#كفاني_قهرا 🔞
لا أحلل النشر دون ذكر اسم الكاتبة ❎
البارت 59 :
حلات كايلا لباب باغا تخرج و موراها جنات لي واقفة مور لباب
كايلا قربات من لكارد عنقاتو هو ماعرف باش تبلا
لكن استحلاا تعنيقة عاجبو لحال
كايلا : همم اش بانليك ؟ ( بغمزة )
لكارد ريوكو سالو : اه اه على انا نفلت هاد زين كلو
كايلا قربات منو كثر : دبا ولا من بعد ؟
لكارد : دبا ماحد ماكاين حد اححح
كايلا هزات يديها لي معنقاه تالفوق و فلقاتو بديك لقرعة على راسو....
طاح على طولتو شاد فراسو كاينزف ماعارفش شكون ضربو
خرجات جنات كاتشهق من منظرو لي كيخوف و لكن كايلا طمانتها عينيها و شدات ليها معصمها كاتجبد فيها
جنات : هااا و لكن اناديا ...
كايلا قاطعاتها : بغيتي تخرجي من هنا ( بشوفات صارمين ) زيدي و عفطي على قلبك ...
جنات شافت فلكارد بأسى و تمات غادا
بقاو مخشيات على لحيط كيتسلتو شوية بشوية حتا وصلو لكوزينة
سدو لباب و سورتوه ( كايلا ديجا جابت سوارت )
كايلا طلعات فوق لبوطاجي كاتحاول تحل شرجم
و جنات حاضية لباب لايحلو شي حد من برا
سمعو شي خطوات كيقربو من لكوزينة شداتهم رعدة : اويلي ويلي
كايلا بشوية : سكتي غايسمعونا شش
حلات داك شرجم بمشقة الانفس و نزلات كاتعافر معاه .... جنات طلعات على لكرسي و تلاحت الاسفل واخا ماقاداش
شافت سما بفرح : هاحح ناديا تيقيني انني مامصدقاش اني برا ، الهوا دليل و ضو لقمرة ( ضاهرة على ملامحهة الفرحة )
كايلا فنفسها : بلا ماتفرحي بزاف
يونس لي كان كايدوي مع كايلا فسماعة بهمس ماباغيش جنات تعرفو ولا تسمع صوتو كان حاضر على كلشي : كايلا كايلا سمعيني .... حضي طريق عنداك يكونو ليكارد .... نتابهي مزيان
كايلا : اوكي مستر .... جنات صبري نشوف واش طريق خاوية ...
كايلا مشات كاطل من مور لكباري واش طريق خاوية ولا لا واش ليكارد كاينين
مالقات والو و هي تجبد جنات من يديها عاطين رجليهم للريح ....
بقاو كايجريو مسافة طريق حتا وصلو للشارع لي كان خاوي غي صوت لمشاش و لكلاب لي معمرينو
جنات ( شدات فركابيها كاتلهت ) هوو هووف عيييت اناديااا صبري
كايلا : ماخصكش تعيااي مابقا قد مافات زيدي
جنات : عندك صح الحمدلله ياسيدي ربي ماخيبنيييش تهنييت من هاد لجحيم تهنيييت
كملات طريقها هي و كايلا لي شادة فيديها و كاتمثل أنها دارت بزاف على قبلها
شوية و هي توقفها فشانطي : جنات
جنات : علاش وقفنا
كايلا بأسى و ابتسامة خفيفة على محياها : جنات سمحيليا بزاف ماكنتش باغا يوقع هادشي ولكن يون....
عند شرف لي كان واقق فجليسة خاصة فلبار ورا ناس كاملين لي فلمزاد كايتفرج و يكمي باغي ينسا الحرقة لي فقلبو ... باغي ينسا انو قرب منها ... انو غتاصبها .... بغا يبدا معاها صفحة جديدة .... مي هي كتخرجو على طوعو ...
جا عندو كارلوس بجرا همسلو فأذنو بشي حاجا و ناض صاعر كايجري مشا للجناح بلا عقل
دخل و شم ريحتها : جنات جنااات ( كايقلي فشومبرات فحال لحمق )
كاع ليشومبر قلبهم و مالقاهاش بقا كايضرب فاي حاجا جات قدامو
مامتيقش عاد كانت قدامو ... عاد كانت بين يدو .... مايقدرش يبعدها عليه ...
شرف : اععععع جناااات لا علاااش اجنااات
كارلوس : سيدي الانسة هربات و حتا ديك لي سميتها ناديا مشات معاها
شرف بغضب : بنت لق**** ايكون هو هو لي مصيفطها و لكن اععع جيبلي تسجيلات الكاميرااا دبا
بقا غادي جاي فداك لبيت حتا جا كارلوس هاز بيسي فيديه و فيه تسجيلات دالكباري كلو
شرف شافها مني خرجات و مني هربات من شرجم و كلامها كلو سمعو
شرف مشا كايجري باغي يركب فسيارتو و كارلوس موراه : نبغيييها اكارلوووس دبا تحضر واخا يكون الثمن كيف ماكان و ماتآذى منها تا شعرة
كارلوس حنا راسو و مشا علم ليكارد....
_____________________يتبع
أنت تقرأ
كفاني قهرا
Romance🔥 حصـــــــــــــريـــــــــــــــا 🔥 على فاتنات مجرة الروح 💖 لا أحلل النشر دون طلب الإذن مني .... ❌ ايوا كي العادة من بعد اعتزال طويييل و من بعد مارجعت بقصة #فاتنات_تحت_قبضة_الوحوش 🔞 جيت ليكم قصة جديدة تحمل في طياتها من كل فن طرب...
