كفاني قهرا

البارت 7 :

#كفاني_قهرا 🔞
لا أحلل النشر دون ذكر اسم الكاتبة ❎
البارت 7⃣ :
تعاشات العشية و دخل سي لقايد مع داك ثور
غادين نيشان لبيت جنات
حلو و دخل نيشان عندها و هي مزالة فحالتها مرمية فلارض و شعرها كلو مشنتف عل اثر جران د داك لبغل د سعيد
ركلها برجلو نيشان لكرشها
فاقت جنات بالفزعة حيت كانت نعسانة و كلسات مسكينة كتلوا و شادة فكرشها و هوو كايبلبل فوق راسها و يمشي و يجي
لقايد علي : مزيان تبارك الله تقادو لكتاف وليتي تبلبلي علينا و تردي فلكلام الالهوم جنات شوووف ابنادم اخر كلام عندي هو لي ماغايتعاودش غاتزوجي بحمد ولد لحاج هي غاتزوجي و كلامي ماينزلش لارض سمعتي
مسكينة كاتنخصص فبلاصتها و تبكي بلا حس ( قطعاتلي قلبي )
و بلا رحمة بلا شفقة ناضو خرجو و سدو عليها لباب حرموها من لماكلة و مها و السعدية فلكوزينة
السعدية كاتطيب و تواسي لالة ثورية على زعفتها على بنتها لي غاتآذي راسها لاخلفات كلام باها
____________
بلسان جنات :
كنت كالسة مابيا ماعليا تا عيط عليا با فلول سحابني ايقولي مبروك ابنيتي على نجاح
صدق معدي عليا كثر من داك تعدوو لي عشتو من صغري الضرب الذل الاهانة باغي يزوجني بلا خباري و بلا شواري
تصدمت و فرمشة عييين ضاعت احلامي ضاااعت
ماكرهتش نقتل راسي حيت وجودي معندوش معنى و لكن انا عارفا بيني و بين الله ماباغاش نخرج من جهنم و ندخل فوحدة اخرى
شنو ذنبي لاتخلقت و تولدت تحت الضغط ديال هاد لعادات د لقبيلة
البنت غا كتكبر شوية زوجوها ماعارفينش بلي كاينة شي حاجا سميتها مستقبل طموووح اهداف
اااااااه ( شهقات على اثر الجروح لي كايحرقوها ) و لكن هاد الجروح ماكايسواو والو قدام قلبي لي من نهار تزاديت و هو محطم و زاد هرسوه شقافي صغار
و لكن اقسم برب العرش الجليل ماغانستسلمش و غانشوفو انا ماشي وحدة من هاد لبنات لي مصيرهم مبني على مصير أمهاتهم 
انا ماشي هوما لاااا ماشي هوما ( بقاات تبكي و تحرك راسها يمين و شمال ) لاا لااا انا جنات جنات طبيبة جناااات دكتوورة اهى اهى اه اه ههههه ( البنت قربات تحماق بلبكا و ضحك و تسطية )
لااا انا جنات جنات  كانت كادوي حتا غفات عينيها و غدا يومها المشؤوم
____________________
نمشيو لبلاصة اخرى :
كان كالس فلبالكون كايطل على لبحر من لبارطمة ديالو لابس تيشورت كحل و شعرو مرجعو لور كايضرب فيه ريح
كان كل مرة كايتبسم مني كايتفكرها براءتها عويناتها لخوضر لمشفرين فمها لغوزي الصغيور و حنيكاتها لموردين و هي تجري و هو موراها كايلعب معاها
يوووونس ( بتنهيييدة طويلة ) : قريييب تكوني ديالي غي صبري عليا
فيقو من سهوتو تيليفونو لي رن :
شاف سمية و هو يتخطف لونو و ولا يقفقف باينين عليه علامات توثر
يونس : الو راها فطريق
... ( صوت رجولي و طاغي عليه لهيبة ) : نبغي السلعة تكون ممتازة و كيف ديما من 18 لعام لتحت
يونس : وي راها وصلات الطلبية الاولى و بعد غدا الدفعة الثانية انا لي غانشرف عليها بيدي
..... : ياويلك و يكون شي خطأ غا ترحم على روحك
يونس : اا مفه(قطع عليه )
تفوووو ز*** صابر ليه انا هنا على شغالو و كايآمرني من لفوق كون ماكنتش عارف ديلمو يجبدني يجبدني كون شعلتها ليه
فرحان بكرو بدوك لفلوس لي كايربحهم و لكن غا بلاتي ( رشف من كاس لويسكي لي حداه و عينيه ثملانين  ) .....