كفاني قهرا

البارت 38 :

#كفاني_قهرا 🔞
لا احلل النشر دون ذكر اسم الكاتبة ❎
البارت 38 :
كلن غادي مكسيري جيهة سبيطار على طريق سيار
تا لمحها فجنب طريق كتمشى و تاكل فمسمنة و تبنن
دار ضحكة جنب على فمو و نزل من ديك سيارة الباهضة الثمن بكل شموخ
تابعها و هو موراها كايبسبس عليها تا زادت غادا زربانة و هو ماعلابالوش بالبشري
مهدن على غير عادتو حاضيها كيفاش كتاكول و تبنن و كيفاش زربات فلمشية و مادارتش تشوف فيه
دارت عندو كاتغوت حيت زعجها بالغوات
جنات : اسيدي شكون نتا لي م......(حلات فمها على اثر صدمة )ش..شرف
اشرف ( بتبسيمة طويلة عكس عصبيتو ) ايييه شرف (ورك عليها ) قباض الأروااااااح القطيطة
هي دارت مصدومة باغا تجري تفاك مي معامن هي شدها من قرفادتها و قبط ليها فمعصمها بقوة
جنات كاتبكي عارفا راسها كحلاتها و تكشف أمرها : اهى اهى شرف عفاك خليني نمشي الله يخليلك ماعز عليك ( كتجابد معاه )
شرف حنزر فيها و دوا بهدوء : لاااا ازين نتي غاتبقاي معايا و قسما برب الجليل تا تدفعي ثمن د هادشي كلوووووووو ( غوت ) تحركييي
تحركات بلا هواها و طلعات و هو ركب ليها سمطة و أنفاسو كاضرب فعنقها نااار شاعلة فيه نااار ستاحمراتو ضحكات عليه و هو لي عمر شي حد تمادا عليه كيما فعلات هي
دار بسرعة لكباري و هي مكمشة فراسها كاتبكي و هو مهدن و لكن كايتوعدلها بما كفس
________________
عند كايلا و يونس
كانو فمطعم مقابل مع لبحر كايلا كي لعادة ماحيداتش أنظارها عليه و لكن هو تفكيرو كلو مع جنات باغي يرجعها بأي طريقة باغيها ليه وحدو باغي يعنقها يقوليها سمحي ليا هددني بختي هددني بكبدتي كنت مجبووور مي شنو غايدير واش غاتسمح ليه اكيد لا فهاذي جنااات لي ماكاتسمحش فحقها
فلاش باك :
ففيرمة كبيرة و بالضبط فجريدة
كالسة العاءلة كلها مجموعة فجليسة بلدية بامتياز فوق لحصيرة و لمخادي فكل مكان
و صوت نعاج و الهوا نسيم مالي لمكان
لالة غيثة مع لالة ثورية و لقايد علي و سعيد و نسرين لي كانت قد لكميشة باقا صغيرة كاتلعب بمونيكتها و تشوف فيهم بملل باغا ترجع لمدينة
كانو حاطين زويتة بلدية اركان زيتون بلدي املو اتاي و اكيد الحلويات المغربية
و فقنيتة حدا لبير كانت طفلة صغيرة كاتلعب و تنقز حدا دري تكون فعمرو ديك ١٥ عام و هي ٥ سنين
جنات ( صوتها باقي معكل ماكاتنطقش حرف "ر" مزيان ) يوونث قولي اتمشي و تحليني ياااك اتلحلو (اترحلو) المدينة
يونس ( عنقها و هو كيشوف فيها بحب )ماشي شي حاجا احبيبتي انبقا نجي فلعيد هممم انتوحشك انويورة
جنات بادلاتو لعناق ( تبسمات ) :ياك ياك اتزيبلي العااب جداد ( عينيها مليانين فرحة )
يونس :ههههه اكيد انويورة تاعي كانبغيك ( شدليها فيديها )
هي مزال ماعارفا معنى ديال هاد لكلمة و لكن عنقاتو واخا واصلة لحد كرشو : يووونث فالتي الثزاع ( يونس فارسي الشجاع )
يونس تبسم و هو هايم فتفاصيلها عويناتها لخوضر و فمها لحميمر و حنيكاتها لموردين و عاد شعرها لكحل طويييل....
نهاية الفلاش باك
فيقو من سهوتو كلام كايلا لي شدات ليه فيديه و هو ينترهم بادب و حنحن :احم كايلا فكرتي فلخطة مزيان
كايلا (قلبات عينيها ) وي يووونس انا على قبلك ندير اي حاجا
يونس : ولكن اكايلا تحكمي فدارجة ديالك ولا ترحمي على روحك را شرف ناجي ولد لق*** ينحرك و نوصيك جنات مانبغيهاش تآدى و نبغي اي حاجا توصلني عليها
كايلا بحزن باين فعويناتها كايفكر فجنات و هي معايرش ليها اهتمام : واخا ايونس كون هاني
__________________يتبع