كفاني قهرا

البارت 52 :

#كفاني_قهرا 🔞
لا أحلل النشر دون ذكر اسم الكاتبة ❎
البارت 52 :
دخلات طبيبة للزنزانة دلبنات و معاها كورسا و كارلوس لي غايوقفو على هادشي بنفسهم
تصافو لبنات قدامها و هي كاتاخد عينة دم من كل وحدة
كايلا سولات كورسا بهمس : احم مدموزيل كورسا علاياش باغين دم و اشمن فصيلة بالضبط ؟ ( باغا تحبد ليها لسانها )

كورسا : ههه على ديك لق*** د جنات مانعرف شنو طاري ليها و سي شرف قاليك باغي فصيلة دم AB سلبي باش نعتقوها كون انا منها والله لاعتقت طواسلها

كايلا شافت فيها باغا تأكد : واش بصاح ؟

كورسا ببرود : اه
كايلا صفارت و خضارت تمات غادا كاتسلت داخلة لحمام و لهاراج دلبنات و غوات طبيبة مالي لمكان
غسلات وجها و هي كاتنهج
شافت فلمراية و الحزن على ملامحها : خصني نقولها ليونس ضروري اه يونس
بغات تصوني عليه و هي تراجع دايرة ابتسامة شر على وجها و جمعات داك تيليفون رضاتو لصدرها
كايلا : لا لا مايمكنليش سمحيليا اجنات و لكن مايمكنش خسك تبعدي من طريقي يونس ديالي انا مايمكنليش نتبرع لا لا
خرجات بعدما بللات عنقها و وجها بشوية دلما و كاتقرب من لباب باغا تسلت لمطعم حتا سمعات صوت خشن : هييي نتي
دارت عندو و هي مخلوعة كان كارلوس لي كيشوف فيها بشك : نتي فين غادا ؟ زيدي تصافي مع لبنات شدي نوبتك
كايلا حنات راسها و دازت واقفة فالصف بزز منها
وصلات نوبتها و هي كاتأفف ماباغاش دمها يتخلط بدم لبنت لي كيبغيها يونس واخا تموت
طبيبة : همم شمن فصيلة عندك نتي ؟

كايلا : احم ماعرفتش ( مصطنعة البراءة )

طبيبة : هاهاها لاش عايشة اذن

كايلا خنزرات فيها و لاخرا خدات عينة من دمها و رجعات لبلاصتها شادة فراسها و كاتدعي الله مايكشفوش على دمها و يعتقوها....
عند شرف لي كان فالسبيطار واقف على أحر الجمر كيمشي و يجي فداك الجناح بوحدو و كايتسنا طبيب لي كايفحص فجنات
طبيب : سي شرف حالة المريضة خطيرة و حنا خصنا دم فأقرب وقت ولا غانخصروها

شرف شنف عليه : متقولش غانخسروها متقولهاش

طبيب كايرد أنفاسو : كح كح سي شرف راني كاندير جهدي و راني متفهم حالتك داكشي علاش ساكت
تم طبيب غادي مخلي وراه شرف معصب و شاد فراسو
كايتأمل فجنات من شباك د الشومبر تاعها
فمها بيض ناشف و تحت عينيها مظلم و شعرها مجموع مسندل على ظهرها  و هي مجرد جثة هامدة
كره راسو و كره نهار لي قرب منها ماكانش عليه يديرها هي بسبابو بغات توضع حد لهادشي .....
________________________يتبع