كفاني قهرا

البارت 108 :

#كفاني_قهرا 🔞
لا أحلل النشر دون ذكر اسم الكاتبة ❎
البارت 108 :

جنات طاحت على طولتها سخفانة .... شرف ماعرفش باش تبلا ... طار لعندها مخلوع و كينهج .... عينيه غرغرو من لمنظر ... بقا كيضرب فحناكها باش تفيق و كيغوت ... جنات جنات عمري فيقي فيقي عفاك ... فيقي ...

ماجاوباتوش ... كانت مغيبة هزها بين يديه ... مخلوع و دموع على طرف عينو ... ايه خايف يخسرها ... خايف توقعليها شي حاجا هي و لجنين ... هادشي كلو بسبابو ...

نزل بيها كيجري لطنوبيل تحت نظرات لجميع ... متخطيهم و هوما كيغوتو موراه ... شرف شرف بنتي ...
ركب سيارتو حطها لور و كسيرا للمستشفى بسرعة ...

لالة غيثة و السعدية و لقايد علي ... ركبو فسيارا وحدة و تبعوهوم بجرا ... كورسا و سعيد ركبو فسيارتهم متوجهين للمستشفى كذلك...
بمجرد ماتحطات سيارة شرف حدا المستشفى ...داز لور هازها بين يديه و كيغوت ... و يشتم ...

الاطباء بمجرد ماشافوه .. عرفوه شكون و ولد شكون ... حيدوها ليه من يديه و حطوها فلباياص ... كان مخلوع و حالتو كتخلع أكثر ... حاط يديه على شعرو بعصبية ... كاره راسو لاقصى درجة ... بقا كيمشي و يجي فداك لكولوار ... حاس بلعافية شاعلة تحتو ...

دخلات السعدية و لبقية كيتجاراو و كيسولو على حالتها ... و شرف متفادي يجاوبهم خصوصا انه حشمان من داكشي لي دار ...
السعدية فاهمة و عايقة ... بقات كتبكي و لالة غيثة كتواسي فيها ... صافي السعدية رجوع لله مايكون عندها باس ...

السعدية ... لله الالة غيثة نويورة مسكينة خايفة توقعلها شي حاجا ...

خرج طبيب ... كيتصرف ببرود ... شاف فيهم كاملين ...
شرف طار لعندو كيتسفسر بعينيه ... و قلبو كيضرب فستين ... خايف من شي لي غيسمعو ... يموت مافيهاش لاوقعات ليها شي حاجا ...
احم سي ناجي ... مراتك راها بيخير غي الضغط و التوتر لي خلاوها تفقد الوعي ... كنظن عندكم شي مشكل ماخلاهاش تصرف على راحتها و يقدر هادشي يأثر على لجنين سلبيا و كنطلبو شيفاء ان شاء الله ...

السعدية ... ايمتا نقدرو ندخلو عندها ...

الطبيب ... يمكنليكم دخلو عندها دبا ولكن غي واحد فيكم ... و غدا يمكنليها تخرج ...

بتاسم ليهم و داز مخليهم ... فرحانين .. لحمدلله ماوقعات ليها والو ...

_______________________يتبع