كفاني قهرا

البارت 77 :

#كفاني_قهرا
لا أحلل النشر دون ذكر اسم الكاتبة
البارت 77 :

نزلو لتحت مشابكين ليدين ... جنات كادور عينيها فلفيلا عجباتها بزااف ...
جنات : شرف داركم زوينة بزاف

شرف عنقها بيد وحدة : دارنا بجوج اقطيطتي
تبسمات ليه و هي فرحانة ...
وصلو لطبلة د لفطور ... لقاو ليلى و لحاج ..
جنات : صباح الخير

لحاج : صباح نور ابنتي
ليلى كتافات فقط تطلعها و تهبطها ...
شرف دفع ليها لكرسي و جلس حداها ...
جنات شافت لماكلة اشكال و انواع ... طاحت عمية .. بقات هاذي ضر هاذي تنفع جاها لهيمري

ليلى فنفسها : تفو تاكلي فيه سم البرهوشة

لحاج موجه هضرتو لجنات : يوا ابنتي ليوما غايجيو واليديك و عمتك راني علمتهم

جنات : كح كح كح ( وحلات ليها )
شرف عطاها لما بزربة .... و بقا كايربت على ضهرها بحنية

شرف : نتي بيخير هاا

لحاج: حلال ابنتي حلال

جنات تبسمات ليهم و باينة بلي وجهها تخطف منو لون ...
شرف شد فقبضة يدو ... ماباغيش يتعصب عليها ... لكن ماخصهاش تبقا تخاف منهم هي راها مرت شرف ناجي تاحد ماغايقرب منها مادامها ديالو ....

بقاو كيفطرو ... حتا سالاو و ناضو من على طبلة ... متوجهين للاعلى
دخلو لشومبر ... شرف مشا يغير ملابسو باش يمشي للشركة
باس جنات و وصاها طهلا فراسها و ماتنزلش لتحت ...
جنات دارت يديها على حنكها و بقات تخمم ... شنو غاتكون ردة فعلهم ... واش عارفينها مزوجة ... توحشات ماماها و السعدية بزاف ...

تعاشات لعشية ...
دخل شرف للفيلا ... طلع عندها نيشان ...
لقاها ناعسة فمكانها. ..
شرف : همم جنات روحي فيقي

جنات حلات عويناتها ؛ داتني عيني

شرف : واليديك غيجيو دبا ...
جنات ناضت بلا هواها هزات ملابسها. ... و تمات باغا تبدل فدريسينغ
سالات و هي تدوز عند شرف للبالكون ...
شد فحناكها بين قبضة يديه و تحنا عندها فحال بنيتة صغيرة ...
شرف : همم مناش خايفة هاا انا معاك

جنات طلعات فيه عويناتها : ماعرفتش بالضبط ولكن اوفف خايفة بزااف

شرف : نتي مرات شرف ناجي ماعندكش لحق تخافي من اي حاجا اقطيطتي
باس ليها راحة يديها و تمو نازلين ... مشابكين ليدين ...
وصلو لتحت و هي تلمح ... لقايد علي و سعيد حانين راسهم قدام لحاج لي ديما متبسم ... السعدية و لالة غيثة ...

______________________يتبع