ဒီအတိုင်းလေးလည်း နေနိုင်ပါတယ် တစ်သက်လုံး
ချစ်ခွင့်မရှိပေမယ့် ပေါ့။ ဒါပေမယ့် အစ်ကိုသိထားပေးပါ
ကျွန်တော့်တစ်ဘဝလုံး အစ်ကို့ဆီက အချစ်ကို
အမြဲတောင့်တနေတယ်ဆိုတာ ။
အမိနိုင်ငံမဟုတ်ပေမယ့် ဒီမြေမှာကြီးခဲ့တဲ့သူ့ဖို့
တွယ်တာစရာ သံယောဇဉ် များစွာနဲ့ နှုတ်ဆက်ရတော့မည်။ နှလုံးသားလေးကို မြုပ်နှံထားခဲ့တဲ့
ဒီမြေကို သူရောက်ဖြစ်တိုင်း ရင်ဘတ်ထဲက
တဆစ်ဆစ်နာကျင်နေအုန်းမယ်ထင်သည်။
" သတိရနေမယ် ရီရှင်း"
မီယောင်းက လက်မောင်းကို တစ်ချက်ရိုက်ကာ
ပြုံးပြရင်း နှုတ်ဆက်သည်။ ဆိုရာနဲ့ ဂျွန်ယောင်းကလည်း
ပြုံးရင်း ဘေးမှာ ရပ်နေသည်။
တက္ကသိုလ်တက်တဲ့နှစ်တွေမှာ သွားအတူ လာအတူ
သူငယ်ချင်းတွေမို့ မောင်နှမတွေလို ရင်းနှီးနေခဲ့သည်။
"ချန်းယောလ်က မလာသေးဘူး
Boarding time ကနီးနေပြီမလား "
"လာမှာပါဟ သူများက အိမ်ထောင်သည်
သွားချင်တိုင်းသွား လာချင်တိုင်းလာလို့တော့
ဘယ်ရမလဲ "
ဂျွန်ယောင်းအပြောကို ရယ်နေကြတုန်း
သူတို့ဆီကို လာနေတဲ့ လူနှစ်ယောက်။
" ငါတို့ ဒီမှာ "
မီယောင်းက ခုန်ဆွဆွလုပ်ကာ ဘတ်ခ်ဟွန်းရဲ့ပုခုံးကို
ဖက်ကာ ဖြေးဖြေးချင်း လျှောက်လာနေတဲ့
ချန်းယောလ်တို့ကို လှမ်းအော်သည်။
"ဘတ်ခ်ဟွန်း ဒီနေ့ duty offတာလား"
"ဟုတ်တယ် ရီရှင်းကို နှုတ်ဆက်ချင်လို့လေ"
၁၅မိနစ်လောက် သူငယ်ချင်းတွေ စလိုက် ပြောင်လိုက်
ရယ်လိုက်နဲ့ အမှတ်တရတွေလည်း ပြန်ပြောရင်းပေါ့။
တကယ်ဆို မခွဲချင်ပါဘူး ။ အခြေအနေက မပေးတော့လည်း ခွဲခွါကြရတာပါပဲ ။ ပါပါးရဲ့ စီးပွါးရေးကို
သူတကယ်လည်း ဝင်ကူဖို့ လိုအပ်နေတာကြောင့်သာ။
"သားရေ မားတို့ ဝင်ရအောင်"
လာခေါ်တဲ့ မားကိုယ်တိုင်ကလည်း စိတ်မကောင်းဖြစ်နေဟန်။ မီယောင်းတို့ ဆိုရာတို့ကလည်း မားကို ဖက်ကာ
နှုတ်ဆက်နေကြသည်။
YOU ARE READING
JOYOUS
RomanceChanBaek You're the source of my Joy And the whole of my heart 🤍 (M-preg) Cover crd
