#كفاني_قهرا 🔞
لا أحلل النشر دون ذكر اسم الكاتبة ❎
البارت 90 :
نرجعو لعند جنات ... حنات ليها نقاشة يديها و دازت لرجليها ... دايرة ليها داكشي عصري ... ماكرهاتش تنوض تشطح لكن لحال ميشاور ...
نزلات نسرين كتأفف هازة فيديها ازار بيض ... تفو سباحاتو لله ياختي
جنات ... مالك بسملله عليك
نسرين ... دخل فيا واحد لحمار و من لفوق قايك انا لي دخلت فيه ... بغل ... دحش
جنات كاضحك .... ههههه عارفا لسانك سليط ماقصرتيش من جيهتك ... يكون مسكين كيدعي ليل و نهار تحيدي عليه هاد دعاوي دلبلا ...
نسرين ... ياك اختي ياك سري اهى ..
كتبوحط هههه و جنات ماشي هنا راها حاضية الشخص لي نازل من سيارة ...
نسين دات لفين كتشوف ... بشااااخ هذا كلو راجلك اختي هاحح
جنات ضرباتها بمرفقها للراس ... الله امسخك جمعي عينيك هههه
نسرين ... الله ياربي الله عطيني شوية من زهرك ... شي عطاتو شي ح*** و انا ح***
جنات ... هههه الله ازيدك
شرف هز راسو فيها و هو يتصدم من داك لجمال لي فجريدة .... لورد داير بيها ... و يديها فيهم لحنا ...
تلف مسكين مابقا عارف ميوخر ولا مايقدم .. واش يمشي لعندها ولا يرجع فين كان ...
غمز ليها باش تفهم راسها و تجي الا انها حركات راسها بنفي و هي كاضحك ...
بقا عندو حل اخير ... تقدم لعندها تحت نظرات لعيالات كاملين ... جاب الله السعدية ماكايناش ...
نسرين ناضت مخلية ليها بلاصة حداها ... كلس على جنب و هي حانية راسها كاضحك ...
شرف ... شهاد زين كلووو القطيطة هااا
كيدوي بهمس ... لدرجة هضرتو كتدوبها ... صوتو ... رنتو ... بحتو رجولية ... حروشية كلامو ...
جنات ... ههه شرف ناس كيشوفو هاويلي ...
شرف شاد لفولار فيديه بشوية كيلعب بيه فصباعو ... و مرة مرة يشمو و يتنهد ... مراتي و ندير فيها لي بغيت ... همم شهاد لحالة بعدا هااا
جنات ... شنو ؟
شرف حول نضرو ليديها ... لحنا لدينمك ...
جنات فهمات انه ماكايحملهاش ... ههههه هاك هاك شم ... دارتها ليه فنيفووو
شرف خنزر فيها ... مالقيتي لدينمك غا دوك ليديات هااا عمرتيهم بلحنا ...
جنات ... هههه واصافي اوفف حيد راه غاتجي السعدية ماغايعجبها حال
شرف قرصها فجنابها ... رجلي برجليك ... نوضي نطلعو ...
جنات بعداتو بدراعها ... هاويلي لا راه مزال مانشفات
شرف ... نشفو باباها ...
شاف دوك لخنيشات صغار دلحنا جاو على مقياس يديها ... دارهم ليها فيديها ... مزيرهم على معصمها ...
جات نكافة ... باداتهم ليها مزيان و هزها ... تحت نظرات الجميع ...
جنات تمنات لو الارض تشقات و بلعاتها ولا هاد لحشمة ...
شرف ... هوبلااااا زيدي نطلعو ...
جنات... هاويلي ازمر حشمتيني مع عمتي و لعيالات ...
لعيالات شي كيشوف فيهم بفرح ... كيقول جاو موايتيين ... شي حاسدها على نعمة لي عندها.... شي تمنا لو كان فبلاصتها ...
شرف و هو طالع بيها فدروج ... كيتمخشش فعنقها فحال لمش ... همم مشهية شي حاجا القطيطة ...
جنات كاتهر من عنقها ... هههه واكاتهرني براكا اشرف ...
شرف ... ناكلك انا ناكلك ...
طلعو لبيتهم ... حل لباب برجلو ... و حطها فوق سرير ... حيد ليها داك لفولار فوق شعرها و تطلق سالف على مزيناتو ...
شرف عاد نتابه ... شهاااد لحالة نويورة هاا ؟ اشهاد لعكر فداك لفيم ...
جنات منيتها ... والله ماكنتش عارفا اتقلق قلت ليها ماديريهش ليا و لكن ...
شرف قرب منها مقاطعها ... نحيدو باباه حنا ...
طار على فمها كيبوس و يعاود ... و هي مامخلياش من حقها ... تعلمات .... ولات متجاوبة معاه ...
حيد ليها داك لعكر كلو ... مرجع فمها طبيعي و حمر كيوزوز ...
شافت فيه بخجل ... شرف حيد نوض نغسل يديا ...
شرف...احح على ديك شرف سيري سيري لطاسيلتك ليلة ماتفلتيش مني ...
____________________يتبع
أنت تقرأ
كفاني قهرا
Romantizm🔥 حصـــــــــــــريـــــــــــــــا 🔥 على فاتنات مجرة الروح 💖 لا أحلل النشر دون طلب الإذن مني .... ❌ ايوا كي العادة من بعد اعتزال طويييل و من بعد مارجعت بقصة #فاتنات_تحت_قبضة_الوحوش 🔞 جيت ليكم قصة جديدة تحمل في طياتها من كل فن طرب...
