كفاني قهرا

البارت 101 :

#كفاني_قهرا 🔞
لا أحلل النشر دون ذكر اسم الكاتبة ❎
البارت 101 :

وصلو لبقية ... نزلات جنات و كتمشا بلا عقل تباعاها السعدية و سي لقايد ...
فطنوبيلة خرا نزل علاء ... و فلوخرى نزلات نسرين و موراها لالة غيثة و كورسا و سعيد ....
وصلو لاخر لكولوار ... لقاو شرف عندو فلغرفة كيدويو ... تنهدو براحة ...
علاء دق و هو حاني راسو ... لكل مخنزرين فيه ... ماباغينوش بيناتهم ...
شرف خنزر فيه و سي لحاج قاليه يدخل ...

علاء و هو حاني راسو ... لواليد كي بقيتي ....

لحاج ... ولدي قرب عندي ...

علاء قرب عندو ماباغيش يشوف فعينيه ... ماعندوش لقدرة يطلع فيه شوفة ... لواليد سمحليا عفاك انا ماقصدتش ... ماكنتش عارف ...

لحاج شد فيديه مزير عليها .... ولدي علاء نتا كاتبقا ولدي انا عمري فرقت بيناتكم ... عمري ... لاش اولدي هاد لحقد .... نتا ولدي صغير مكانتك فقلبي .... واحد نص من قلبي ... هااا اولدي

علاء باس ليه يديه ... سمحليا لواليد عفاك انا ندمان سمحليا ...

لحاج ربت على ضهرو ... انا مسامحك اولدي مسامحك ... عنقو ودار لعند شرف لي غادي و خاشي يديه فجيابو معصب ...

دار يديه فوق كتفو ... و لاخرين حاضيينهم من شباك ... خويا سمحليا عفاك ( تهجاها بهمس )

شرف دار عندو عاقد غوباشتو ... انا ماشي خوك ( ورك عليها ) ...

علاء ... خويا عفاك سمحليا انا ماكنتش واعي هادشي ... مانقدرش نقتل ولد خويا ....

شرف نفى هادشي براسو ... كنتي غاديرها اعلاء كنتي .... ماكنتش غانعقل عليك ... على وجه لواليد على وجهووو
دار غادي مخنزر .... جنات بمجرد ماشافتو غادي مخنزر ... ماشافش جيهتها ... تبعاتو و دموع فعينيها .... شرف شرف ...

علاء دار عند لحاج و عينيه مغرغرين ... لحاج ماغايسامحنييييش

لحاج ... ولدي صبر عليه ... شرف قلبو بيض ... كان كيدير اي حاجا على قبلك واخا ماكايبينش ليك ... ولدي و انا عارفو ....

جنات تبعاتو بجرا و شادة فكرشها ... شرف شرف صبر عفاك ...

شرف خرج من لمستشفى متوجه لسيارتو ... دوا بلغوات .... اش باغا عندي هاااا اش باغا عند ملتي هاد ساعة اجنات ( تحنا عندها كيغوت )

جنات بقات كتبكي و تشهق فحال شي درية صغيرة ... اهى هى شرف عفاك خليني نشرح ليك انا ماكنتش عارفا اهى هى عفاك اشرف ... اهى هى غانتسطا ...

شرف شد فدراعها مزير عليه ... و عينيه حومر. .  . معصب لاقصى درجة ... اول مرة بعد لكباري تشوفو هكا .... كتخبي عليا اجنات واش كتخبي عليا لدينمك هاااا دوي .... كنتي عارفا و مخبية عليا ...  انا راجلك و خبيتي عليا ... مراتي و ولدي كانو غيموتو و انا اخر من يعلم .... كون طرات ليكم شي حاجا هااا

جنات كتافات فقط بلبكا و طارت على صدرو كتبكي ... اهى هى شرف عفاك فهمني ولله ولله ماعرفتش اهى هى سمعتها فصباح.... اهى بغيت ندوي معاك ماخليتينيش ندوي اهى هى مشيتي زربان عفاك شرف اهى هى سمعني ...
شرف نتر منها و شد فيديها متوجه للسيارة د ليكارد ... طلعي تمشي للدار ترتاحي ( ببرود مكيشوفش جيهتها ) ...

جنات... اهى هى و لكن شرف ...

شرف بلغوات ضرب سيارة بقبضة يدو .... دااااار مانعاودش هضرتي ( كيغوت و منظرو كيخلع )...

جنات طلعات لور و ليكارد لقدام ... بقات فقط كتبكي و تشهق ....
طلع فسيارتو و كسيرا متوجه لوجهة خرا ...

_______________يتبع