كفاني قهرا

البارت 57 :

#كفاني_قهرا 🔞
لا أحلل النشر دون ذكر اسم الكاتبة ❎
البارت 57 :
دخلات لحمام قضات حاجتها و بعدها خرجات متمددة فسريرها و لفرحة على ملامحها أكيد غاتهنا من هاد لكباري عاجلا أم آجلا
هادشي لي فبالها لاغير ماباغاش تخسر فرحتها
بعد مدة من التفكير غفات و دخلات لعالم أحلامها الوردية لي ولاو كوابيس من نهار دخلات لهاد الجحيم.....
وصل ليل و دخل شرف بهدوء كيشوف فشعرها لي مسندل مع ضهرها و عاد بشرتها لي دايرة كي لبيبي و فمها لحومر و حنيكاتها الموردين

شرف فنفسو : أكيييد غاتسامحيني نتي ديال شرف ناجي أجنات روحي

نصل سباطو و تخشا حداها خاشيها فصدرو و هي ماشي فهاد لعالم ناعسة بهدوء....

شرقات شميسة و فاق شرف هو لول باسها فحنكها بشوية و ناض بلا حس متوجه لبيتو ماباغيش يفيقها و يعقد الأمور كثر
فاقت من نعاسها كاتفوه و تحك عويناتها لخوضر لي كي لقطيطات دورات عينيها فشومبر
مو بمجرد ماتفكرات كلام كايلا ضهرات على ملامحها ابتسامة واسعة
ليوم اليوم الموعود
ناضت للحمام قشات حاجتها و خرجات غيرات ملابسها و صلات صلاتها....
عند كايلا لي فاقت على صداع و لهاراج
خنزرات فيهم و تمات غادا لحمام غسلات كمارتها و غيرات ملابسها
كلسات فطبلة كاتفطر و هي مالة من حديثهم
تحل لباب و دخلات كورسا كاتعوج : هيييي نتوما تجمعو دوزو تخدمو
تصافو وحدة مورا لخرا و كايلا اخر وحدة
بقاو غادين موراها فداك لقبو حتا تحل لباب و خرجو كل وحدة فين مخشية
هالي كالسة تغسل فلماعن ، هالي كاتحاك مع شي شويريف ، هالي باغا تجيب لكليان ، هالي كاتسربي ناس ( كيما سبقت لي قلت فصباح مطعم و فليل كباري )
تعاشات لعشية و وصل ليل
ليل لي غيبدل مصير أبطالنا ....
لموسيقى مجهدة و لكباري مضوي و منصة قدها قد لخلا
كورسا غادة جاية من زنزانة لبيرو و من لبيرو للمنصة كاتقدم للناس لبنات
لبنات فزنزانة مشتتين كي نمل ، هالي كتقاد كمارتها هالي كتلبس كسيوة نص شبر ( المعري كثر من المغطي ) هالي كاتفكر ماباغاش تباع
كايلا دخلات لحمام بعدما سالات اتصالها مع يونس بتخبية و خبات الهاتف ديالها فصدرها
تحل لباب ثانية و دخل كارلوس و كورسا لي كيدويو بجدية على عكس لعادة
كارلوس بلغوات : تحركو تبعوني
بقات غادة وحدة مور لاخرا حتا توجهو لمنصة مور الستار لي حاجب بينهم و بين أصحاب المزاد
ها الخليجي هالامريكي هالعربي هالمغربي
ناس بزاف من مختلف الجنسيات كيخسرو فلوسهوم على الجنس فقط على ليلة حمرة فقط....
كايلا فلتات منهم و بقات غادا بلور كاتحسس جنابها
دخلات لكوزينة هازة بلاطو فيه كاس دلعصير و شي حلويات
توجهات للجناح د شرف بحذر بعدما شافت كارد واحد لي فم لباب
طلبات منو يحل لباب كونها ديما كتخدم سي شرف
تمات غادا لشومبر د جنات لقاتها كالسة على أحر من الجمر كاتسناها من صباح

جنات عنقاتها : اوفف لحمدلله يسحابلي ماغانخرجووش زيدي نمشيو

كايلا شداتها من معصمها : بلاتي صبري دبا راه كاين مزاد لتحت و كارد واحد لي حاضي بيتك صبري شوية بيما خوات طريق انرجع عندك

جنات : اوفف انا مابقيتش قادة نصبر عفاك ماتعطليش عليا

كايلا شدات فيديها و قاست حنكها بحنية : حبيبة كوني هانيا اكيد انمشيو ( ضحكة صفرة )  دبا شربي لعصير و كولي مزيان حيت طريق طويلة ( كرزات عليها ) .....
__________________يتبع