كفاني قهرا

البارت 2 :

#كفاني_قهرا 🔞
لا أحلل النشر دون ذكر اسم الكاتبة ❎
بقلمي : Soukaina Ayada
البارت 2⃣ :
______________________________________________
دخل القايد علي مع ولدو سعيد لي كبر من جنات بعشر سنين و ديما مخنزر و كشاكشو خارجين فحالو فحال باه ناويين على خزيت
كلس القايد و تبعو سعيد على طبلة لي محطوطة فوق لحصير
حطات ثورية لغدا و هي حانية راسها
و تبعاتها سعدية تاهي و من بعد دخلات جنات سلمات على باها باست ليه راسو و هي تكلس معاهم باغا تهضر فموضوع النتيجة
سعيد : اديك آااه نوضي تكعدي مانشوفش كمارتك
جنات : ولكن شنو درتلك انا بغيت ندوي مع با
سعيد : اااشوف ليك لحمارة ولات ترد لهضرة على لي كبر منها والله تانشتف على موك ( تعصب و كان غاينوض ليها )
القايد : ( خنزر فيها ) كوني تسمعي لهضرة
جنات ( طلعات لفوق و دموعها على خدها ملات من هاد لحكرة و هي حيت بنت خصها تسكت فحال ماها ثورية ديما ساكتة ماكاتدويش و ماكاتحاولش تا تدافع عليها حيت ببساطة هي هكا ولفات معاهم و خافت علل بنتها لاتدخلات يرجعوها شرويطة بالضرب فحال كل مرة )
خوها سعيد حاس براسو و داير فيها رويجيل حيت دري وعلاش لاااء و هو كيمثاتل ذكورية لي ولات فبلادنا من ميات عام
تخلف د ناس وصلهوم انهم يبقاو يحسبو الولد حسن من لبنت علاش حيت هو ولد و حيت غايولي راجل و هو عمر حس الرجولة ماشمو ولا غايشمو فحياتو
الراجل ماشي هو انه يتكاول و يضرب لمرا
الراجل هو لي يحميها و يصونها و يقدر قيمتها كانت ختو مو مراتو بنتو 💯
ماعلينا ، دخلات جنات مسكينة تلاحت على فراشها ليمفرش فالارض فبيتها و بقات تشهق و تبكي ماحيلتها لخلعة ماحيلتها الحكرة ولا الضرب و لا الاهانة من طرف خوها و باها
مسكينة عمر فرحتها ماتكمل و تا ديك لقراية كون ما خالتها لي فلمدينة
و بقات كاتصر على باها يخليها تقرا و تمل قرايتها كون را تزوجات شحال هاذي مي هو حاتو من الجنه و الناس نيييت ان بنت لقايد قرات و تتقفات و شدات لباك
تعاشات العشية و جنات باقا ففراشها
دخلات السعدية هازا طبسيل فيه طرف د دجاج محمر و خبز و موناضة حمرة
السعدية : ( حيدات عليها الغطا ) هااااحاااي على لبنت تحت عينيك منفوخ بلبكا
جنات : ( رجعات تبكي ) اهى اهى غي قوليلي شنو درتلهوم عيييت اختي والله من نهار تزاديت و انا ساكتة صابرة على ضرب و المعيور و الحكرة اهى اهى
السعدية : اوفف ابنتي قطعتيلي قلبي اجي اجي عندي ( عنقاتها )
جنات : اهى اهى
السعدية : صافي ابنيتي طيبتي دوك لعوينات على مزيناتهوم ماشاء الله و كاع ماشفتي شنو جبتلك داكشي لي عزيز عليك دجاج محكر مع موناضة و من يدين ماك
جنات : ( نسات انها كانت كاتبكي ) ههههه حلفي حلفي هاحح نيت فيا جوع تقول عام ماكليت
السعدية : يالاه بالصحة و الراحة ابنيتي مني تسالي و يخرجو ضياف هبطي عندي لكوزينة كلسي نتحتو عنداك يشوفك شي حد
جنات : ههههه واخا كنتسنالك تعاوديلي شكون هاذوك ضياف و شنو بغاو ههههه عارفاني نموت فتبركيك
هبطات السعدية تجمع مع ثورية و يقادو طبلة د ضياف
من بعد ماجاو ضياف كان راجل كبير فلعمر تكون فعمرو خمسين عام و من لبسو باينة لباس عليه و مرا كبيرة تكون فعمرها ديك ربعين عام لابسة لبسة أنيقة و سروال فصالة مع قاميجة طويلة و فولار و باينة فحال يلا مراتو و راجل اخور تكون فعمرو ديك ستين عام كبير و باينة فوجهو انه ماكايعاودش لهضرة لابس فوقية فلقهوي و شيبات طاغين على شعرو و كالس بكل هدوء
البنات التعاليق داخل الرد 👇 كيجاتكوم البداية ؟ عطيوني أرآكوم  متبخلوش عليا ..