كفاني قهرا

البارت 53 :

#كفاني_قهرا 🔞
لا أحلل النشر دون ذكر اسم الكاتبة ❎
البارت 53 :
تعاشات لعشية و وصل لوقت د تحاليل لي هزهم طبيب و بقا كايكشف على لعينات
طبيب بابتسامة : موسيو شرف لقينا الدم خص غي المتبرعة تقبل

شرف و لفرحة فعينيه : شنو كتسناو عيطو عليها نعطيها اي مقابل بغاتو غي تنقذها

طبيب : و لكن اسي شرف البنت لي تحاليلها متطابقين مع الانسة جنات هي من لبنات لي جبتو عيناتهم

شرف حك لحيتو : اوكي عطيني وراقها نص ساعة و نكون هنا مانبغي توقع ليها تاحاجا
خرج شرف و هو هاز دوك لوراق كيقرا فيهم كانت سميتها نادية ( كايلا )
نزل من سيارتو بزربة و دخل لكباري لمح كورسا من بعيد
كورسا جات عندو كاتمختر : نورتينا اسي شرف

شرف : كورسا نبغيك تدي هاد لبنت عند كارلوس برا هو عارف خدمتو

كورسا بتساؤول : اينا بنت اسي شرف

شرف : ناديا ؟

كورسا : اوكي سي شرف حالا
توجه للجناح ديالو بدل ملابسو و هو ساخط
دخل لبيتها لي كانت ناعسة فيه هز لمخدة ديالها كايشمها و يتنهد ، توحشها توحش ريحتها توحش اي حاجا فيها
شرف : اخخ توحشتك القطيطة توحشت دوك لعينين لي كيسلبوني اوفف
عند كايلا لي كانت كالسة كتاكل مع لبنات و باقا كاتفكر و تستنتج مع راساتها
حتا تحل لباب تلفتات و دخل كارلوس و موراه كورسا
كارلوس بصوت خشن : لي سميتها ناديا تجي هنا
تلفات و بقات راجعة بلور حتا عيطات عليها كورسا : ناديا اجي تبعيني
كايلا سلمات امرها لله و تبعاتها و هي مخلوعة ماباغاش تعتقها باغا يونس ليها وحدها
خرجو برا الكاباري و ركب كارلوس و حداه كورسا
و موراهم كايلا لي صاقلة
وصلو المستشفى و نزلو من السيارة
شافت كايلا ليكارد مطوقين المكان كلو و بقات كاتفكر كيفاش تقدر تسلت من غير ماتعتقها
ركبو فالاسانسور و فقط صوت كورسا هو لي مالي لمكان
حسات بنظرات كارلوس كايحققو فيها بشك
دورات وجهها لجيهة لوخرى خايفة تفرش خصوصا انه باينة فيه ماساهلش
تحل الاسانسور و بقاو غادين فداك الكولوار طويل
لمحو طبيب و شرف حدا شومبر د جنات
ناض شرف عندها طلعها و هبطها و قال لطبيب : هاهي يمكن ليك تصرف
كورسا و كارلوس مشاو بعدما ستأذنو
و بقات هي و شرف و طبيب راس فراس
قربات من شرف و دوات بهمس : و لكن انا ماباغاش نتبرع ( علامات استهزاء على وجها )

شرف شد قبضة يدو بغضب : عاودي شقلتي

كايلا بتحدي : وي ماباغاش نتبرع هادشي كيبقا خاص بيا

شرف شدها من دراعها : هادشي اه خاص بيك نتيييي و لكن حياتها خاصة بيا انااا فهمتي 

كايلا تنترات منو : مبغيتش و مايمكنش ليك تجبرني على شي حاجا عطا الله المتبرعين ماكايناش غا انا

طبيب : و لكن امادموزيل تخيلي راسك بلاصتها و محتاجا المساعدة انسانة كاتموت و مابغيتيش تعتقيها ولو غي بقطرة دم
خنزرات فيه و كملات كلامها : مبغيتش نتبرع يمكنليكم تشوفو شي حد اخور انا اسي شرف خدامة عندك فلكباري ماشي فبرا لكباري ( ابتسامة جانبية )

شرف حك شعرو بعصبية موصيبة و وحل فيها : اععععع بزز منك ابنت لق*** ( قجها ) الله يجعلني نقتل دين طواسلك و نعطيها كاع دم لي عندك

كايلا : كح كح كح طلق طلق انا صافي صافي انتبرع ( عينيها حومر و دموع علاين يطيحو عرفات بلي ماساهلش تديرها بيه )

شرف : بزز منك شنو يسحاب لدين ملتك أنا مشتاق باش دمها يتخلط بدم ق*** فحالك هااا
لهاد درجة ساخية عليك روحك

طبيب سرط ريقو : احم يمكنليك تفضلي امدموزيل
كايلا خنزرات فيه مارضاتش بلي هددها بحياتها
فنفسها : مزال حسابنا قريب اجناات قريب غانتبرع هاد المرة ولكن كوني اكيدة بلي داك دم لي تخلط فعروقك أيرجع ليا
دخلات لشومبر د التبرع و كلسات فلبياص و طبيب و الممرضة حداها كايديرو خدمتهم
خداو منها جوج اكياس دم ولا وجها صفر و عينيها بداو يتقلبو حيت ستهلكات كثر من طاقتها
عطاوها سيروم باش ترتاح بيما رجعات وعيها و لكن فداخلها غيرة شديدة و كره شديد لجنات كاتفكر كيفاش دير حتا تبعدها من طريقها
حلات سماعة و هي تسمع صوت يونس لي قالب دنيا : كايلا فييينك ساعتين و انا داوي وحدي فين راك ؟ و علاش ماكادويش نهار كلو

كايلا : احم يونس انا فالمستشفى ( عاودات ليه كلشي من غير انها مابغاتش تبرع )

يونس : اععععععع و علاااش علااااش ماقلتيليش هادشي من صباح

قطع عليها....
____________________يتبع