#كفاني_قهرا 🔞
لا أحلل النشر دون ذكر اسم الكاتبة ❎
البارت 88 :
عند جنات ... لي نزلات من سيارة و حداها السعدية ... لابسين جلابات واسعين و فولار ... و بليغة .... كيبانو فحال ام و بنتها ...
دخلو لمول ... لقاو كاع داكشي لي بغاو ... بقاو يدخلو من هنا و يخرجو من هنا حتا تهدو و ليكارد موراهم هازين تقدية ... تقداو فالمول و كملوها بالقيساريات ...
رجعو لفيلا بعد مشقة الانفس ... لقاو دار كلها متيولة و دايرين جليسة كبيرة فالجريدة ...
لقايد علي مامقصرش من جيهتو جايب لعابات لهواريات ... كيتسمع دق و تطبال من برا ... جنات دخلات و على وجهها علامات فرحة كاضحك و السعدية كاتزغرت ...
و سي لحاج تاهو مامقصرش ... رجع دار على مزيناتها ... و جاب التقدية و داكشي كلو لي غيحتاجوه ...
طلعات للجناح و هي كاتبسم ... تغير ملابسها بشي قفيطين ...
شافت بلي ماكاينش حس رجال ... تأففات بملل
دخلات لشومبر .... دخلات لحمام مباشرة ... قضات حاجتها و صلات صلاتها ...
تحل لباب و دخلات كورسا كتعوج و باقا بحوايج الخروج ...
كورسا ... تي نوضي اديك سليعفانة غاتجي لكوافورة تقاد ليك ديك لكمارة...
جنات شداتها فيديها ... ويلي خايفة بزااف
كورسا بضحكة عالية ... هاا ههههه لبوشونة مشات ليك شبغيتي كثر
جنات بقات كاضحك على لهضورات تاعها ... هههه
جبداتليها كورسا قفيطين فلبيج غامق و فولار فليموني ... خفيف
ليغة فنفس لون ...
بقات كتسنى شوية حتا دخلات بنت طويلة ... كانت لكوافور ...
دخلات قادات ليها ... لميكاب ... تقريبا شي ساعة و هي كتقاد ...
كورسا ماشي هنا راها مرة مرة طل تشوف فداك لعتروس تاعها ... فين غابر
سالات منها و شكراتها ... دارت عند كورسا و هي تصفر ....
كورسا .... وااااااااو تي شكون منين جايبينك الله الله ليوما يسخف لينا سي شرف ...
جنات كاتبسم بخجل ... شافت فلمراية و هي تبهر من جمالها ... عاجبها راسها ... براءة ممزوجة بجمال طبيعي ...
كانت لكوافورة مركزة ليها أكثر شي على عينيها يبان لون لي عاطيهم نظارة و صفاء بشرتها ... ماكثراتش ليها لميكاب بزاف ... و روج فلاحمر خفيف ...
دخلات السعدية لي تاهي تبهرات منها ...
السعدية كاتمسح فدموعها بكمام قفطانها ... الله على نويورتي كي الاميرة الله يحجبك ابنتي ...
جنات كانت غادمع كون مالميكاب ... امين اخالتي
عبوش فينو شرف ؟ واش ماجاش يشوفني ( باسى )
السعدية قاطعاتها ... را عندنا عادة ابنتي لعريس ميشوف لعروسة حتال نهار لعرس ...
جنات ... هههه هاويلي ماكنتش عارفا ...
نزلات بزغاريت و تطبال ... حانية راسها ... و كاتمشى خطوة ورا خطوة ... و كلهم موزونين ...
كانت جريدة عامرة بلعيالات ... و لبنيتات لي قدها فلاج ... منين الله و اعلم ...
كلسوها فجليسة دلحنا مقابلة معاهم ... فيها كلشي ... و قدامها طبيلة فيها بلاطة د تمر و لحليب ... لويزات د ذهب .... و خنيشات صغار د لحنا ... كيتعطاو لبنات لي مزال ماتزوجو ... و عاد لحنا لي غيدار ليها ...
بداو لعابات كيطبلو .... اهرس اهرس و شرف يخلص .... جنات فوق شجر ...
جات مولات لحنا ... كلسات مقابلة معاها و قاداتها فلجليسة ...
م.ح : الله يكمل علكي بلخير ابنتي الله احجبك من عينين بنادم ...
جنات بابتسامة : امين اخالتي ...
_______________________________يتبع
أنت تقرأ
كفاني قهرا
Romance🔥 حصـــــــــــــريـــــــــــــــا 🔥 على فاتنات مجرة الروح 💖 لا أحلل النشر دون طلب الإذن مني .... ❌ ايوا كي العادة من بعد اعتزال طويييل و من بعد مارجعت بقصة #فاتنات_تحت_قبضة_الوحوش 🔞 جيت ليكم قصة جديدة تحمل في طياتها من كل فن طرب...
