كفاني قهرا

البارت 84 :

#كفاني_قهرا 🔞
لا أحلل النشر دون ذكر اسم الكاتبة ❎
البارت 84 :

لحاج موجه كلامو السعدية.... ماديريهاش منا قلت صواب ابنتي ... ليلى را قلبها ضريف غي مازال مولفاتكمش

شرف قاطعو و هو مخنزر ... السعدية دار دارك كيفما هاذي دارنا ... تصرفي بحرية ماتسناي تاحد يتحكم فيك ...

السعدية و دموع فعينيها ... الله انوركوم ياربي ...
جنات عنقاتها بيد وحدة ... نتي فحال ماما السعدية براكا من لبكا ...
كملو فطورهوم عادي .... بعد عشرة دقايق تقريبا
نزل لقايد علي تابعو سعيد ... لي مغوبش كي لعادة ... ولابس اون كولور ... سروال فلخضر و قاميجة فلحمر و كرشو مدلية شوية ... مع داك لموسطاج لي عام ماقاستو لماكينة ...
لقايد علي لابس جلابتو و طاكيتو كي لعادة ... صباح لخير

جنات ناضت عندو و باست ليه يديه ...

لقايد علي : الله ارضي عليك ابنتي ...

لحاج : اهلاا اسي لقايد ...

لقايد علي و لحاج بقاو كيدويو ... شرف مرة مرةيبوس يد جنات و يتغزل بيها ...

شرف دخل ليها دوك شعرات لي كيبانو.... حبيبتي مشهية شي حاجا

جنات فحال لبنيتة صغيرة طلعات فيه عويناتها ... لااااا فين مشيتي صباح ( خنزرات فيه )

شرف ضحك على تصرفها ... مشيت لخدمة هممم مانمشيييش ( شد ليها نيفها بصباعو )

جنات بهمس : ناااء بقا حدايا حتا نفيق ...

شرف : هممم هههه قطيطتي كتخاف بوحدها ... و زايدون معاك ولدنا هاا ( كيبوس ليها فكرشها قدامهوم ) غايحمي ماماتو هاا ممم

جنات : ويلي كون تحشم ازمر ...

شرف دار يديه فوق فخضها قرصها بشوية و بقا مطلع يديه حتال سرتها ... كيلعب ليها على لوتر لحساس ... احح ندير فمرتي لي ...

حنات ضرباتو ليدو بشوية ... شرف اوفف براكا

شرف مازكاش بقا كيطلع رجلو بشوية مع رجليها ....  و ينزلها ..
و كايلعب بفخاضها كيبجغهم تحت طبلة ... مستمتع بخيرو ...

حتا نطق لحاج ... ايوا انا ندير لبنتي عرس سبعيام ... عمرو يتنسا لاهلنا و ناسنا

لقايد علي ... على شحال من بنت عندي

حنات تبسمات و لفراشات كيلعبو فكرشها ...
شرف بصرامة ... لا بلاش لواليد ... داكشي ماشي ضروري ...
جنات حمرات فيه عينيها و دورات وجهها معصبة ....

لحاج : الا اولدي ضروري نفرحو بيكم ... اولا

عند سعيد ليكان حاضي لباب ....

لقايد علي : سعيد نوض نمشيو لسويقة اولدي ... عندنا شلا ميدار ...

فينو سعيد راهو حال فمو ... فديك لمونيكة ... لي متوجهة لكوزينة كاتعوج ...

لقايد نغز سعيد محمر فيه عينيه ... تا فين شارد اولد لحرام ...

سعيد فاق من سهوتو ... ا با كي شتي دبا نتا انا ااا

لقايد ...تا جمع لوقفة نمشيو للسوق و نتا حاضي ليا دريرية ... الله اخليك بلبلا ...

_____________________يتبع