JOYOUS

33

" ဆရာဝန်လုပ်မယ့်သူက ဒီလိုပုံစံဆို ငါတို့ကျောင်းသားတွေ အကုန် ဆရာဝန်ဖြစ်ရင် အမြဲတမ်း
ရယ်နေရတော့မှာပဲ "

ချန်းယောလ်ရဲ့ လက်ဖဝါးအကြီးကြီးကို
ဘတ်ခ်ဟွန်းရဲ့ နှုတ်ခမ်းရဲရဲလေးနဲ့ ဖိကပ်ထားတာကြောင့်
ဆရာဝန်ကြီးက ခပ်ဟဟရယ်ရင်း စနောက်နေသည်။

၈ရက်ကြာပြီး အာထရာဆောင်းပြန်ရိုက်နေကြခြင်း
ဖြစ်သည်။ လက်ဖျားလေးတွေ အေးစက်ကာ
ချွေးစေးလေးတွေထွက်နေသည်အထိ စိတ်လှုပ်ရှားနေတဲ့
ဘတ်ခ်ဟွန်းနီးသည် အစက ချန်းယောလ်လက်ကို
ကိုင်ရုံကိုင်ထားပေမယ့် အဖြူအမဲ ပုံရိပ် လှုပ်စိလှုပ်စိလေးနဲ့အတူ နှလုံးခုန်သံတိုးတိုးကိုပါ ထပ်ကြားတဲ့အခါ
မျက်ရည်တွေဝိုင်းကာ ချန်းယောလ်လက်ဖမိုးက်ို
ဖိကပ်ထားခြင်းဖြစ်သည်။

"ကဲ သားလေးပါ ခင်ဗျာ"

အ ...

ဆရာဝန်ကြီးရဲ့ ပြုံးပြုံးရွှင်ရွှင် စကားအဆုံး
ချန်းယောလ်လက်ဖမိုးက ဆစ်ကနဲ စူးနစ်နစ်နာကျင်သွားသည်မို့ ရင်ထဲက လှိုက်တက်လာတဲ့ အပျော်တောင်
တဝက်တပျက်ဖြစ်သွားရသည်။

"ချန်း သားသားလေးတဲ့ ချန်းယောလ်လီ ဟင့်"

လက်ကိုမလွှတ်ပဲ ရှိုက်နေတဲ့ဘတ်ခ်ဟွန်းနီးရဲ့မျက်ဝန်းတွေထဲက ကြည်နူးပီတိတွေက ချန်းယောလ်တောင်
ခံစားနေရသည်အထိ ဒီအခိုက်အတန့်လေးက
ချိုဆိမ့်ဆိမ့်လေးနဲ့ တသက်လုံးမှတ်မိနေမည့်
အခိုက်အတန့်လေး။ ငိုရှိုက်နေတဲ့ ဘတ်ခ်ဟွန်းနီးရဲ့ နဖူးပေါ်က ဆံပင်တွေကို သတ်တင်ပေးရင်း ကိုယ်တိုင်လည်း
မျက်ရည်ကျရသည် ။ သူတို့ဆီကို ရောက်လာမည့်
ကလေးလေးက သားသားလေးတဲ့။

" ဘတ်ခ်ဟွန်းလည်း ဆရာဝန်တစ်ယောက်ဆိုတော့
အထူးတလည်တော့မှာစရာမရှိပါဘူး Due dateမတိုင်ခင်
၁၅ရက် ဆေးရုံကြိုတက်ရမယ်ဆိုတာလည်း သိတယ်နော်
လေ့ကျင့်ခန်းကတော့ မှန်မှန်ဆက်လုပ်ရမယ်
အစားအသောက်အနေအထိုင်က မေမေနဲ့ ချန်း​ယောလ်က
အထူးကြပ်မတ်ပေး "

ခေါင်းလေး တဆက်ဆက်ငြိမ့်နေတဲ့မျက်ရည်တွေစိုနေသည့် မျက်နာလေးကို ချန်းယောလ်ငေးကြည့်နေမိသည်။
ချန်း​ယောလ် လေးစားပြီးရင်း
လေးစားရတဲ့ လက်တွဲဖော်လေး။