كفاني قهرا

البارت 4 :

#كفاني_قهرا 🔞
لا أحلل النشر دون ذكر اسم الكاتبة ❎
البارت 4⃣ :
______________________________________________
جنات طلعات لبيتها بقات كاتفكر كيفاش دوي مع باها عفل موضوع لقراية فلمدينة حتا غفات
ندوزو لبلاصة اخرى
فمراكش ، المدينة الحمراء فأفخم ليزابارطومون
كان كالس كايدوش و كايدندن بوحدو
خرج من دوش لاوي عليه فوطة من لتحت  و شعرو كايقطر بلما كان مطولو شوية ،طويل و كتافو عامرين  بشرتو بيضة و شعرو مقطعو كوب طويلة شوية و عينيه عسلييين و شوفاتو هاديين عكس الداخل ديالو عندو حقو فزين
لبس حوايجو قاميجة كحلة وسروال ثوب فلبلومارين و دار ساعتو لي من نوع luxry و خرج متوجه لواحد لفيلا متوسطة 
داخلها فالجردة كالسة امراة انيقة تكون فسن الخمسينات لابسة نظارات طبية و كاتقرا فلمجلات مرة مرة
دخل باس ليها راسها و كلس
لالة غيثة : ولدي جيتي كون تشوف شحال توحشتك
الشخص : تانا موحشك الواليدة عارفا بلي بوحدك لي عندي فهاد دنيا
لالة غيثة : واعارفا اوليدي نتا و ختك عويناتي لي كانشوف بيهم مانبغيكومش تبعدو مني
الشخص : الواليدة غي لخدمة و صافي راك عارفالالة غيثة : و لكن اوليدي بزاااف تقريبا شهر باش غابر غي تيليفون لي جامعنا
الشخص : ههههه ايوا الالة بقاي على خاطرك انا انستقر هنا
لالة غيثة : ( طارت عليه عنقاتو مسكينة فرحانو بكبدتها حداها ) لولولولووووي سعداتي بوليدي جااااا يستقر بمرة هههههه
نقزات عليهم بنت من لور تكون فلعشرينات كانت طويلة و رقيقة و زينها مقبول و شعرها طويل و باينة فيها ظريفة
نسرين : وااااع واش مات شي حمار ولاااء مالك اماما على تزغريييت
لالة غيثة : واش لمك ماكاتشوفيش ( شداتها من قرفادتها ) خوك ايستاقر هنا بمرة
نسرين ( طارت عليه تعنق و تبوس ) : وااااع واااع واماتقولها ش ازمر نووو واااي كذووب سوو اتبقا هنا بمرة ههههه ( دايرة ضحكة شريرة )
الشخص : واااعلى ود هادشي صافي ماغانبقاش و نتي خانقاني اتي طلقي
نسرين : واصافي صافي غي بقا على خاطرك ياااي ايبقا انمشي نعلم صحاباتي بلي يونس رجع ههههه و مشات كاتجري لداخل
لالة غيثة : ويلي على لحمقة لي بلاني بيها الله
يونس : ههههه برهوشة الواليدة هههه
لالة غيثة : شي نهار تقتلني غا بلفقصة هههه
يونس : الله ينجيك لينا لواليدة ههه