كفاني قهرا

البارت 103 :

#كفاني_قهرا 🔞
لا أحلل النشر دون ذكر اسم الكاتبة ❎
البارت 103 :

عند جنات لي طلعات مع شيفور ... كلسات لور و سندات راسها دموعها هوادين على خدودها ... شادة فكرشها و كتبكي بلا حس ... ماكرهاتش تغوت فوجهو و تقول ليه انا مادرت والو ... ماكنتش عارفا و مالقيتش فرصة مناسبة ... علاش يتعصب عليها علاش .... ولات حساسة بزااف بسباب لحمل ...

جنات فنفسها ... اهى هى شرف علاش كتعاملني هكا اهى هى

وصلات لفيلا و وقفات السيارة ... حليها لكارد لباب و نزلات غادا فلكولوار د جردة ... كتمشى و دور موراها لايجي ... حابسة ديك لبكية كي لبنيتة صغيرة ....

طلعات لبيتها بمشقة الانفس ... وحلات لباب
نصلات سباطها و طاحت على سرير كتبكي و تقول مابكات ... شادة مخدتو كتبكي عليها و معنقاها .... اهى هى شرف انا مادرت والو اهى هى
بقات هكا حتا غفات ... ناعسة على كرشها ... ناسية انها حاملة و تقدر تآذى و هي ناعسة بهاد لوضعية ...

وصل نص ليل و دخل شرف بهدوء .... شافيها كي ناعسة .... زير على قبضة يدو ... عارفها كانت كتبكي ... و عاد ديك لوضعية غاتآذى لا هي لا ولدو ....
توجه لعندها و قادها فبلاصتها ... حيد ليها لفولار و ديك تكشيطة لي باقا لابسة ... مسح ليها بكلينيكس داك لميكاب و دموع كلشي مجلخ ...
عاد داز للحمام دوش و حيد عليه لعيا .... غير ملابسو فدريسينغ و طفا ضو و خرج ... متوجه لبيروه هاز تيليفونو بين يديه كيبتاسم بشر ...

نرجعو لكلينيك كانو واقفين كلهم حدا بيت سي لحاج .... السعدية سي علي ... سعيد عبوش ... نسرين
خرج علاء و دخلو عندو كاملين من غير نسرين لي كانت غادا تجيب لما ... من برا ...
كاتمشى و حاسة بشي خطوات تابعينها ... دارت و تجبدات من يديها بجهد ... كان واحد دري طويل يكون فعمرها تقريبا ... شافت فيه بملل و نطقات ... انس طلق مني عفاك ...

انس بلغوات .... ماغانطلقش هااا نسيتي بلي كنتي خطيبتي هاا ( شد فخصلة من شعرها كيلعب بيها )

نسرين بلغوات ... انس بعد مني بعد واش ماكاتفهمش كنت خطيبتك قبل ماتخوني يالغدار ...

انس قرب منها و شد حناكها بين يديه ... ندمت انسرين ندمت انا كنبغيك نتي انسرين ...
قرب منها كثر و بغا يبوسها و هي تهز يديها تالفوق و نزلات عليه لحنك ... بعد مني لكلب بعد اخر مرة تدور بساحتي ...
قرب منها كثر و شد فيديها معصب باغي يديها بزز ... هااا اجي معايا نوريك لكلب نتي ديالي نتي خطيبتي

نسرين بلغوات ... بعد مني لكلب بعدمني ....
حسات بيديها تجرات و وقفات قدام شي راجل طويل ... كان علاء لي طاح على انس كيضربو بكروشيات وحدة مور لاخرى ... باينة فيه معصب لاقصى درجة ... اععععع اولد لق**** لاش كتقيسها هاااا لااااش

انس كيكالي بيديه .... نسرين كتفك ... شدات فيدين علاء و هي كترجاه بعينيها دمعانين ... اه هى علاء غاتقتلو ...
انس ناض كيمسح دم على فمو و هو كيسب و يلعن .... بغا يقرب لعلاء لكن ليكارد جاو بسرعة بمجرد مالمحو علاء تما و شدوه مزيرين عليه ... اععع طلقو طلقو ...
نسرين شدات فيدين علاء كترجاه ... علاء عفاك خليوهوم يطلقوه صافي غيمشي اهى هى

علاء زير على قبضة يدو و دارليهم اشارة يطلقوه ....
انش بلغوات ... غاتندمي انسرين غاتندمي ...
ركب فسيارتو و كسيرا ...

علاش دور عنقو و دار عند نسرين معصب ... شدها من ذراعها ... شكوووون هذاك انسريييين هااا و شنو كاديري معاه دوي ....

نسرين قربات منو تامابقات فاصلاهم غي سنتيمات قلال و دوات بلغوات ... ماشي سوقك اسي علاش اوكي ماشي سوووقك ( تهجاتها )
تخطاتو و دارت داخلة للمستشفى مخليا وراها بركان هايج ....
علاء حك على شعرو بعصبية و ركب سيارتو متوجه لفيلا .... اععع برهوشة د نم ...

________________________يتبع