#كفاني_قهرا 🔞
لا أحلل النشر دون ذكر اسم الكاتبة ❎
البارت 95 :
توجه لعند السعدية .... لي كانت عاطاه بالضهر و هازة صينية فيها لكيسان ... بمجرد مادارت و شافتو قدامها ...لاحت صينية و شهقات ...
السعدية ... اهى هى ولدي ولدي تعالا عندي انا انا مك ... لي هزيتك بين يديا نهار تولدتي انا مك اولدي اهى هى هالعار ماسامحني اولدي
يونس قرب عندها .... و شد فيديها باسهم ... انا مسامح ليك امي ...
عنقاتو كاتبكي و تشهق. .. و تبوس فيه ... و اخيرا كبدتها حداها ... صعيبة بزاف ان الام تفرق على ولدها سنين و سنين ... كية عمر ... ماغاتفرقهاش. .. حداها و لكن ماقادراش تقوليه نتا ولدي ... ماقادراش تسلم عليه ... ماقادراش تبوسو و تلعب بعشراتو ... اااه يا دنيا ...
السعدية ... اهى هى انا مامتيقاش الله ياربي لاجات لموت مرحبا بيها ... اهى الله ياربي جمعاتنا هاد دار سير اسي شرف الله انورك اجي اولدي عندي اجي ... اهى هى
عنقها تاهو دموعو نزلو من كلامها .... صعيب يعيش مع ناس معتابرهمش واليديه ... فضلهم كبير لاعليه لا على مو ... قراوه كبروه رجعوه راجل ... هاز مسؤولية . . .
مي باراكا من لبكا الله اخليك ... انا هنا ...
نقزات نسرين فوق ضهرو فحال لقردة و غوتات .... واااع توما باراكا من لبكا ... نوضو نجيبو لعروسة ...
يونس ضربها لقرفادتها ... ياك لمك مزال مابغيتي ديري عقلك ...
نسرين ... تشا قرب مني و تشوف ...
يونس ... برهوشة لمك ... خربق ليها شعرها ...
السعدية. .. ويلي ويلي نسينا لعروسة ...
طلعات السعدية و ريم لعند جنات لي لابسة لبستها .... و كالسة مع لالة غيثة كيتحاكاو ... كيتفكرو ياماتهم مع لالة ثورية ... ايه ابنيتي كانت مرا لله اعمرها دار ... الله اغفر ليها ياربي
جنات مسحات دموعها .... امين اعمتي ... الله اخليك ليلي ...
السعدية دخلات بجرا ... نويورتي نوضي نزلو .... لوقت هذا ... هاا
جنات تفكرات داكشي لي طرا فصباح ... هاا لا اخالتي كنتسنا شرف حتا يجي عندي ليه شي هضرة ...
السعدية جبداتها من يديها ... يوا لا ابنتي لوقت هذا ... زيدي نزلو و شرف ماغايهربش تي زيدي ...
نسرين ... واتي زيدي ههههه بغبتهم يديرو شعبي نحيح ...
لالة غيثة قرصاتها ... حطي قزيبتك لارض ...
نسرين ... اي اي امي را سنين هاذي ماحضرت لشي عراسية ...
دخلو نكافات لي كانو مراكشيات ... كل وحدة هازة ماهاز قلبي ههههه و كيصليو على نبي و يزغرتو ...
السعدية .... لوللوووووي
نسرين ولالة غيثة .... صلا و سلااااام على رسوووول لله يلاااا جاه ايلاااا جاه سيدنا محمد لولولولوووووي ....
نزلات لتحت و كلسوها فجليسة ... دلعروسة .... فجردة .... كانت جردة عامرة غا بناس الشعب .... صحاب لحاج و لقايد علي. .. لحاج من ديما ولد لخير لكنو ماكايتكبر ماكايطغا و لقايد علي عارض على ناس لقبيلة ... واخا ماجاه حد ... الا حبابو و اهلو ....
تقدم عندها سي لحاج و لقايد ... باست ليهم يديهم و ربتو على كتفها ...
لحاج كان لابس كوستار فلكحل مع قاميجة بيضة كيبان جون واخا هو داخل فسبعينات ... و لقايد علي لابس جلابة طويلة فلخزي مع سلهام و طاكية ...
لحاج دارليها لويزة د ذهب جنب صدرها و براسلي د الالماس فيديها .... هانتي الله ابارك ابنتي الله ابارك ...
جنات دمعو عينيها و باست ليه يديه مرا خرا ... الله انورك ابابا لحاج ...
لقايد علي قرب منها و باس ليها راسها ... سمحيليا ابنتي عويناتي نتي ... ( لبس ليها براسلي مرصع بلحجيرات و كلو بذهب و حلي نقرة حر د شلوح .... )
هاذي هي عاداتهم ... كيعطيو لبياض لبناتهم فلعراسات ... و بالاخص العروسة ...
جنات بشلحة ... اكيحفظ ربي ايبا ...
جلسات لابسة لبيستها ... و نكافات حداها كل مرة يقادوها ... و هي عقلها كلو مع شرف ...
تشعل شعبي و ناضت لحيحة .... كورسا و سعيد محيحيين و نسرين حداهم كتشطح و تضرب بصدر و طرماحة .... اسيييير علله ...
لقايد علي وقف حدا السعدية ... ( كانت لابسة قفيطين فلبيض مع زيف فصفر امازيغي عاقداه لفوق و مخبية بلحايك ... و دايرا تسويك فقط و لكحل فعينيها ) ...
لقايد علي ... جيتي زوينة اسعدية ليوما ...
السعدية تبسمات و حنات راسها ... تا كون تحشم اسي لقايد ...
لقايد علي ... علي اسعدية نساي عليا لقايد ... تبسمات ليه مرا خرا و دارت هربانة حشمانة ...
فلبيت عند ليلى ... كانت كتدوي فتيليفون
______________________يتبع
أنت تقرأ
كفاني قهرا
عاطفية🔥 حصـــــــــــــريـــــــــــــــا 🔥 على فاتنات مجرة الروح 💖 لا أحلل النشر دون طلب الإذن مني .... ❌ ايوا كي العادة من بعد اعتزال طويييل و من بعد مارجعت بقصة #فاتنات_تحت_قبضة_الوحوش 🔞 جيت ليكم قصة جديدة تحمل في طياتها من كل فن طرب...
