كفاني قهرا

البارت 33 :

#كفاني_قهرا 🔞
لا أحلل النشر دون ذكر اسم الكاتبة ❎
البارت 33 :
عند يونس لي كان واقف حدا طنوبيلتو لي من نوع رونج روفر مقابل مع لمطار
دازو شي دقايق و هو مازال على نفس لحال كايبقشش بتيليفونو
تاوقفات عليه شي بنت و خباتو بضلها طويل
تعلقات فيه و باستو من حنكو و هو بدورو تبسم ليها و دوا : مرحبا كايلا مرحبا
كايلا : مممم توحشتك ايونس ( بعينين هايمين )
يونس ( خنزر فيها ) ماشي وقت هادشي طلعي
شافت فيه بعينين حزنانين و طلعات بلا كلمة
ركبات سمطة و لوهلة تفكرات ....
فلاش باك :
كانت سكرانة و كاتبكي و تغوت و شتا كاتصب و حوايجها كلهم لاصقين عليها
هو واقف مقابل معاها متأسف من حالتها لي وصلات بيها الجنون
شدات ليه فيديه : عفاااك رحمني ايوووونس رحم هاد لقلب كانبغيك كانعشقك كنحماق عليك اهى اهى علاش كاتبغيها هي و انا لا شنو فيها و شنو مافياش هااا
دووووي ( بلغوات و كاع ناس لي فلممر كايتشفاو من حالتها)
يونس بغا يقرب منها : كايلا زيدي رجعي لداركوم ماشي وقت لهضرة هاذي ( دفعاتو من عليها )
كايلا : عطيني جواااب ايوونس علاش علاااش خليتيني نبغيك علاش
يونس : سمحيلي اكايلا ماكانبغيكش انا كانبغي وحدة وحدة لي فهاد لقلب ( ضرب جيهة قلبو ) وحدة ديريها فبالك
و داز غادي مخليها وراه كاتبكي و تشهق و عويناتها حمرين كي دم
كانت فترة مراهقة و دازت بالنسبة ليه مي لا هي كاتعتابرها احسن حاجا وقعات فحياتها انها بغات راجل فحال يونس ...
نهاية الفلاش باك
وصلو لابارطمون د يونس و تمو نازلين
دخل يونس دوك شوانط لاسانسور و هو يسهى و كيتفكر ضحكتها و خوفها اول مرة ركبات اسانسور عويناتها كي كيتسدو مني يضحكو و بقا متبسم و كايلا ساهية فيه
حتا غوت و فيقها من سهوتها : اععع غاندمك اشرف ناجي غاندمك
شدات ليه فيديه بقلق كاتهدن فيه : يونس تهدن عفاك مالك
___________________
عند حنات لي كانت مكمشة فحوايجها و كاتمشى فجنب طريق
حتا سمعات صوت كلاكصوون د سيارة جاية بسرعة خبات عويناتها بيديها و كتسنى مصيرها ( الموت )
حتا فرانات حدا رجليها و نزل منها ....
نزل منها شرف لي كان باينة فيه معصب و عروق يديه باينين و شوفاتو كايخلعو
شدها من دراعها و هي حلات عويناتها على إثر الخبطة لي تخبطات فصدرو
تصدمات و قالت هاذي هي نهايتها
بقات كاتبكي و تدمع و كاتنتر منو و هو مبرد ( الهدوء ماقبل العاصفة )
هي كاتجبد فيديها من يديه لي حرشين و كبار : طلق طلق مني اهى اهى عفاك شنو بغيتي عندي طلق
شرف بلغوات شدها من شعرها مزير عليه : انا تستحمريييني يالكلبة و تحاولي تهربي هاااا انا انوري لديلمك لعب دلبراهش
جنات دفعاتو بكل قوتها : بعد مني اهى بعد و هربات كاتجري و هو تابعها و فرمشة عين قبل لايشدها تسمعات بااااق ....
و هو شاد راسو مصدوم و هي كلها دمايات حداه و ماعارفش راسو باش تبلا و شنو الاحساس لي حس بيه هاد ساعة كلشي مخلط عليه
و هي طايحة و راسها كانزف و كاتنين بكلمات مامفهومينش ....
_____________________يتبع