كفاني قهرا

البارت 36 :

#كفاني_قهرا 🔞
لا أحلل النشر دون ذكر اسم الكاتبة ❎
البارت 36 :
فاقت جنات على ٱثر لمسات فوجها و راسها كيعطيها لحريق
حلات عويناتها لخوضر كان كالس قبالتها و عينيه عليها
فاق من سهوتو حنحن و هي دوي : فين انا عفاك قولي فيناهوما واليديا ( ببراءة )
شرف ببرود : ماتو
جنات : شنوووو اهى اهى ( طاحو دموعها ) واش كتحماق عليا كيفاش ماتو
شرف : وي نتي ماعاقلاش على هادشي فاتو عليه سنين و مانسمعش حسك القطيطة
جنات بقات تبكي فخاطرها و سولاتو : شحال و انا هنا و مالي و شكون نتا اسيدي
شرف ( مخنزر فيها) : كاتسولي بزااااف اجنات بزااااف
جنات ميقات فيه
شرف : انا راجلك امدام شرف ناجي ( ورك عليها )
هي قفزات : كيفاش مراتك زعما كيفاش و امتا تزوجنا
يالاه بغا يجاوبها تحل لباب و دخل دكتور لي كيشوف فجنات و يطمأن على صحتها
طبيب : مدام جنات يمكنليك تغادري فلعشية بيما خديتي كامل راحة و لكن عطي راحة لراسك حيت جرحة لي فراسك مزال مابرات
شرف : اوك يمكنليك تفضل و نتي رتاحي بيما قضيت غرض و جيت
خرج شرف و هي دخل الممرضة كاتعقم ليها فجرحة
_________________
عند يونس لي كان متوجه للشركة يفسخ العقد لي كان موقعو مع شرف ناجي
دخل متوجه نيشان لبيرو ديال شرف لقاه مخشي فشي وراق طلع فيه عينيه و كل واحد فيهم كايتحلف على الاخور
شرف : همممم مرحبا ( بغمزة )
يونس : مزال ماتفاهمنا على موضوع جنات و لكن انتفاهمو على موضوع الشراكة لي غانفسخها
شرف ( بغروور ) : الشراكة تفسخات من نهار حطيتي راسك فراسي و من نهار لعبتي مورا ضهري اسي يونس و لكن انا لي كيتحداني كايدفع ثمن غالي
يونس قرب منو : اهاااا لويتي لي دراعي بحبيبتي يااااك هااا لوتيهالي بجناات دوي و لكن كون متأكد عمرها تكون ديالك هي ديالي وحدي وحدي و قلبها ملكي و فيه غي انااااا ( ورك عليها )
نقض عليه شرف و بقا كايعطيه فلكروشيات و تا يونس مامقصرش تجمعو عليهم الموظفين و ليكارد كايفكو فيهم
شرف : ياز***ياولد لعاهرة انا تلعب معاااياااااا اتدفع ثمن غااالي ( ضرب لبيرو بيديه )
يونس بلغوااات : غاترجعلي و غاتولي لياااا بوووحدي
ماعرفش شنو جاه علاش معصب مولف يكون مبرد مايتعصبش مي تحركات فيه شي حاجا مني بقا كايدوي على علاقتو بجنات
ماحملهاش تكون ديالو ماحملهاش تبغيه و تكون ليه لااا لا هي ديالو
هادشي لي دار فعقلو
عند جنات لي من بعد ماخرجات طبيبة
نترات داك سيروم و بغات تحل لباب و هي تلقاه مقفول
تأففات بملل و هي تلبس صابو ديالها و شادة فجنبها و راسها عاطيها حريق
تمات غادا لشرجم حلاتو و شافت جردة د كلينيك  فيها غي المسنين و العجزة معاهم ممرضات
طلعات فوق كرسي و تعلقات فشرجم حتا نزلات و تأوهات من الألم لي حاسة بيه
تمات غادا و كاتحسس فجنبها ....

________________يتبع