كفاني قهرا

البارت 54 :

#كفاني_قهرا 🔞
لا أحلل النشر دون ذكر اسم الكاتبة ❎
البارت 54 :
عند يونس لي ناض من بلاصتو كاينهج و دقات قلبو متسارعين
ركب فسيارتو متوطه للمستشفى و عقلو غايب كايفكر فجنات لاغير و حالتها كي غاتكون
كي وصل نزل من سيارتو باغي يدخل حتا حبسوه ليكارد د شرف لي مطوقين المستشفى كلو
يونس : طلقو از*** طلقوو ندخل جناات ( كايدفع فيهم )

خرج شرف بعدما ماعلمو كارلوس بالأمر
شرف و الغضب باين على ملامحو : شكادير هنا نتاا

يونس بادلو شوووفة : نتااا لي شنو كادير هنا باشمن حق هي بسبابك وصلات لهنا طلقوووني طلقوني ندخل نشوفها

شرف ماصبرش و نقض عليه بكروشي لوجه : ماشي سوق ط*** مك تكون بسبابي و لا لا و عمرك تحلم تشوفها الا على جثتي

يونس حول نظرو ليكارد و شرف هوما كثر منو و غي كيضيع فلوقت من الاحسن يصبر بيما داها : غاتندم اولد ناجي غاتندم و كون اكييييد حبيبتي غاترجع ليا و غاندفعك تمن غالي

شرف شاف فيه و علامات الاستهزاء على وجهو و دار داخل و كارلوس تابعو

شرف بصرامة : كارلوس نبغي كاع لمعلومات على ديك بنت لق**** فهمتي و دبا

كارلوس : اوكي سي شرف هي لولة

دازو سوايع قليلة و هي تفيق جنات كاتحس بعظامها مدكدين و صحتها قليلة ماقاداش تدوي صوتها بح و لسانها ثقال عليها
طيحات دمعة خدلان و أسى على حالتها و شنو كانت باغا دير فراسها
كانت باغا تعصي سيدي ربي واخا الغلط ماشي منها
كانت باغا تنهي حياتها
الممرضة خرجات كاتجري تعلم طبيب
دخل طبيب تابعو شرف لي بمجرد ماطلعات عينيها فيه نزلاتهم دغيا ماباغاش تشوف فيه
طبيب قاس ليها حرارتها و بدل ليها لفاصمة فيديها : مدام جنات قوليلي باش كاتحسي

جنات تفادات تجاوبو بقات ساهية فنقطة وحدة

طبيب : احم سي شرف الانسة ولات بيخير لحمدلله قدرنا نعتقوها و يمكن ليكم تمشيو
ستأذن طبيب باش يخرج و كذلك الممرضة
بقات جنات مع شرف راس فراس
دورات وجها و دموعها هوادين شلال مابغاتش تهضرو ولا تجاوبو مكتفية فقط بالدموع
شرف شد فيديها الا انها بغات تنترها مي ماقداتش : جناات شوفي فيا جنات انا ( بندم ) كانعتاذر
جنات تقابلات معاه : هى كنعتاذر عندك ساهلة تقولها مي انك ترزيني فالحاجا لي محتافظة بيها طول حياتي و فلاخير كنعتاذر اهى

شرف صقل عارف ذنبو كبير و عارف بلي من حقها ماعمرو تعامل مع شي أنثى هكا ماكانش حاسبها فييغج أصلا و ماكانش باغي يوصل معاها لديك درجة

شرف شد فحناكها بيديه و عينيه فعينيها : جناات سمحيليا عفاك نا ماوعيتش على راسي شنو درت مابغيتكش تكوني منهم أجنات بغيتك تكوني جنات لي عرفتها أول مرة جنات لقوية و ...

جنات قاطعاتو و هي كاتبكي و تشهق : اهى اهى بغيتيني نكون جنات القوية جنات لي كدافع على حاجا وحدة لي هي شرفها هى هى رااااك قتلتيها اهى كانكرهك كانكرهك أشرف ناجي...
بقات كاتبكي حتا غيبات بسباب مفعول دوا
شرف ناض من حداها و عقلو ماشي هنا شاد فراسو غي بزز....
___________________يتبع