༺ *MATAKIN NASARA* ༻
━━━━💞༺۵༻💞━━━━
*_For indeed, with hardship there will be ease Qur'an 94:5._*
Written by:
*Sɑdik ɑbubukɑr*
Wɑttpɑd @sɑdikgg
✍️✍️✍️✍️✍️✍️✍️✍️✍️✍️✍️
🖊 *PEN WRITERS ASSOCIATION*🖊️
✍️✍️✍️✍️✍️✍️✍️✍️✍️✍️✍️
______________________________________
*~_only the exquisite and whizkid writers are opportune to be pen writers_~*
_____________________________________
https://www.facebook.com/groups/1533639276725285/
*_ᴡᴀɴɴᴀɴ ʟᴀʙᴀʀɪɴ ᴋᴀɢᴀɢɢᴇ ɴᴇ, ʙᴀɴ ʀᴜʙᴜᴛᴀ sʜɪ ʙᴀ ᴅᴀɴ ᴄɪɴ ᴢᴀʀᴀғɪɴ ᴡᴀɴɪ ᴋᴏ ᴋᴜᴍᴀ ᴡᴀᴛᴀ ᴜɴɢᴜᴡᴀ ʙᴀ. ᴅᴜᴋ sᴜɴᴀʏᴇɴ ᴍᴜᴛᴀɴᴇ ᴅᴀ ɢᴜʀᴀʀᴇɴ ᴅᴀ ɴᴀʏɪ ᴀᴍғᴀɴɪ ᴅᴀsᴜ ᴅᴜᴋ ʙᴀsᴜ sʜᴀғɪ ᴋᴏᴡᴀɴᴇ ᴍᴀʜᴀʟᴜᴋɪ ʙᴀ ✍️✍️✍️._*
*_Dokɑr hɑkkin mɑllɑkɑ me lɑmbɑ tɑ 68, tɑ nunɑ cewɑ sɑtɑr fɑsɑhɑ bɑbbɑn lɑifi ne dɑ yɑke dɑidɑi dɑ sɑtɑr dukiyɑ._*
*_♠️Dedicɑted To♠️_*
👇
*My fɑmily, friends, fɑns ɑnd the entire world of novel reɑders, one love for you ɑll 😘😘💋💋💖💖💓✌👌*
*_BISMILLAHIR RAHMANIR RAHIM_*
*Pɑge 35 & 36*
Yini suka yi suna ta hira cikin nishadi, da yamma tayi Usainah tace ba zata tafi ba sai ta kwana a nan. Inna tace bata isa ba sai ta tashi ta koma tunda bata sanar da hajiyar cewa zata kwana ba. Haka ta mike ba dan ranta na so ba. Hassanah da Khalid suka rakota.
A kan hanya Hassanah take fada mata, “Watakila cikin satin nan me kamawa iyayen Habib zasu zo ayi magana.”
Usainah tace, “Ke dan Allah da wuri haka?”
“Hmmm! Kedai bari kawai, wannan mutumin ne zai bari a dauki lokaci me tsayi, kinga yadda yake ji kuwa? Tamakr ya dauke ni ya tafi dani. Kamar ba dan me kudi ba, sam bashi da girman kai ko kadan. Tare dashi fa aka kwaso kaya zuwa sabon gidan.”
Cikin yanayin mamaki Usainah tace, “Ke haba dai, dan Allah da gaske kike?”
“Wallahi kuwa, ni dai baki ji yadda kunya ta kamani ba. Musamman lokacin da aka dauko katifar nan da ta lamushe kamar tabarma.”
“Gaskiya Habib ya cika dan halak, Allah ya saka masa da alkairi, Allah ya hada zukatanku. Wai ni kuwa ya maganar yaya Mustapha ne ban tambaye ki ya kuka yi ba?”
“Hmmm! Ki bari kawai ni fa abin ya yi min yawa, ga farin ciki ga kuma damuwa. Ya yi min waya yace wai ya tafi course zai yi wata uku a can kafin ya dawo. Amma Inna tace zamu je gidan nasu ta fadawa kawu wannan gidan da hajiya ta saya mana da kuma maganar Habib din. Wallahi dama za'a yi bikin kafin yaya Mustaphan ya dawo, ina tausaya masa sosai.”
“To sai ki fasa auren Habib din ki auri yaya Mustaphan indai da gaske kina tausayinsa.”
“Hmmm! Usainah ba haka bane, wancan abinda da kawu ya yi ba laifin yaya Mustapha bane. Shi mutumin kirki kema kin san haka.”
“Nima bance miki bashi da kirki ba, amma ki sani halaccin da Habib ya yi mana abin dubawa ne. Bai kamata ba ace kin tsaya kina juya maganar wani ba a zuciyarki. Shin wai bari na tambayeki, shi Habib din ne bakya so?”
YOU ARE READING
༺ *MATAKIN NASARA* ༻
General FictionCikin firgici da razani Umma ta yo kansa tana girgiza shi tare da yin salati, "INNA LILLAHI WA'INNA ILAIHIR RAJI'UN, Mustapha me ya same ka, LA'ILAHA ILLALLAHU, na shiga uku. Wannan yaro da na sani da ban faɗa maka wannan magana ba."
