#كفاني_قهرا 🔞
لا أحلل النشر دون ذكر اسم الكاتبة ❎
البارت 129 :
بعد مرور تلاتة أشهر ...
ليوما عرس عبوش مع سعيد و نسرين مع علاء ...
لبنات فصالون كيقادو حالتهم .... نسرين لابسة فوطة و ناعسة على كرشها و مولات لمساج ... كتلعب فلحمها ...
عبوش ناشرة رجليها فصبا لي كان سخووون .... و سادة عويناتها لي فوقهوم خيارة و مرة مرة ترشف من الكاس تاعها ...
جنات حداها ولات ذاتها حمرة ... ماقدراتش تصبر على سخونية حيت بشرتها سونسيبل ... إكرام شافت فيها بتساؤول ... ختي جنات مالكي ...
جنات كتنش على وجهها ... و دايرة يد فكرشها لي كبرات و ولات كريشة د تسع شهور ... والو احبيبة غي هنا سخون ماقادراش نصبر هووف ...
إكرام ... زيدي نخرجو لجيهة لماساج ... ههه تما بارد شوية ولكالم ...
جنات .. حقولها بنت لحرام سبقاتنا هههه ( نسرين ) ...
توجهو لحيهة لمساج ... جنات طلعاتها مع نسرين بقرصة خفيفة متفادية تخسر ليها لمنظر.... تأوهات و كمداتها فخاطرها ماباغاش تخسر لكالم ...
جنات نعسات على ظهرها كونها حاملة ...و اكرام على كرشها
....تبعاتهم كورسا لي كتعوج .... ادوك صوبيصات سربيو راني زربانة على رزقي....
إكرام و جنات دقة وحدة .... ههههه وازربانة نيييييت
سالاو و دازو لجيهة لاسير ... جنات تفادات تديرو كونها مامزغباش بزاف و ماعندهاش احراج من هادشي .... عندها شعيرات خفاف ... ماباينينش ...
لبنات تدار ليهم لاسير ... بزز منهم كونهم عريسات جداد ... و اكرام و جنات شابعين عليهم ضحك ...
سالاو و دوشو ....لبسو ملابسهم ....
نسرين لبسات تكشيطة فلخضر ملكي ... مع مايكاب خفيف ...
عبوش لبسات تكشيطة عصرية فزرق ...مع اكسسواراتها ... جات مع طايتها كتحمق ...
إكرام لبسات تكشيطة فلكحل كيبري لاصقة عليها .... جات كتهبل.... و عكس لون بشرتها لمبرونزي ...
جنات لبسات قفيطين فلكرونة مطرز بلبيج مع فولارها ... و لبسات سبيبيط بلا و كريشتها باينة ....
تحطات ليموزين بيضة حدا الصالون ... ركبو لعريسات ...و ركبو حداهم لبنات ...
تحطات سيارة قدام القاعة ... قاعة الافراح ...
كانت عامرة بصداع و لاغاني .... و طنوبيلة تنطح ختها غي لهاي كلاص
نزلو لعريسات هوما لولين تحت زغاريت د نكافات و صلا و سلام .... لالة غيثة شادة فيد بنتها ... و السعدية كتبارك لكورسا ....
علاء كان لابس كوستيم فلكحل ... جا كيهبل ...توجه لعند نسرين شد فيديها و باسها ليها قدامهم ...
و سعيد لي كان لابس جلابة فلكرونة ... و بليغة فنفس لون ... خدا كورسا و توجهو للداخل ... و نكافات تابعينهم لور ... و السعدية و لقايد علي لي تزوجو بعدما دارو غي لعقد .... شادين فيد بعضياتهم .... كيدورو على طبالي يباركو للناس ...
إكرام مشات لعند يونس لي باسها فحنكها و بقا كيتغزل بجمالها ....
جنات دورات عينيها كتقلب عليه ... تا حاوطو خصرها شي يدين كبار ... عرفاتو من ريحتو ... تبسمات ليه و دارت عندو فرحانة ... حبيبي توحشتك ...
شرف طلعها و هبطها و دار صبعو على شفايفها كيمسح لعكر لي فيه ... احح كتحمقي ... و هاد لعكر لاش لدينمك لااش ... اندير بناقص ...
جنات حبدات كلينيكس كتمسحو ... عرفاتو مكيضحكش ... صافي صافي هانا مسحتو ...
شرف .... باسها ففمها قدام ناس ... نموت فيك يا احلى قطيطا فلعالم ...
شابك يدو مع يديها تحت نظرات الجميع و دخلو ... لقاعة ...
كانت نسرين كالسة ... فبلاصة العريسات و حاها علاء لي مرة مرة يهمس ليها فودنيها و ناس كيراركو ليهم و يصورو فيهم ... عبوش و سعيد مامسوقينش لعالم .... ناضو كيشطحو تقول لعرس ماشي عرسهم ...
بقاو هاك بالاك على شطيح ... جنات كتصفق ... و نسرين ماكرهاتش تنوض.... ولكن ضروري شوية د تباثة ...اما لاجات على عبوش قالتليهم متعرفووش ....
بقا طاهور كيغني .... وحدة مور لاخرة .... و دخلو لعابات و مولات لبندير ... ها اكرام لعبدية ها ستاتية .... وااانسرين فووق شجر ... و علاء فووق شجر ... ياوعطي المشاكل بالظهر ... عكي لمشاكل بالظهر ...
دخلو سرباية فرقو لماكلة و لحلاوي .... لبنات داخلين بلبسة خارجين بلبسة ...
جنات غي مخنزرة و شادة فيدين شرف ... مخبياه على عينين لبنات لي كلهم كيرمقوها بنظرات حقد غيرة ....
لبسو لبنات لاغوب .. و ناضو يوقفو حداهم ... ركبو لخواتم و تصورو
نسرين لاحت لإكرام بوكي دلورد و عبوش لاحتو على واحد شارفة ههههه حشماتها بين ناس ... و طارو بطنوبيلاتهم ....
جنات حلفات على شرف تايكلسو فلبلاصة دلعرسان ... يتصورو ... سالا لعرس و ناض كلا واحد غادي لسيارتو ... حتا شدات جنات فكرشها كتغوت ..... و كتنهج ... اعععع شرف وااع
________________________يتبع
أنت تقرأ
كفاني قهرا
Roman d'amour🔥 حصـــــــــــــريـــــــــــــــا 🔥 على فاتنات مجرة الروح 💖 لا أحلل النشر دون طلب الإذن مني .... ❌ ايوا كي العادة من بعد اعتزال طويييل و من بعد مارجعت بقصة #فاتنات_تحت_قبضة_الوحوش 🔞 جيت ليكم قصة جديدة تحمل في طياتها من كل فن طرب...
