كفاني قهرا

البارت 64 :

#كفاني_قهرا 🔞
لا أحلل النشر دون ذكر اسم الكاتبة ❎
البارت 64 :

دخلات عندها لممرضة من غير دوك لممرضات لولين
بقات كتعاونها تلبس ... لبساتها كسيوة فلمارو بوريدات بيضين و شال بيض جابو ليها شرف

جنات فنفسها تبسمات مني لبسات فولارها : الله شحال توحشتو

لممرضة شافت فيها بانبهار : الله ياختي شحال فنة حقول راجلك يتزعط فيك و هادشي مادايراش قطرة دلماكياج كيتي انا ياختي لي نضل نطلي فهاد لكمارة و والو هههه

جنات تزنغات : ماشي را...

لممرضة قاطعاتها : كون تشوفي روينة لي دار على قبلك مني جابك لهنا ... و ماخلا حد يقرب لهنا من غير طبيب و لممرضات
هاحح ياختي باينة من عينيه كيحماق عليك و يقتل على ودك

جنات غات تجاوبها حتا دخل شرف لي كي شافها تنهد فخاطرو و همس : ملاك فلارض

بغات تسبقو الا انه شبك يديها مع يديه تحت نظرات الكل
جنات : شرف طلق مني عفاك

شرف : عاجبك زينك الالة جنات هااا

جنات : طلق عفاك يدي انتمشا بوحدي

شرف ماتسوقلهاش و حل لباب بهدوء
ركبات و سد لباب و دخل لبلاصتو  ... ركب ليها سمطة و فجأة تلاقاو عويناتهم ... حنات راسها خجلا من الموقف
لكن شرف مانزلش عينو   ... مزال ماشبع من شوفة فيها  ... 
عفط عفطة وحدة و ليكارد وراه
وصلو لواحد لبلاصة كلها فيلات وحدة حدا لوخرى
و كل وحدة قد لخلا ... تحل لباب و نزل شرف لي حل سيارة لجنات
لي نزلات مبهوضة من المنظر  اول مرة تشوف فيلا قد لخلا مباشرة ...  كانت كتشوف هادشي غي فلافلام
شافت فشرف : شرف شنو كانديرو هنا خليني نمشي عفاك

شرف سبقها : من ليوما هاذي هي دارك امدام ناجي ( ورك عليها )

جنات مادات ماجابت تبعاتوو بهدوء ... وصلو لصالون و هوما يلقاو
الحاج ناجي لي توجه لولدو باش يسلم عليه و ليلى لي غي شافت جنات طلعاتها و هبطاتها بتعجب ...
ندوزو لفيلا د لالة غيثة . .. كانت السعدية فلكوزينة لابسة طابلية و كاتطيب و دايرة درة فراسها و مرة مرة تذوق لمرقة و طياب
رن الهاتف ديالها لي من نوع نوكيا بيل ... جبداتو من صدرها و بقات كاتشوف فرقم باستغراب  علامات الخوف على وجها
لقايد علي : لاش مشيتي لمدينة دوي باغا تفرتكي شمل السعدية   شمل د سنين هاا باغا تشمتي فينا لي يسوا و لي ميسواش

السعدية : بغيت حقي اعلي ماقدراش نصبر كبدتي كتشوا    بغيت حقي اعلي بغيت كبدتي ....

__________________يتبع ...