كفاني قهرا

البارت 96 :

#كفاني_قهرا 🔞
لا أحلل النشر دون ذكر اسم الكاتبة ❎
البارت 96 :

فلبيت عند ليلى كانت كتدوي فتيليفون ... حتا دخلات وحدة من لخدم ....

ليلى طلعاتها و هبطاتها ... شدرتي فداكشي ....

لخدامة بابتسامة ... كلشي هو هذاك ...

ليلى ... همم ها حقك ...
عطات ليها واحد جوا عامر فلوس .... دارتو فصدرها و خرجات ... ليلى كتبسم و تدوي فتيليفون. . . ههههه كلشي هو هذاك اجوزيف ... ههههه

جوزيف .... ماعندي ميتسالك داك ولد لعاهرة غايندم علاش لعب معايا ... 

ليلى .... كلشي ايولي فسميتي انا و ولدي ... هههه تشاو ...
دخلات لحمام .... باغا ترخي عظيماتها ... و تقول واش ضميرها أنبها على هادشي لي سايرة دير فيه ....

عند جنات لي كانت حاضية لباب .... طلعات بلبسة لولة و ثانية و هو مزال ماجا ... حاسة بقلبها مقبوط عليها ....
لحاج تقدم عندها .... بنتي مالكي مشوشة ... انويورة

جنات بخجل ... احم ابابا ماعرفتش فينو شرف ...

لحاج ضحك بعفوية ... هههه ولدي و كنعرفو ماكايحملش كثرة صداع و لكن هانيا منخصروش على نويورتنا .... دبا يجي متخافيش ...

جنات تبسمات ليه و هي تلمحو من بعيد ... نازل من سيارتو .... كان لابس ... كوستار فلكحل و مأنتك على لحالة ... كان كيبان سيد رجال ... معمر ليها عينيها و وافي بوعودو قدام كاع عيالات لقبيلة ....
تقدم عند لحاج سلم عليه و تعانقو عناق رجولي ...

لحاج ... واقول تعطلتي على لحالة هااا هههه كنتي اتسكت لينا قلب لبنيتة ....

شرف غمزو .... ماعرفتش شكون لعريس واش انا ولا نتا لواليد ههههه

لحاج ضربو لكتفو ... سير سير قبل لانقلب عليك هههه
شرف دار ليه بيس بيديه .... و توجه لعندها تحت نظرات جميع النساء لي فجردة ... كيشطحو و يحركو فمؤخراتهم باش يعجبوه ... و هما ماعارفينش بلي وحدة لي معمرة ليه لعين هي لالاهم جنات ... 

جنات تبسمات و شافت فيه بفرحة ... شرف ...

شرف باسها فحنكها و يديها قدام كاع لعيالات ... عيون شرف ... نموت فيك انا ... احح اشهاد زين كلو عندي هاا ...

حنات بخجل ... ويلي اشرف ناس كيشوفوو...

شرف ... نديرو بناقص الالة زيدي قدامي.... دار راسو غيهزها من بلاصتها ...

جنات ... هههه اويلي لا حمق لاخور ...

شرف باسها مرة خرا تحت نظرات لجميع ... ماحشم لامن باه لا من باها ... ولا عمتها ولا تاحد ... حشمها بين لعيالات ...

شرف ... احح نموت انا فيك ... نتي لي حمقتيني اقطيطتي ...

جنات عنقاتو بيد وخشاها فيه ... غافلين على عيون بعض ناس لي مترقبينهم ....

جنات ... شرف حبيبي بغيت ندوي معاك ... حنات راسها باسى

شرف ... بغا يدوي حتا قاطعو صوت تيليفونو ...  دقيقة و نجي اعمري ...

حنات. .. ولكن ...
دار غادي ماسامعهاش ... كيدوي فتيليفونو و مع صداع ماسمع والو ....
طلعاتها نكافة لفوق .... غيرات ملابسها و هي حاسة بقلبها مقبوط عليها ...  خصها لابد تدوي معاه ... 
دارت يديها على كرشها ... ضروري ندوي معاك اشرف ... مابغيت تاحاجا تآذي ولدي ... هوما بغاو يآذيوه ...
طاحت دمعة من عينيها و مسحاتها بزربة ...
نزلات لتحت بزغاريت و صلاة عالنبي ثاني ... ضروها فراسها و باينة فيها متوثرة بزااف ... ماباغاش علاقتو تخسر مع مرات باه ... ( تي الله يهديك فين عمرو كان بعلاقة معاها هههه ) ...

__________________________يتبع