كفاني قهرا

البارت 22 :

#كفاني_قهرا 🔞
لا أحلل النشر دون ذكر اسم الكاتبة ❎
البارت 2⃣2⃣ :
* بعد مرور خمس ايام *
أصبحنا و أصبح الملك لله
فاقت بطلتنا على إثر صوت المنبه و كي لعادة دخلات دوشات و توضات و لبسات حويجاتها و و صلا صلاتها
عاد دازت وجدات الفطور و نقات دار و كلسات تفرج تايفوت لحال
_______________________اما عند يونس لي فهاد الايام ولف جنات بزاف لي ولا كل نهار يدوز عندها و يبقاو يتحتحو و يضحكو و هو ساهي فيها كاتشبه محبوبتو بزاااف لي خلاها و هي صغيرة فلبادية مي باقي أمل يرجع عندها يشوفها
ناض كلو حيوية و نشاط لوهلة تفكرها كي كانت كاتنقز و هو يفكر فهاذي وفهاذي
بففف لا لا اويلي انا ماعمري نفكر فشي وحدة اجرة من غير نويورتي لا لا سناء ماكاتعني ليا والو مي قريب نعرف شكوناهيا
( نفض هاد الافكار من راسو و دخل متوجه لدوش ، دوش و دخل لدريسينغ لبس حوايجو و كي لعادة رش بارفانو و دار ساعتو و خرج متوجه للعمل )
وصل الشركة *ch.naji* و دخل كي لعادة تحت أنظار الموظفين شي حاسدو على لبوسط لي عندو ، شي حاسدو على فلوسو ، شي على شراكتو مع شرف ناجي
دق لباب و دخل كلس كيتسنا سيهوم شرف
تادخل و كي لعادة كلس نيشان بلا مقدمات و دار يديه فوق لبيرو بطريقة رجولية و تكلم بجدية
شرف : شنو درتي فالطلبية اسي يونس
يونس : هممم سمع اسي شرف انا وجدت ليلة سبعة دلبنات و بقاتلي وحدة اصلا غي الاحتياط لي كاين و غا...
شرف ( قاطعو معصب ) : واش كاطنز عليا ولا شنو ( ضرب يديه مع لبيرو ) اسيدي انا قلت تمنية يعني تمنية و لكليان ليوما غايكونو فلبيرو سووو بلا ماتصعرني و نتا عارف شكنسوا
يونس ( بدورو معصب ماكايحملش لي يآمرو ) : و لكن  راه لكليان ماغايطلبوش تمنية يالاه غاياخدو واحد تلاتة و يخليو ليك لباقي
شرف ( ناض قاجو فلكول تاعو ) : و نتا شنو خاسر هممم ولا يسحابليك ماعارفش بداكشي لي كاتخطط مورا ضهري لامابغيتيش ختك تكون بلاصة التامنة ( غمزو ) فضبر عليها و فورا
يونس ( أعد حاجة عندو لي يهددو خصوصا بختو ) : شنو نسمي هذا تهديد ولااا هااا كاتهددني بختي
شرف ( ببرود عكس نار لي شاعلة فيه ) : انا هنا لي كنآمر ماشي نتا و نتا عارفني مزيان شكنسواا اسي يونس الابراهيمي
يونس ( ناض طافج مخنزر فين غايلقا التامنة دبا فين )
________________________
عند لقايد علي لي وصا رجالو كاملين يلقاو جنات و يقلبو فلمدينة متكونش بعدات و عاجلا ام اجلا غاتمشي عند عمتها
و لكن تيقنو بلي غبر ليها الأثر
ولالة ثورية حالتها تدهورات ولات شادة الفراش و كتقول بنتي مسكينة بنتي واقعة ليها شي حاجا قلب الام كايحس و ماكايكدبش مي شكون تسوق ليها زهرها فحال زهر بنتها غا العذاب و القهر
و كون ماعطاها الله ديك السعدية مسكينة لي مقابلاها ليل و نهار كون ماتت بلفقصة
_____________________
وصل يونس للدار عند الواليدة ديال ( لالة غيثة ) ؛ دخل و هو مخنزر للداخل لقاها فصالون كالسة كتقرا فالمجلات
سلم على مو و هو كايفكر لا لا مايمكنش يدخلها لداك لجحيم الا ختو
لالة غيثة : ولدي ماخدامش ليوما ولا
يونس ( ماعندوش خاطر ) : اه الواليدة
لالة غيثة ( باستفسار ) : و مالك بنتيلس مبدل اولدي
يونس : اوالو راك عارفا ستريس الواليدة
شوية و هي توصلو تصويرة فيه ختو ( نسرين ) فجردة كاتلعب مع لكلب بوبي
ناض بالزربة و هو مخلوع كايجري و لالة غيثة تبعاه مافاهمة والو
لوهلة يسحبليه خطفها هذا را شرف ناجي يقدر على كلشي عندو نفوذ فكاع لبلاد و تاحد مايقدر عليه من غير لي خلقو
شافها قدامو و هو يتنهد تنهيدة عميقة و قاليها دخل را لبرد
نسرين مافهمات والو و دخلات هي و مها لداخل
و هو متحجج بلي غاتكون شتا و لبرد
شوية صونا تيليفونو كان شرف مصيفطليه جوج تصاور وحدة لجنات لي كانت طل من لبالكون و وحدة لنسرين لي فجردة
يونس : هااا اش بغيتي وليتي كاتهددني بختي
شرف ( معصب ماكايحملش لي يرفع عليه صوتو ) : جمع راسك ياز*** و عرف راسك معامن كادوي
دبا ماوجدتيش طلبية كاملا ايوا ختار يا اما البنت لي معاك فلابارطومون هااا منعاودلكش من ذوق لي كايعجب لكليان ولا ختك هممم و تاهي باينة غاتكون بحلاوتها
يونس ( معصب ) : والله يا ز*** و تقرب ناحية ختي تانقتلك
شرف ( معصب ) : اخر مرة تدوي هكا يا ولد لعاهرة و لا غي ترحم على ختك
يونس ( باستسلام ) : و شنو بغيتي دبا شنووو
شرف : نفهم من كلامك انك موافق همم ولا ديك لبنت كاتعني ليك شي حاجا
يونس ( فراسو لا لا مانقدرش نديرها لبنت أمناتلي لااا مانقدرش ...