༺ *MATAKIN NASARA* ༻
━━━━💞༺۵༻💞━━━━
*_For indeed, with hardship there will be ease Qur'an 94:5._*
Written by:
*Sɑdik ɑbubukɑr*
Wɑttpɑd @sɑdikgg
✍️✍️✍️✍️✍️✍️✍️✍️✍️✍️✍️
🖊 *PEN WRITERS ASSOCIATION*🖊️
✍️✍️✍️✍️✍️✍️✍️✍️✍️✍️✍️
______________________________________
*~_only the exquisite and whizkid writers are opportune to be pen writers_~*
_____________________________________
https://www.facebook.com/groups/1533639276725285/
*_ᴡᴀɴɴᴀɴ ʟᴀʙᴀʀɪɴ ᴋᴀɢᴀɢɢᴇ ɴᴇ, ʙᴀɴ ʀᴜʙᴜᴛᴀ sʜɪ ʙᴀ ᴅᴀɴ ᴄɪɴ ᴢᴀʀᴀғɪɴ ᴡᴀɴɪ ᴋᴏ ᴋᴜᴍᴀ ᴡᴀᴛᴀ ᴜɴɢᴜᴡᴀ ʙᴀ. ᴅᴜᴋ sᴜɴᴀʏᴇɴ ᴍᴜᴛᴀɴᴇ ᴅᴀ ɢᴜʀᴀʀᴇɴ ᴅᴀ ɴᴀʏɪ ᴀᴍғᴀɴɪ ᴅᴀsᴜ ᴅᴜᴋ ʙᴀsᴜ sʜᴀғɪ ᴋᴏᴡᴀɴᴇ ᴍᴀʜᴀʟᴜᴋɪ ʙᴀ ✍️✍️✍️._*
*_Dokɑr hɑkkin mɑllɑkɑ me lɑmbɑ tɑ 68, tɑ nunɑ cewɑ sɑtɑr fɑsɑhɑ bɑbbɑn lɑifi ne dɑ yɑke dɑidɑi dɑ sɑtɑr dukiyɑ._*
*_♠️Dedicɑted To♠️_*
👇
*My fɑmily, friends, fɑns ɑnd the entire world of novel reɑders, one love for you ɑll 😘😘💋💋💖💖💓✌👌*
*_BISMILLAHIR RAHMANIR RAHIM_*
*Pɑge 117 & 118*
Mami ta sunkuyar da kanta tana cewa, “Yaya Kabir baka so nayi saurayin ne shiyasa ka ki yarda da ita, kafi son na cigaba da zama a gida, ni ba karatu nake ba, bakomai ba. Ga yaran nan kanana suna barin gaban iyayensu, to abinda ta fada maka gaskiya ne. Wani dan uwansu ne kuma Inna da Baba sun tambaye shi ya amsa da gaske yana sona, munje har gidansu na gaida Abbansa da Ummansa. So nake yanzu idan na fadawa hajiya zan bashi dama ya zo ya gaishe ta. Kawai kayi min addu'a.”
Murmushi Kabir yayi sannan yace, “Kanwata babu komai kada ki damu nayi matukar farin ciki sosai da jin wannan daddadan labarin kuma nayi alkawarin zan baki duk wata gudummawa da goyon baya sai barinki ya cika. Dama kullun labarin da nake son jin kin kawo mana kenan. Allah yasa mijinki ne Allah ya kara dankon soyayya a tsakaninku.”
“Amin na gode yaya Kabir.”
“Babu komai kada ki damu kinji, tsakanina dake babu godiya, dole ne nayi miki abinda kike so kuma dole ne na so abinda kike so. Yanzu yaushe zaki sanar da hajiya?”
“Eh to ka ga dai yanzun nan muka dawo ko hutawa bamu yi ba, bari zanyi sai gobe da safe zan fada mata tunda kaima kana gida weekend, na san zata bukace ka ku tattauna maganar. Pls yaya Kabir I need your support, duk da na san hajiya zata amince dan Allah kaima ka nuna goyon bayanka ka ji.”
“Haba ya kike masa magiya a kan ya goya miki baya, ai ya zama dole ma ya goyi bayanki. Ko har ya manta abinda kika masa ne lokacin da idonsa ya rufe a kan soyayyar?”
Usainah ce take fadar wannan maganar cikin sigar tsokana tana kallon Kabir. Murmushi yayi tare da cewa,
“Shikenan kada ku damu ai hajiya ba zata nuna rashin amincewarta ba, ko nima da kuka ga tayi min haka akwai abinda ta gani ne tun farko, sannan kuma ta san halina. Dan haka ki kwantar da hankalinki ina tare dake kanwata.”
Usainah ta yatsina fuska tare da cewa, “An gaida masu kanwa, tun dazu sai wani cewa kake kanwarka-kanwarka, to da wa yace kanwarsa ce.”
Dariya Mami tayi sannan tace, “Ku dai kuka sani, har kun fara rikicin naku da kuka saba, yanzun nan kuka gama korafin rashin ganin juna fa, Allah ya shirya ku.”
YOU ARE READING
༺ *MATAKIN NASARA* ༻
General FictionCikin firgici da razani Umma ta yo kansa tana girgiza shi tare da yin salati, "INNA LILLAHI WA'INNA ILAIHIR RAJI'UN, Mustapha me ya same ka, LA'ILAHA ILLALLAHU, na shiga uku. Wannan yaro da na sani da ban faɗa maka wannan magana ba."
