كفاني قهرا

البارت 9 :

#كفاني_قهرا 🔞
لا أحلل النشر دون ذكر اسم الكاتبة ❎
البارت 9⃣ :
بقات بطلتنا على حالها ، مرة ضحك مرة تبكي على زهرها وعلى مكتوبها
و كتقول :  لا لااا انا ماشي وحدة منهوم انا ماشي هوما انا جنات جنات لي غتقرى جنات لي غاتولي طبيبة جناات اهى اهى غانلقا شي حل اكيد غانلقاه قبل ماتزدا سميتي حدا سميتو اكيييد
كملات تدواش و ناضت لبيتها بفوطتها و شعرها فازك حنيكاتها موردين و فمها حميمر و لكن مجروح من جيهة و جبهتها مجروحة عليها فاصمة
جاتها فكرة فبالها ، تسلتات و دخلات لبيت باها ، كانت تقلب و تقلب حتا لقات شي وراق هزاتهم و من بعد خرجات
جنات : اوفف لحمدلله اكيد انخرج من هاد ذل
كان بلاطو د لماكلة فوق طبلة هزاتو تغدات و نعسات
_____________________
تعاشات العشية و صوت البراهش كايغوتو فصالون التحت و العيالات كايشطحو و كايطبلو و يغنيو 
السعدية تمات داخلة لبيت جنات هازة بلاطو فيه شي دبالج د ذهب و لويزات كايتعلقو فالقنت د صدر و قفيطين حرير فشيبي و فولار فلكراميل
شافت بطلتنا ناعسة و بقات تفيق فيها و تلعب بشعرها الحريري
فاقت بطلتنا على ٱثر لمسات حنان فوجها
تبسمات تبسيمة خفيفة حيت كانت عارفاها السعدية و ماماها مستحيل طلع عندها حيت جشمانة تشوف فوجها
السعدية : فيقي ابنتي را الصالون عامر لبسي و تقادي الليلة ليلة عمرك احبيبي نوضي لبسي هاد لقفيطين يجيك فن يانويورة تاعنا
جنات : واخا اختي بغيت نسولك
السعدية : دوي ابنتي سولي لي بغيتي
جنات : احم امتا غانمشي لدار راجلي واش ليوما
السعدية ( فهماتها ) : لا احبيبة غدا مع لغدا هاذو هوما عاداتنا مني ضربو الفاتحة غدا كاتمشي لدار راجلك
السعدية ( شافت فيها باسى ) : غي صبري ابنتي كلنا دزنا من هكاك كلنا كان مكتوبنا هكاك و المكتوب مامنو هروب فرحي و حزمي براسك و نتي تبارك الله متحتاجيش راجل بدراعو و خدام ولباس عليه يعيشك اميرة و ماتعانديش مع باك يالاه ابنيتي
جنات ( ملات من ديك لهضرة ديالها و مابغاتش تدور فيها و تحشمها ) : واخا عفاك خرجي باش نلبس و شوية انهبط
السعدية ؛ لا مايمكنش شوية ندوز عليك لعروسة كاتنزل بزغاريت و الحناني و زايدون خصني نقادليك شااال و نجيب ليك لبليغة مطرزة و ...
جنات : واصافي اختي تال شوية و رجعي
خرجات السعدية و ناضت جنات لبسات شالها و طرفات بحالتها لبسات داك لقفيطين و هي ماحاملاش راسها ولا يومها
____________
ندوزو لقايد علي لي كان واقف مع سي لحاج و حمد شويريف كايتجتو و يدويو و داك سيهم سعيد ماقاداه فرحة و اخيرا غايتهنى من متعوسة ليام

الحاج : ايوا اسيادنا الله يرزقكم البنين و البنات و تفرحو بولادكم ان شاء الله و واحد بنتي جنات فرحانة براسها بعدا ( موجه كلامو القايد علي )
لقايد علي : ووو بطبيعة لحال اسي لحاج و شكون هذي لي ماتفرحش بزواجها من ربيب لحاج
الحاج : وتانا فرحان بزاف حيت تناسبنا مع ناسنا و اهلنا نتا عارف معزة ناس لقبيلة عندي واحد واحد
لقايد علي : واييه خيرنا مايديه غيرنا