༺ *MATAKIN NASARA* ༻

Pɑge 89 & 90

༺ *MATAKIN NASARA* ༻
━━━━💞༺۵༻💞━━━━

*_For indeed, with hardship there will be ease Qur'an 94:5._*

Written by:
*Sɑdik ɑbubukɑr*

Wɑttpɑd @sɑdikgg

✍️✍️✍️✍️✍️✍️✍️✍️✍️✍️✍️

🖊 *PEN WRITERS ASSOCIATION*🖊️

✍️✍️✍️✍️✍️✍️✍️✍️✍️✍️✍️

______________________________________

*~_only the exquisite and whizkid writers are opportune to be pen writers_~*

_____________________________________

https://www.facebook.com/groups/1533639276725285/

*_ᴡᴀɴɴᴀɴ ʟᴀʙᴀʀɪɴ ᴋᴀɢᴀɢɢᴇ ɴᴇ, ʙᴀɴ ʀᴜʙᴜᴛᴀ sʜɪ ʙᴀ ᴅᴀɴ ᴄɪɴ ᴢᴀʀᴀғɪɴ ᴡᴀɴɪ ᴋᴏ ᴋᴜᴍᴀ ᴡᴀᴛᴀ ᴜɴɢᴜᴡᴀ ʙᴀ. ᴅᴜᴋ sᴜɴᴀʏᴇɴ ᴍᴜᴛᴀɴᴇ ᴅᴀ ɢᴜʀᴀʀᴇɴ ᴅᴀ ɴᴀʏɪ ᴀᴍғᴀɴɪ ᴅᴀsᴜ ᴅᴜᴋ ʙᴀsᴜ sʜᴀғɪ ᴋᴏᴡᴀɴᴇ ᴍᴀʜᴀʟᴜᴋɪ ʙᴀ ✍️✍️✍️._*

*_Dokɑr hɑkkin mɑllɑkɑ me lɑmbɑ tɑ 68, tɑ nunɑ cewɑ sɑtɑr fɑsɑhɑ bɑbbɑn lɑifi ne dɑ yɑke dɑidɑi dɑ sɑtɑr dukiyɑ._*

*_♠️Dedicɑted To♠️_*
👇
*My fɑmily, friends, fɑns ɑnd the entire world of novel reɑders, one love for you ɑll 😘😘💋💋💖💖💓✌👌*

*_BISMILLAHIR RAHMANIR RAHIM_*

*Pɑge 89 & 90*

Cikin yanayin shagwaba Mami tace, "Haba hajiya rana fa kika ce, mu dai gaskiya yanzu zamu tafi wallahi."

"To ai shikenan, kun yiwa Kabir din sallama?"

"Wace sallama kuma zamu yi masa, bayan tun jiya dama ya san yau zamu tafi. Bari ma na taso shi ya bamu kudin mai."

Usainah tace, "Da kin rabu dashi dan Allah, watakila bacci yake ba sai kin tashe shi ba, sai mu hau adaidaita sahu kawai."

Mami ta taɓe baki tare da cewa, "Chaɓɗijan! wane adaidaita sahu ga mota, wallahi da mota zamu tafi, sai ya bamu kudin mai da kuma barka da sallah."

Tana fada ta nufi dakin yaya Kabir din ta ƙwanƙwasa masa tare da cewa, "Yaya Kabir fito ka sallame mu zamu tafi mun shirya kai kawai muke jira."

Idonsa biyu dama ba bacci yake ba, daf da fitowa falon yake, dan haka tana rufe bakinta ya ya turo kofa ya fito tare da cewa,

"Ban gane wace sallama zanyi muku ba, ina zasu ne hajiya? Aikensu kika yi ne?"

Ya fada cikin sigar zolaya, Mami ta galla masa wata hararar shagwaɓa sannan tace,

"Ka ga rana ta fara yi ba zaman barkwanci zamu yi ba, kudin mai da barka da sallah zaka bamu."

"Wai yanzu dan Allah ba zaku hakura ba, sati dayan nan ya yi yawa. Kun ga kuyi kwana uku kawai?"

Usainah ta dan ɓata rai kadan yayin da Mami ta zumɓuro baki sannan tace,

"Gaskiya yaya Kabir ba haka muka yi da kai ba, dan ma ka samu mun hakura zamu yi sati dayan. Ko so kake muyi sati biyun .Dan Allah ka bamu mu tafi, hajiya kice ya bamu."

Kabir ya dubi hajiya tace, "Yanzu sati dayan zasu yi, dan Allah ki sa baki su rage mana."

Hajiya tace, "Kai dai ka fiye zolaya, ai kamata ya yi ka barsu suyi sati biyun tunda sallah ce."