كفاني قهرا

البارت 50 :

#كفاني_قهرا 🔞
لا أحلل النشر دون ذكر اسم الكاتبة ❎
البارت 50 :
عند شرف لي ماتلاش رجع لفيلا د لحاج حيت ماحلمش لجيست لي دار علاء مي قال غي برهوش مازال ماعارف شنو كايقول و مو مزالا كاتحرشو ( أكيد عارف كلشي )
تخطا ليكارد و دخل متوجه الصالون لقا لحاج و ليلى كالسين كايتحتحو
شاف فيهم و لقا سلام و هو عاقد غوباشتو
الحاج : اهلا اهلا بولدي الله اولدي شحال هاذي ماجيتي
شرف : هاني الحاج جيت محتاجني فشي حاجا
الحاج : اكيد اولدي واش مزال ماهداك الله عليا
شرف ( مل من نفس الموال ) : لحاج راسك قاصح
ليلى ميقات فيه ماكاتحملو ماكاتقبلو : احم لحاج خليه على خاطرو و زايدون علاء راه ... ( بتحلوين )
الحاج خنزر فيها و قاطعها : مادخليش اليلى هادشي بيني و بين ولدي
ليلى مارضاتش على اثر القمعة لي تلقاتها قكام شرف لي داير ضحكة جانبية
من ديما شرف ولدو ولدو لي عندو لعقل ولدو لي معقول ولدو لي عارف شكايدير و علاء غي برهوش برهوش زهو لقصاير طيش
ناضت طالعة فدروج و هي معصبة باغا فيمن تفش خلقتها : هييي نتي ( شافت فلخدامة ) علاااياش وصيتك هاااا تحركي دغيا
لخدامة حنات راسها و تمات غاديا لعند لحاج و شرف كاتصنط عليهم و دايرا راسها كاتقاد لقهوة
لحاج : ولدي و مزال ماهداك الله تزوج بشي بنت ناس هاا تدير وليداتك باغي نشوف حفادي اولدي و باغي لي يعمر عليا دار قبل مايدي مول الامانة امانتو
شرف عقد غوباشتو : لوالييد نفس لمواااال انا ماكادورش فراسي هاد لفكرة غي خوي راسك منهاد الافكار
لحاج تنهد بقلة صبر عارف ولدو راسو قسح من لحجر و كايدير غي لي كيقوليه راسو
سالاو هضرتهم و ستأذن منو شرف لي خرج مكسيري غادي للكباري
بقا كايصوك و فكرة تديه و فكرة تجيبو
ماعرفش لاش فكر بالضبط فجنات مني قاليه باه مزال ماهداك الله تزوج بشي بنت ناس جات فبالو جنات
نفض دوك الافكار من راسو و وصل الكباري
عطا سوارت لكونطاك للكارد و تم طالع للجناح ديالو
دخل و سد لباب وراه
توجه أولا لشومبر جنات توحشها توحش ريحتها و قصوحية راسها
شاف لبيت خاوية قال غاتكون فدوش سمع صوت لما و دار غادي خارج ماباغيش يحرجها
لكن استدار بعدما شاف لما حمر خارج من لحمام تخلع و دخل بجرية حتا كايتصدم من المنظر
كانت جنات فلجاكوزي عامرا دم و قطعة زجاج فيديها و لما شلال مخلط مع دم ديالها
اه قطعات شراييين معصمها بغات تنهي حياتها ملااات ماباغاش تكمل فهاد لجحيم
هزها و هو مخلوع و عينيه حومر خايف يخسرها
لواها فداك ليزار بيض لي رجع حمر و نزل مع دروج كايجري و كاع لي فلكباري حاضينو و منهم كورسا
دارها فلكرسي لووور و هو كايغوت و ينهج : اععع جنات صبري صبري لا لا ماغاتموتتييييش صبري اوفففففف
نزل من سبيطار و دارها فوق لبياص و الأطباء تابعينو كايتجاراو عليه
شرف بعصبية : عرفتووووو و توقع ليها شي حاجا غي ترحمو على روااااحكم
دخلوها لغرفة العمليات و هو غادي جاي تقول مرات حاملة
دازت شوية دلوقت و خرج طبيب و على وجهو علامات أسى .....
__________________يتبع