كفاني قهرا

البارت 32 :

#كفاني_قهرا 🔞
لا أحل النشر دون ذكر اسم الكاتبة ❎
البارت 32 :
فدار لقايد علي ، كانت حالة لالة ثورية غادا و كاتدهور بسباب قلقها على بنتها و غي سعدية لي مقابلاها
اما سي لقايد فتحشم مع ناس لقبيلة و ولات سميتو فطرف كل لسان و ولدو ماراضيش بحالة باه
و مابقا تاحد كيتعامل معاه فلبيع و شرا
و اهم شي سي الحاج و حمد ( راجل جنات بسمية ) علنو عداوتهم مع قبيلة الحاج ( المحازيق ههههه )
__________________________
نرجعو عند جنات :
داز شوية دلوقت و ولات كاتسمع صداع برا
جبدات داك صاك دارتو فظهرها و شعرها جمعاتو كعكة و بيجانة باقا لابساها جات سوو كيوت
و شافت فلبيت بانزعاج و خرجات من الجناح
غادا فاتجاه لباب يالاه بغات تحلو حتا تحل لباب و دخلات لخدامة و هي تخبات مور لباب داز شوية دلوقت و لباب باقي محلول بغاتتخرج و هي تشوف ليكارد قدام بيتها
تأففات و نترات داك صاك بعصبية و دارت راسها عاد فاقت ( الخدامة كاتقاد الجناح )
و هي تبرغم فنفسها : ايوا اسي شرف مني جايب خدامة لاش معدبني انا يالهمجي
دارت لبيتها زعفانة و كاتغدد على زهرها لي ضدها
تسد باب الجناح و خرجات الخدامة
ناضت البالكون كاتمنضر فداك الجو شوية هي طيح ليها فكرة على بالها
مشات كاتجري لدريسينغ د شرف هزات كاع لحوايج لي تما جمعاتهم على شكل لكمة
و ربطاتهم واحد حدا واحد و علقاتهم فلبالكون فواحد القنيتة ( عود طويل )
هزات صاكها و شافت فلغرفة بملل و دفلات عليها و اخيرا اتهنا من كمارتو
بقات كاتعلق كاتعلق تاوصلات الارض و هي تزلق و تلوات ليها رجليها شوية
جنات ( شادا فرجليها ) : اي اي اهى اهى لا لا خصني نوض مابقا والو يالاه اجنات اوفف
ناضت و هي ماقاداش رجلها كاتعطيها صداع و لكن كملات بجرا رغم لحريق
بقات عاطية رجليها فداك لخلا و كاتجري و تقول ماجريت
تاوصلات لواحد البلاصة فيها شجرة كبيرة بقات مخبية موراها و تدور واش كاين شي حد و مع ولات كاتطيح ضلمة جاتها رعدة
كملات طريقها و هي كاتفكر فحاجة وحدة خصها تفاك و اخيرا غاتفاك
وصلات لحافة شانطي و بقات كاتجري فداك لوطوروط و تكمش فراسها
حتى سمعات صوت كلاكصوون د سيارة جاية بسرعة خبات عويناتها بيديها و كتسنى مصيرها ( الموت )
حتا فرانات حدا رجليها و نزل منها ....