كفاني قهرا

البارت 27 :

#كفاني_قهرا 🔞
لا أحلل النشر دون ذكر اسم الكاتبة ❎
البارت 2⃣7⃣ :
فاقت جنات على إثر صداع لتحت و عظامها كلهم مدكدكين و باقا فبلاصتها مليوحة كي شي شرويطة ماقاداش تحرك و دماياتها ماليين لمكان
كرهاتو و كرهات تعرف شكون هو ولا تشوفو باقي قدامها
شنو دارت ليه باش يعاملها هكاك و هي أول مرة تشوفو فحياتها
و لكن مايكونش الحقد لي كاتحقدو عليه قد الحقد لي فقلبها جيهة يونس كرهاتو و كرهات الساعة لي وصلات فيها لهاد لمدينة تعيسة
بلسان جنات :
فقت و انا باقا فبلاصتي الله ياربي الله اهى اهى شنوو درت حتا نتجازى هكا واش عمري درت شي ذنب فحياتي تهنيت من جهنم فدوارنا و لقيت ماكفس منها هنا اهى اهى
ياسيدي ربي لا خصني نكون قوية و نهرب من هنا ليوم قبل غدا اهى لا لا مانقدرش نصبر
الله ياربي اي ( عظامها كايضروها ) هرس ليا عظامي الله اهرس ليه دوك ليدين حمار كلب تفووو الله يعطيه لعذاب تفوو عليييه اعععع
دارت و ياريت مادارتش كان واقف موراها و كايسمع ليها من الأول تال الاخير و مربع يديه
و هي شافت فيه نص شوفة ماكرهاتش طير عليه تقجو
ايه شرف كان حاضيها من الأول ملي ناضت
شرف ( بشوفة كي لقتيلة ) : هاد جهنم هي لي ماعمرك تحلمي تخرجي منها و غي حيدي من بالك فكرة الهروب حيت نلقاك نلقاك واخا توصلي لاخر دنيا القطيطة ( ورك عليها )مفهوووم
جنات (خنزرات فيه )
شرف ( عاود غوت ) واااش مفهوم
جنات ركب فيها رعب : اهى اهى اه اه مفهوووم
و هو عاطيها بالظهر : دخلتي لمملكتي و عمرك تخرجي منها و انا درتك فبالي يا القطيطة
دخل لدريسينغ و بدل حوايجو و خرج عندها و هي باقا فبلاصتها
و قال نبغي نجي نلقاك قاديتي الجناح كلووو ولا يا ويلك و يا سواد ليلك نشرب من دمك و عنداك يقولك داك راس صغير عندك ديري شي مشكل ( ضرب ليها بصبعانو فجبهتها )
هي حاولات تفادا شوفة فيه حيت كايخلعها
داز فيها و خرج
و هي قوات راسها و دخلات لحمام و مزالة كاتنين بلحريق د الجروح لي ماتعقموش
قضات حاجتها و كلسات حتا دخلات وحدة كلها لابسة نص شبر و كتعيوج
...: ممم حبيبة هذو صيفطهملك ميسيو شرف و قاليك مني تسالي نظفي الجناح على طولو و نزيدك راه ماكايحملش الغبرة بتاتا هههه تشاو
حطات ديك لعلبة فوق سرير و خرجات
اما هي حلاتها و لقات ملابس داخلية و شي حوايج و بيجامة جديدة لبسات البيجامة و جمعات شعرها كوب شوفال و كلسات تخمم و ترجع تبكي بشوية عفى زهرها و على جهنم لي طاحت فيها و كاتفكر بلي عاجلا ام اجلا غايبيعوها
جنات : ايييه اسيهوم شرف دبا تشوف شنو نقدر ندير ( رجعات تنين ) اهى اهى ياربي كون غي ماهربتش كون غي مامشيتش مع يونس اهى كانكرهو كانكرهو عمري نسمحليه اهى
____________________________

عند يونس لي كان كالس فالدار ديالو ساهي فنقطة وحدة و من لبارح و هو سكران ولف جنات بزااف لي كيسحاب ليه سميتها سناء ، ولف ضحكتها و نيتها و عفويتها فدار باغي يصارحها باغي يقوليها كنت مجبور هددوني بختي مي كيبقا حما ختو و لاح بنت ناس أمناتلو باش يحميها مي غدرها
بقا كاس ورا كاس تاطاح كاو
بعد مرور خمس ساعات
فاق و هو مزال على نفس الحالة
توكض شوية و هو يمشي دوش و خرج ماليه نفس و شرب كاس لقهوة باش يفيق شوية
حرج من لابارطومون و حل طنوبيل غادي مكسيري لخدمة
________________________
عند شرف لي كان فلخدمة كي لعادة من لوراق لوراق و حاضي لجناح كلو فبيسي بكاميرات مراقبة كتبانليه جنات ناعسة على وضعية الجنين و كايسمع داكشي كلو لي كتقولو مي مافهم والو
شرف : همممم برهوشة غاندمها على نهار لي تحطات فهاد دنيا و حاولات تطاول عليا ق*** لديلمها
باقي بين عينيه منظرها و هي طالقة شعرها و كاتبلبل و تغوت عليهم لدرجة عجباتو فكورسا كتبان كي لقطيطة مي ماكاتسمحش فحقها
بقا على هاد حال حتا تعاشات لعشية و هو ينوض متوجه لاوطيل ( الكباري ) عفط عفطة وحدة و وصل
_________________________يتبع