كفاني قهرا

لبارت 31 :

#كفاني_قهرا 🔞
لا أحلل النشر دون ذكر اسم الكاتبة ❎
البارت 31 :
خرجات جنات من الجناح كاتمشى و كاتمسح لغبرة فأي بلاصة و تشطب و ترتبو واخا كان مرتب
كانت كاتفكر فحالة ماماها و فيونس و كيفاش باعها بدم بارد زادت حقدات عليه كثر و كثر واخا كايبغيها
تمات كاتكفر فشي حل لهاد لورطة لي طاحت فيها و هذاك الهماجي عمرو يقيلها لاهوما تسايس معاه بيما سلتات
مانزلاتش التحت جمعات لجناح و كلسات فكنابية فواحد صالون مقابل لشومبر د شرف ساهية فنقطة وحدة
فيقها من سهوتها صوت تيليفون د شرف كيصوني
شرف : ممم وي اوكي ليلة غاتكون حفلة فلبار كلشي غيتجمع تما مم اوكي
سمعات شنو قال و هي توسع ضحكتها باغا تفك بأي طريقة و كاتفكر تهرب فليل ماحد كلشي غايكون مشغول و أهم شي شرف
_________________________
عند يونس لي كان صايك  و معصب باقي كايتحلف على شرف ناجي
يونس : غاتندم اسي شرف قربتيلي من حبيبتي غاتندم اععع تانا حمار كلب كيفاش ماعرفتش بلي هي جنااات اععع ( ضرب لفولون د طنوبيل )
بلاصا طنوبيل فبلاصة حدا شركة و ركب رقم فهاتفو :
شوية د ثواني و هو يجاوب شخص
كان صوت أنثوي رقيق
( الحوار بروسية )
...: الو
يونس : محتاجك
...: هممم يونس كاتدقلي ها على حاجتك عمرك سولتي فيا هاا
يونس : ماتفرعينيش الله يحفظك تعاونيني اه ولا لا
.....: اكيد انعاونك هي لولة
يونس : اوكي غدا تكوني هنا نتفاهمو و اكيد غاتاخدي أجرتك ( بشر )
...: ههههه طبعا
نزل و توجه للشركة تاعو و دخل لبيرو بقا مخشي بين دوك لوراق تال لعشية
تعاشات لعشية و بطلتنا داها نعاس و شرف غبر ليه الأثر
ناضت قضات حاجتها و توجهات بدلات حوايجها و جمعات أغراضها لي كانو فصاكها لقديم ( جابتو ليها كورسا من زنزانة )
و خباتو تحت ناموسية وكلسات كاطل من لبالكون و كتشوف لبالكون كان معاكس كان فالجهة الخلفية للبار غي لخلا و لقيفار يقتلوك و مايجيبوش ليك لخبار
وصل شرف لي دخل كي عادتو خنزر فيها و تم غادي نيشان للبالكون سد شرجم و بقا شوف فيا نشوف فيك اطاجين لحوت 
دق لباب و هو يحل لباب و دخل أطباق فيهم كاع أنواع الماكلة
شرف : زيدي تاكلي ( مامديهاش فيها )
هي عينيها خرجو منهم القلوبة : اويلي هادشي كلو كرم منك اشرف ( اول مرة تقول سميتو)
بقا مستسمتع بديك رنة د سميتو ففمها : عاوديها
هي مصدومة مافهمات والو : قلت ليك واش هادشي كلو كرم منك ( هاد سيدة لسانها مبري منها )
شرف : لا عاودي سميتي
جنات ( مبلقة عويناتها ) شرف
شرف قرب ناحيتها و شدها من دراعها  : سيدك شرف القطيطة سييدي شرف ماخدامش عند طاسيلتك باش تقوليليا شرف حرفية
هي مصدومة عاد كان ضريف و تنترات منو و خلات ليه لماكلة
شرف ( بتخنزيرة و لغوات ) نوضي تهزي تاكلي لاتصدقي ميتة نوحل فديلمك انا
جنات قفزات و رجعات تاكل بلا هواها و دموع كايطيحو ليها ملات من هاد لحكرة و خافت على عظيماتها
ناض شرف متوجه لدريسينغ لبس حوايجو و ساعتو رجولية و ختمها ببارفان رجولي فخم
شافت فيه طلعاتو و هبطاتو و غمز ليها : عارف راسي زوين القطيطة
هي خنزرات فيه و دورات وجها
شرف : نبغي نجي نلقاك جمعتي هادشي و ياويلك تفكري تعتبي برا هاد لباب نقطعك طراف طراف و نلوحك لكلاب ( داز خارج )
هي تحلفات ليه و بقات كاتبكي على زهرها و فين وصلها لوحش هماجي ماكايرحمش و قالت فنفسها دبا نشوفو اسي شرف ( وركات عليها )
  _________________________يتبع