كفاني قهرا

البارت 99 :

#كفاني_قهرا 🔞
لا أحلل النشر دون ذكر اسم الكاتبة ❎
البارت 99 :

شرف طلع لبيت ليلى و دخل بلا مقدمات ... لقاها كالسة كتدير فصباغة رجليها مهدنة ....
شافتو و كحلات بلعما ... ناضت زعفانة .... هي اشهاد لهماجية ...
دخلو من وراه كاملين ... طار عليها قاجها و كيسب و يلعن .... اعععع باغا تقتلي ليا ولدي يابنت لعاهرة هاااا .... باغا تقتليه دوي ....

بقا قاجها تاخرجو عينيها ... علاء قرب منو كيفك .... شرف شرف طلق ... اخويا طلق منها ... اعععع
تقدم لحاج تاهو لي مصدوم .... شرف .... طلق منها

شرف طلق منها و شد على قبضة يدو معصب ... نيشها مع لحيط حتا طوش دمو .. ميقدرس يخالف كلام باه ... اعععع لواليد

لحاج قرب منها و شد فكتافها و دموع فعينيه.... ليلى نتي لي درتي هادشي هااا نتي ...

ليلى ... لا لا لا تيقني ( صفارت و خضارت ) انا انا مانديرهاش حبيبي شوووف ( لحاج نتر من يديها ) ....

علاء بلغوات .... لواليدة نتي لي درتي هادشي نتي ... سمعتك بودني علاش علاااش الواليدا ... باغا تقتلي روحيييين ... روحين لواليداا

ليلى بصدمة ... علاااء نتا نتااا لي شمتيني هااا نتا ( صرفقاتو ) نتاا وليتي جاي من جيهتهم هااا و انا كندير هادشي على ود مصلاحتك دويييي

كلشي شاف فيها مصدوم ... شرف بغا يتقدم عندها يقتلها ... الا ان لحاج شد فيديه معصب ....

جنات قربات عندها و دوات و دموع فعينيها و السعدية حداها ... اهى هى و شنو درتليك انا و ولدي اهى هى حشومة عليك حشومة عليك اهى

ليلى بلغوات ولات فحال لحمقة .... لااااا نتي كنتي غاديري بزاااف هههههه دبا غيموت غيموت ولدك نتي ... كنتي غاتولدي لوريث ههههه و ولدي ولدي ماغاياخود تا فرانك لا لا هادشي على ودك اعلاء اهى هى على ودك ( قربات منو كتبكي و شادة فيديه ) ...

نتر يديه و شاف فيها شوفة كتحمل بزاف دلمعاني ...  اه لو كنا كنختارو واليدينا ... كنا غانعيشو بيخير ... لاش كل واحد و قدرو شنو مخبي ليه ... علاش ديما ناس لقراب كيكونو ضدنا ... حنا هنا هوما لهيه ...

علاء بلغوات ... اه انا كنت باغي حقي لكن ماشي لدرجة نقتل بيبي الواليدة بيبي وااااش حماقيتي را مكيتقبلهاش لعقل .... لواليدا انا ماشي هكا ماشي هكا سمحيليا ....هذاك كيبقا ولد خويا ... خسارة فيك لواليدا ...

لحاج قرب عند ليلى و دموع فعينيه ... عطاها صلاي لوجه .... كرهتيني فيك اليلى ... كنكرهك ... باغا تقتلي حفيدي لهاد درجة عماك طمع هاا ... عماك طمع اليلى ... باغا تفرتكي شمل د سنين هاا...

السعدية قربات منها و شدات فجنات و دفلات عليها ... اتفوووو كلبة الله الكيها ليك ...

شرف بغا يقرب منها ... طرطق عينيه و قرب منها ... اععع انقتلك ...

ليلى هزات واحد شفرة من فوق لبيرو ... و كاتبكي ... اهى هى انا انا غانقتل راسي اهى هى كرهتوني فحياتي اهى هى ولدي ولدي هانتا غاتهنا مني ...

علاء و دموع فعينيه ... لواليدا لا عفاك ... قرب منها ... و نتر ليها ديك شفرة لكن تخشات ليه فيديه ... شد فيدو كتنزف ... هي بقات واقفة جامدة ... كتبكي ...

نسرين جرات عندو بحكم كتقرا لميدسين ... اي جرحة ماغارقاش بزاف ... لكن اجي معايا
شدات فيديه و هو غي مغوبش.... نزلو لتحت تعقمها ليه ...
لحاج قرب عند ليلى و دوا بلغوت.... من ليوما مانتي مراتي مانا راجلك ... نتي مطلقة مطلقة مطلقة ....

ليلى كاتبكي.....هى اهى هى لا لا عفاك ( تحنات عند رجلو ) لحاج انا كنبغيك اهى هى

لحاج شد فقلبو كيتوجع ... اي اععع ولدي ولدي ....
قرب منو شرف مصدوم ... لواليييد لواليييد صبر صبر ... اعععع تحركو عيطو على لونبيلونص سربيو ....

شرف و سعيد تعاونو عليه نزلوه ... و جنات و السعدية و كورسا تابعينهم من لور ...
نزلو و حطوه فلباياص .... تبعو شرف بطنوبيل ....
تحطات حدا لفيلا سطافيط د لبوليس ... نزلو منها و سولو على ليلى .... طلعو عندها لبيتها ... لقاوها كتبكي ... و حالتها حالة ....
مدام ... نتي متهمة بالاعتداء على الانسة جنات ... تفضلي معانا ...
ليلى بلغوات ... اهى هى لا لا انا مادرت والو ماشي بوحدي اهى هى انا انا لا لا

ماتصنطوش ليها و هزوها من بلاصتها و هي كتفركل ... و نفس شي بالنسبة للخدامة ...
جنات حطات راسها فصدر السعدية كتبكي ... اهى هى خالتي انا ماكنتش عارفا اهى هى هادشي بسبابي ( ناضت باغا تجري ) اهى هى شرف شرف تقلق مني اه مقلق مني اهى هى و بابا لحاج بسبابي اهى هى وقعليه هادشي ...

السعدية شدات فحناكها .... بنتي ماديريش فراسك هكا نتي نتي فحال لما نقي ... ماكاتعرفيش كيد نسا ابنتي ماكاتعرفيش لغدر ... اهى هى ماتربيتيش على هادشي طبيعي ماتنويش انها تقدر تديرها ...

جنات تخشات فصدرها كتبكي و تشهق ... اهى هى ماكنتش عارفا اهى ماكنتش ...

____________________________يتبع