجليك فلكباري ... نتي ديالي فهمتي

جنات : اهى شرف بغيت نشوف ماما عفاك و عمتي واش يمكنلي ( شافت فيه مغبنة )

شرف : هممم اه اقطيطتي غاتشوفيهم ( حنا راسو باسى ماباغيش يقوليها على خبر موت ماماها )

________________________يتبع