👭Eternal Love👭 [စ/ဆုံး]

CHAPTER 3 (unicode)

ရုတ်တရက် ထရပ်လိုက်သည့် မိမိကို အခုမှ အတန်းထဲရောက်လာသည့် အေးမွန်ပင်
လန့်ဖြန့်သွားကာ

"ချက်ချင်းလက်ငင်း ဘာထဖြစ်တာလဲ Nile ရယ် နင့်ဟာက ကင်းပဲ ထကိုက်သလို"

ပြောလည်းပြော မျက်စောင်းလည်းထိုးရင်း
ဝင်ထိုင်လိုက်သည်

Moon မှ အေးမွန်မသိလိုက်သည့် ခုနကိစ္စ
အကြောင်း အေးမွန်ကို အစကနေ ပြန်ပြောပြနေ
သည်

စပ်စပ်စုစုနိုင်သည့် အေးမွန်က အဲအကိုက
ဘယ်လိုအေးတာ ဘယ်လိုရိုးတာ ဘယ်လို
စာတော်တာ ဘယ်သူ့သားဆိုတာကအစ
နှစ်ယောက်သား တိုးတိုး တိုးတိုးနဲ့ ပြောနေကြသည်ကို မိမိမှာမကြားနိုင်တော့

(ရုတ်တရက် ကိုယ့်ခန္ဓာကိုယ်တခုလုံး အငွေ့ပျံသွားရင် သိပ်ကောင်းမှာပဲ Moon

ဘယ်လိုမျက်နှာနဲ့ Moon ကိုမျက်နှာချင်းဆိုင်
ရမလဲ ကိုယ့်အချစ်တွေကို Moon မသိအောင်အချိန်အကြာကြီးလျှို့ဝှက်ထားနိုင်ခဲ့တယ်

ဒီတခါတော့ ဟန်ဆောင်မဆောင်နိုင်လောက်
အောင် ကိုယ်shock ရသွားတယ် Moonရယ်

Moon သိလား ကိုယ်တို့နှစ်ယောက်ကြားမှာ တတိယလူရှိလာနိုင်တယ်လို့ မိုက်မဲစွာနဲ့ မတွေး ထားလိုက်မိဘူး

ကိုယ်ဘာလုပ်ရမလဲ...ဟင်)

"ဟဲ့ Nile နင်ငါတို့ပြောနေတာ မကြားဘူးလား

ငါတို့ သူငယ်ချင်း လူကောင်းလေးနဲ့ ရည်းစား
ဖြစ်တော့မှာ နင်မပျော်ဘူးလား"

"ဘာ???"

"ဖြေးဖြေး အော်ပါ Nile ရယ် ငါ့နားတွေ ကွဲ
ထွက်ကုန်ပါ့မယ်"

"အေးမွန် sorry ဟာ ငါနဲနဲ အံ့သြသွားလို့ပါ Moon ပြောတော့ သူစိတ်ဝင်စားနေတာဆို

နင်ပြောတဲ့ ရည်းစားဖြစ်တော့မယ်ဆိုတာက..."

လေသံကို အတက်နိုင်ဆုံးထိန်း မေးလိုက်သည်

မေးသာမေးနေရသည် ခြေထောက်တွေပင်
မခိုင်ချင်တာ့ တုန်လှုပ်ခြောက်ခြားခြင်းကလည်းအပြည့်

"အေးလေ နင်မှ ခုနငါပြောနေတာ သေချာနားမထောင်နေတာ

ခုသေချာနားထောင် ဟုတ်ပြီလား