#كفاني_قهرا 🔞
لا أحلل النشر دون ذكر اسم الكاتبة ❎
البارت 122 :
تعاشات لعشية ... السعدية و كورسا فبيت .... كيوجدو فريوسهوم .... كورسا لابسة كسيوة مرخوفة فزرق ملكي ...و سبيبيط بلا و مخلية شعرها على راحتو .... دايرة ماكياج خفيف ... و السعدية لابسة كندورة منقشة بالزرق و الكحل و لبيض و اول مرة تعري على شعرها تحت اصرار من لبنات ...
جنات لبسات قفيطين جوهرة فلبيج سامبل مطروز من جناب ... و نسرين لابسة كسيوة كحلة لاصقة نص فضهرها عريان ...
لالة غيثة لابسة بدورها كندورة مناسبة سنها مع فولار انيق ...
نزلات نسرين ولالة غيثة للصالون لقاو رجال ... سي لحاج و سي علي و سعيد و علاء ...
دخل شرف لي لقا سلام و غير ملابسو و نزل بدورو ... كيقلب على جنات بعينيه ملقاهاش ... قال يخليها على راحتها....
كان صالون متيول بفراش تقليدي مية بلمية ....ها زرابي ها الاثاث التقليدي .... سدادر مغربية من طرف للطرف .... و الزينة و لفراش و لمخاد .... كلشي هو هذاك
طبالي معمرين بخيورات سيدي ربي ... لحلويات و العواصر و التحليات... و لقريشلات ...
نزلات جنات لي كانت كتبان كيووت بمعنى لكلمة ... لا من ملامحها لهاديين ... لا من لحمل لي جا معاها و مخليها فاطلالة خرا .... شرف طلعيها فيها عينيه و بتاسم ....
تقدمات لعندو و باس يديها و كريشتها ... عمري توحشتك .... احح
جنات نغزاتو ...اويلي شرف حشومة ... راه ناس كيشوفو ...
شرف مامسوق لحد ... باسها فحنكها قدامهم ... مع مراتي و ماسوق حد فيا ...
جنات صقلات و هي غاطرطق من لحشمة فينما يدور يعطيها بوسة فينما جات .... غافل على عيون الناس ... سي لحاج كيتبسم ...
نسرين كانت دايزة باغا تكلس حتا جبدها علاء و كلسها حداه ... عطاها صقلة لداك الضهر العريان ... حتا تاوهات ...
نسرين ...اوووتش حمار اي وعتيني ...
علاء غوبش ... مال طواسلك معرية داك ضهر هااا و هاد لفخاد .... قرصها ففخادها ... جاب لله لبقية ملهييين مع لهضرة ...
نسرين قربات تدمع ... اهى اي واش جهلتي ....
سي لحاج دار عندها ... بنتي نسرين واخا تكلمي لينا لبنات ...
نسرين حنات راسها و اومات ليه براسها ... واخا اعمي لحاج ...
بقات غادا و كتعوج تحت نظرات علاء لي مخنزر ... يشدها ينكحها قبل زواج ... كديرها بلعاني ....
_____________________________يتبع
أنت تقرأ
كفاني قهرا
Romance🔥 حصـــــــــــــريـــــــــــــــا 🔥 على فاتنات مجرة الروح 💖 لا أحلل النشر دون طلب الإذن مني .... ❌ ايوا كي العادة من بعد اعتزال طويييل و من بعد مارجعت بقصة #فاتنات_تحت_قبضة_الوحوش 🔞 جيت ليكم قصة جديدة تحمل في طياتها من كل فن طرب...
