كفاني قهرا

البارت 8 :

#كفاني_قهرا 🔞
لا أحلل النشر دون ذكر اسم الكاتبة ❎
البارت 8⃣ :
أصبحنا و أصبح الملك لله
فاقت جنات على إثر لمسات حنان ، كانت السعدية أما مها ماعندهاش لوجه باش تقابلها
السعدية : نوضي ابنتي نوضي انواور نوضي
نوضاتها و حطاتها فوق ناموسية و نعساتهاعلى ظهرهاو بقات تمسح ليها دوك جروحة بداو و تلع لبها فشعرها
جنات ؛ اليوما عرسي ياك
السعدية : ( بأسى ) فالعشية ابنتي و قالولي نوجدك
جنات : باغيني نقتل راسي ( كاتشوف فنقطة وحدى )
السعدية : لا ابنيتي عفاك متعانديش مع المكتوب كلنا كنا هكاك و ولفنا المكتوب مامنو هروب
جنات ( طلعاتليها هاد لهضرة فراس و مابغاتش تحرجها ) : صافي غي سيري انا انوض بوحدي
السعدية : واخا ابنيتي را لفطور فوق طبلة
__________________________________________

عند يونس فاق كي لعادة ناشط و ضاحك
داز لدوش دوش و دخل لدريسينغ لبس حوايجو و هو يهز صورتها و هي صغيرة ، باسها و خباها تحت حوايجو
همم قطيطة ديالي غاتكوني كبرتي
نفض عليه هاد الافكار و ناض لبس تيشورت بيض و سروال دجين و نضاضر ، شرب كاس دلقهوة
و نزل هز طموبيلتو و زاد خلفة فالطريق
وصل لواحد شركة قدها قدااش قد لخلا و مصبوغة كلها بالازرق و عليها لافتةةة كبيرة بسمية
* Ch. naji *
دخل نيشان و ركب فالاسانسور للطابق عشرين
غادي و لبنات حاضينو هالي كاتقول جا عاوتاني هالي كتقول هاحح على تيتيز هالي كتقول حاس براسو ماعمرو دوانا
دخل تحت نظراتهم دق لباب
تسمع صوت رجولي بامتياز قال : دخل
دخل و تحل لباب على وسعو
كان راجل فالعشرينات أقل ما يقال عنه وسييم حيت الوسامة و الرجولة و الهبة طاغين عليه خصوصا شوفااتو الحادين و ملامحو الشرقيين
كان كالس داير رجل على رجل و كايقلب فشي وراق مامسوق لحد
... : امضرا شنو
يونس : هو هذاك اسيدي طلبية وصلات المستودع و غدا غانشرف على دفعة ثانية
..... : مانبغي تا غلط نتا عارف لكليان كايتسنا و انا اكثر على أحر من الجمر
يونس : واخا اسيدي ( مارضاش كان واقف و كي لعادة لازم يوبخو على خدمتو زينة )
..... : اوكي يمكنليك تمشي
يونس : مفهوم
ناض خرج و سد عليه لباب و كان وجهو حمر مارضاش من طريقة البرود ديال داك سيد توجه لاسانسور
و شي بنات خدامات فالشركة مجمعات و كايضحكو بصوت عالي
البنت ١ : عاوتاني عطاه العصير هههه
البنت ٢ : هو لي كايعرف ليه مكلمن لاخور هو غي ليد ليمنية د لمدير ماشي المدييير
البنت ٣ : و سرو سيد مني ماكايكونش سي شرف كايبقا يفتي علينا و شركة قدها قد لخلا و كانبانوه ليه غا حنا فلبلان ههههه بغيتها ليه
البنت ١ : و بقاليه غا يبدل سمية الشركة بسميتو من ch.naji تال youness.bouradi ههههه
البنت ٢ : اشمن اشمن و يبدلها موحال يديرها تا داك لمدير حلف لاتزعزع من هنا و هو تبارك الله ماشي غا شركة وحدة را عدد منهم فخارج المغرب و الداخل
البنت ٣ : و لكن على ماسمعت حول أعمالو هنا
البنت ١ : ياختي سعدات لي غاتديه طولة و تجريدة و زين و كاع صفيريطات داخلين جايين عندو 
البنت ٢ : داك نوع موحال يدي شي وحدة هههه فيقي فيقي و سيد طبعو صعيب ماكايتفاهمش بلهضرة
( ايوا اسيادنا كايدويو على شرف ناجي أصغر ملياردير فعالم البيزنيس مزال ماكمل تلاتينيات و حقق نجاحات هاءلة شي كايقول بسباب املاك الواليد ديالو شي كايقول بسباب ذهاؤو و إتقانو للعمل و شي كايقول يمكن كايدير أعمال مشبوهة ) من بعد و تعرفو
_________________________
نخليو هاذو و نرجعو عند بطلتنا ، توحشتوها ياك هههه
ناضت جنات شادة فكرشها دخلات لحمام د دار كان حدا بيتها حيت هي بوحدها فداك طابق
دخلات سدات عليها طواليط تخشات بحوايجها و طلقات لما سخون و بقات تفرك و تفرك و تبكي بصوووت مقهوور بمجرد ماتفكر بلي غاتزوج و غايجي داك سيد و يقيسها بزز منها و يغصبها فحياتها و شبابها مشمأزة من راسها واخا غي الفكرة كاتخليها دير فراسها هاد لحالة