#كفاني_قهرا 🔞
لا أحلل النشر دون ذكر اسم الكاتبة ❎
البارت 127 :
وصلات ستة دلعشية ... دخلو رجال .... لحاج و علاء ...
ناضت السعدية و عبوش هازين لورد ولحلاوي و لخواتم ....
و دراري هازين ليكادو ...
توجهو للسيارة ... مجموعين ... جنات هازة جلايلها لور ...
لحاج طلع فسيارتو و طلع معاه علاء ...
سعيد طلع فسيارتو مع عبوش و السعدية مع سي علي ... بغات تركب جنات حتا قاطعها الهاتف ديالها لي كيرن ... كان شرف ...
بتاسمات و فتحات لخط ... وي حبيبي ...
شرف ... همم نزلي البرهوشة و طلعي لبيتك ... تانجي ...
جنات ... ولكن بغيت نمشي معاهم واش منمشيش اهى ...
شرف ... قلتلك طلعي فين غادا بلا شواري ...
جنات ... ولكن نتا عارف غادين حشومة عليك ...
شرف ... جنات طلعي تانجي و نتفاهمو على هاد ردان لهضرة ...
جنات ... اووووف ( قطعات عليه ) ...
السعدية سمعاتها و همسات ليها فودنيها ... بنتي سيري طلعي تايجي راجلك و يجيبك ... حشومة ... على وجهي الله ارضي عليك ...
جنات باستها ... اوفف واخا اماما ...
كسيراو طنوبيلات و بقات هي فالجردة ... كالسة معصبة .... و مرة مرة تشوف فداك تيليفون ...
بعد ربع ساعة ...
دخل شرف ... و نزل من سيارتو مخنزر و كيحرك فكتافو بتوازن ... خطواتو موزونين و عينيه على حنات لي مربعة يديها ... كيبان منظرها كيوت ...
شرف جلس حداها و شد يديها باسهم .... قطيطتي كثارت فيك لهضرة هاا
جنات .... شرف حشومة عليك ماخلتيينيش نمشي معاهم ( ناضت معصبة ) ...
شرف شد فيديها و نتراتها ... بعد مني ...
شرف عاود شدها معصب ... من فشوشها ... جنات متخرجينيش على طوعي ... عارفاني مكنبغيش نحط عليك يدي .....
جنات صقلات ... عارفا راسها زادت فيه ...
رجع حاوط خصرها بيد وحدة ....و باس راسها ...اخر مرة تعصبيني ولاش خارجة بلا شواري هاا ... شقلت انا ...
جنات ... طلعات فيه عويناتها... سمحليا ولله نسيت ...
شرف ... باغي نمشي معاك انا ... ها مامنحقيش نمشي مع مراتي نخطبو لخويا ( كيداعب كرشها بطرف صباعو ) ...
جنات ... هههه اي شرف كتهرني ...
شرف جمع خصلة من شعرها لي كتبان و دخلها ففولارها ... شعرك ميبانش ...
حليها باب السيارة و تحنا دخل ليها لكسيوة لي كان نصها برا ...سد لباب و طلع فبلاصتو ...
بقا كيسوق بالشوية عليه و طبيعي مع شوية دلمغازلات ديالو لنويورتو ...
وصلو لأمام لفيلا د يونس ... حليهم لكارد و دخلو ....
نزل شرف و نزل حل لباب لجنات و شابك يدو مع يديها ...
توجهو لداخل ... حلات ليهم لخدامة ... و دخلو بجوج ... لمحو لالة غيثة و يونس و واحد لبنت فلعشرينات كالسين مع لبقية ...
___________________________يتبع
أنت تقرأ
كفاني قهرا
Romans🔥 حصـــــــــــــريـــــــــــــــا 🔥 على فاتنات مجرة الروح 💖 لا أحلل النشر دون طلب الإذن مني .... ❌ ايوا كي العادة من بعد اعتزال طويييل و من بعد مارجعت بقصة #فاتنات_تحت_قبضة_الوحوش 🔞 جيت ليكم قصة جديدة تحمل في طياتها من كل فن طرب...
