#كفاني_قهرا 🔞
لا أحلل النشر دون ذكر اسم الكاتبة ❎
البارت 62 :
وصل لسبيطار ... و نزل من طنوبيلتو كايجري و الأطباء كيتجاراو ليه ...
حطها فوق لبياص و هي شادة فيديه كاتنين
شرف : جنات جنات صبري انا معاااك رووحيي انا هنا
زيرات على يديه كثر و قبلها بحنية مايقدرش يتقبل فكرة انها توقع ليها شي حاجا ايحماق
دخلوها لغرفة المستعجلات ثانية ...
نفس لبلاصة ... نفس القدر ... نفس اللعبة ... لعبة الموت ... لعبة النحس ... لعبة الجحيم ... عمرها تهنات فحياتها .... عمر فرحتها ماكملات ... ديما بعد المحن كاين فرج الا ان جنات عاشت بزااف و هي مزال وريدة ....
شرف كايمشي و يجي فداك لكولوار ... عيا بزاف فما بالك جنات لي تعرضات لبزاف د الأزمات و مزال كاتعاني فعز شبابها
بغاو يزوجوها غصبا عنها ... تباعت كدمية ... تضربات كثر من مرة ... تغتاصبات ... حاولات تنتاحر ... شربوها سم ...
دازت ساعة تقريبا حتى خرج طبيب و علامات وجهو باردين ...
شرف طار لعندو : شنو واقع ؟ كي بقات جنات ( باينين عليه علامات لخوف )
طبيب : سي ناجي المريضة ماعندها تاشي حاجا كتخوف حيت السم مانتاشرش فجسمها فقط درنا ليها غسيل معدة و دبا غانحولوها لغرفة عادية تفيق و يمكن ليك تزورها ... خليت ليك راحة
شرف شد قبضة يدو بعصبية و نيش على لحيط حتا طوش دم ؛ اععععع اولاد لق**** كنتو اتقتلووووها مي وجدوووو راسكم الحرب غاندمكم غاندمكم ...
ناس لي فلكلوار حاضينو مستغربين من حالتو شنو لي وصلو لهاد لعصبية كلها و الممرضات كيتهامسو عليه ...
نمشيو لبلاصة اخرى ...
كانت السعدية فبيت جنات كاتجمع شي حويجات و تصيورات ليها هي و لالة ثورية الله ارحمها
هزاتهم بتخبية و دارتهم فصاكها و شافت فبيتها بأسى
السعدية : اخخخ ابنتي كيفاش نقولك هادشي اخخ
لالة غيثة واقفة فصالون مقابلة مع لقايد علي و سعيد
لقايد علي : بقاي اختي تعمري علينا دار غي شي يامات
لالة غيثة لاحت عليها فولارها : لا اخويا ضيافة نبي تلتيام وراني خليت تما وليداتي و داري فلمدينة
لقايد علي ناض باسليها راسها ؛ طريق سلامة اختي
سعيد : طريق سلامة اعمتي ( بتنفاخ )
السعدية نزلات هازة صاك كبير مجموعين فيه حوايجها و دايرة درة على راسها ...
لالة غيثة : السعدية زيدي را تابعانا طريق
السعدية شافت فدار لي كملات فيها ريعان شبابها من عمر العشرينات و هي خدامة هنا ... كانت لالة ثورية كتعاملها من أطيب خلق الله ... شافت فسي علي بأسى
و حنا راسو ماباغيش يشوف فيها ... سعيد لاحظ شوفاتهوم و ميك ماباغيش يدوي قدام باه
ركبو فالسيارة السعدية ولالة غيثة لور ...
______________________يتبع
فنظركوم شنو قصة هاد السعدية ؟
أنت تقرأ
كفاني قهرا
Romance🔥 حصـــــــــــــريـــــــــــــــا 🔥 على فاتنات مجرة الروح 💖 لا أحلل النشر دون طلب الإذن مني .... ❌ ايوا كي العادة من بعد اعتزال طويييل و من بعد مارجعت بقصة #فاتنات_تحت_قبضة_الوحوش 🔞 جيت ليكم قصة جديدة تحمل في طياتها من كل فن طرب...
