كفاني قهرا

البارت 34 :

#كفاني_قهرا 🔞
لا احلل النشر دون ذكر اسم الكاتبة ❎
البارت 34 :
تم غادي جيهتها و يديه كايترعدو ماعرفش علاش هو مولف يشوف لقتيلة دم رعب أخطر مايمكن يتصورو لعقل و كايكون  هو سبب مي جنات حالة خاصة ماميتقيش انه عاد كانت بين يديه و دبا بحركة وحدة تقدر تموت
تحنا عندها و عينيه حومر و عروق جبهتو و يديه بارزين
هي كاتنين بكلمات مامفهومينش ماا ...ماا...يو..نس...
سمع كلمة يونس و هو يرجع لوعيووو و ناس مجموعين عليهم و لهاراج و صداع شي حاضيه شي حاضي لبسو شي حاضي طنوبيلتوو لبنت تاحد مامسوق ليها
هزها و ناض غادي بيها لطنوبيل دفعهم كاملين و دار معصب : يااااويل و توقع ليها سي حاجا ترحم على روووووحك ( موجه كلامو  لمول طنوبيل لي ضربها كان راجل كبير كايقفقف بلخلعة )
حطها لور و هي مغيبة و راسها كاينزف بدم دار غادي مكسيري بسرعة و هز تيلي علم الطاقم الطبي
عفط عفطة وحدة مخلي غي لعجاج موراه
نزل و كاع الأعين عليه و عليها كي هازها و هي كلها دم و هو كايبان كي شي وحش عديم تفاهم
هزوها من يديه و داروها فوق لبياص و هو كايبلبل على طبيب : عتقووووها عتقووووها حيت يلا ماتتت كونو اكيدين غانريب عليكم هاد صبيطار فوق ريوسكوم ( معصب لاقصى درجة )
اععععع جنااات ( ضرب لحيط بيديه تاكلشي قفز و حناو راسهم خايفين من هاد لوحش )علاش درتي هكا علااااش
دازو شي سوايع قلال و هو مزال على نفس لحال و المستشفى كلو مطوق بليكارد و ممنوع شي  يوصل لداك لجناح ( الحاصول را شرف ناجي هذا يقتل لميت و يمشي فكنازتو )
خرج طبيب و هو كلو عرقان
ناض شرف شنق عليه :دوي دوي مالها فاقت دوي القلا***
الطبيب و هو كايتفك منو : لا لا بيخي... كح كح بيخي..ر اسي شرف و لكن ...
شرف ( طلق منو و خنزر فيه ) : و لكن شنوو دوي
طبيب : المريضة احم تعرضات لضربة خطيرة فراسها يعني احتمال 90% يوقعليها خلل فذاكرتها
شرف :ديرو جهدكم مانحتاجش نوصيك
طبيب : هي بعد ساعتين من العناية نقدرو نقلوها لغرفة خاصة اسي شرف
اوما ليه براسو و داز طبيب غادي
شرف ( ساهي كايفكر ) :اعععع مالي كانفكر فيها بزاااف اععع برهوشة كادير مافراسها ( و نتا مالك خايف عليها ) غانتفاهم مع ملتك مني تفيقي
ناض خارج متوجه للشركة بعدما وصا ليكارد مايعتب داك الجناح تاحد من غير طبيب و الممرضات
_________________يتبع