#كفاني_قهرا 🔞
لا أحلل النشر دون ذكر اسم الكاتبة ❎
البارت 118 :
علاء دمعو عينيه و مسح ديك دمعة بيديه ... تحطات يد باردة على كتفو ...
و نطق شخص ... خويا ... كلشي غايفوت ...
علاء دار عندو بصدمة باينة على ملامحو ... خويا شرف ....
شرف فك ديك لغوباشة و بتاسم بشوية عليه و فتح ليه يديه .... اه خوك ...
علاء بادلو لعناق ... و هو كيطلب منو سماحة ... و سي لحاج واقف قدامهم فرحان ... دمعو عينيه و مسحهم ... بطرف صباعو ...
شرف .... انا حاس بيك اخويا ( ايه حاس بيه حيت تاهو فقد الأم ديالو و هو صغير ميمكنش يبقا مكتف ليدين و يلوم خوه لي ماليه ذنب ) ...
لحاج ... و انا متعنقونيش... هااا ربيت و كبرت تقادو لكتاف ...
علاء بتاسم ليه و باس ليه يديه و عنقو ... نتا هو لكل في لكل ... شرف كذلك بادلو لعناق ...
تمشاو لبرا كيضحكو الا شرف لي كيبقا يتبسم مرة مرة ... من ديما ماكاينساش بسهولة ... لكن فلاخير كيبقا خوه صغير ... من واجبو يشد فيدو و ينصحو و يعاونو .... ماشي يزيد يحقدو عليه ...
لحاج و علاء ركبو فسيارتهم و شرف ... ركب فسيارتو و توجه للفيلا ...
فلفيلا ... كانت جنات كالسة فصالون و شادة طبسيل دلفواكه كتاكول فيه و السعدية غادا جاية ... كتقاد لجليسة ... و طرفها ... بنتي مشهية شي حاجا ...
جنات عطاتها يديها ... هههه اجي السعدية اوبس ماما المستقبلية هههه ...
السعدية باستها فراحة يديها ...و كرشها واصلة لفمها ... باستها ليها ... اخلي لي نويورة تاعي (بخجل ) ماناخدش بلاصة ماماك ابنتي ... ماماك انسانة ضريفة و اطيب خلق لله مننساش خيرها و فضلها عليا
جنات عنقاتها بيد ... ماما راضية عليك اماماتي ... هههه
نقزات عليهم نسرين من لور .... هوبلاااا ... هههه
جنات ... واش مابغيتيش تكبري ... هاويلي على لي غتزوج ...
نسرين شدات فريزة و خشاتها ليها فمها ... هاكي كولي و سكتينا .... خالتي السعدية كاين شي ميتكال اعروستنا ... هههه شفتي كتاب لينا نتخطبو فوقت واحد عمي مسكين زربان على رزقو هههه
السعدية .... سيري لكوزينة لله يعطيك عقل ...
مشات لكوزينة كتمختر تلاقات مع كورسا كتقاد فلكيسان .... غوتات ليها فودنيها و هربات ..... واعبووووش ...
كورسا كادور مخلوعة لايسمعها شي حد ... يخخ ( كانت لكوزينة خاوية ) اديك لبرهوشة سميتي كورسا ...
نسرين كالسة فوق لبوطاجي ناشرة رجل هنا و رجل لهيه ... وافحال فحال كلهم كي لخرا غالله يحضر سلامة ...
كورسا قرصاتها للجناب .... ياك لدينمك ... تفو و ماقالو خت العريس مسيميمة صدقات بنت عمتو لي مسيميمة ...
نسرين ... واتي لا ( جبدات ليها حناكها ) هاد لخير كلو و نتسمم معاه ...
كورسا ... صبغيني صبغيني شبغيتي ...
نسرين ... عطيني مسيمينة عيشك عيشك ... غدا خطبتك هالعار ...
كورسا ...ويلي فكرتيني خصني نقاد حالتي ... و ننقي...
نسرين قاطعاتها .... واماعندك ماتقادي سعداتك طرف من عند لله داكشي لي كيعجب سعيعيد لحمق ههههه
كورسا هزات عليها شطابة و هي هزات جوج مسمنات و هربات ... وابزااف عليك خطيبي يلبرهوشة ... ويلي ويلي نسيت نوض نجمع هادشي و نمشي لكوافورة نطلب داك راس لكبالة ( سعيد ) ...
_____________________________يتبع
أنت تقرأ
كفاني قهرا
Romance🔥 حصـــــــــــــريـــــــــــــــا 🔥 على فاتنات مجرة الروح 💖 لا أحلل النشر دون طلب الإذن مني .... ❌ ايوا كي العادة من بعد اعتزال طويييل و من بعد مارجعت بقصة #فاتنات_تحت_قبضة_الوحوش 🔞 جيت ليكم قصة جديدة تحمل في طياتها من كل فن طرب...
