༺ *MATAKIN NASARA* ༻
━━━━💞༺۵༻💞━━━━
*_For indeed, with hardship there will be ease Qur'an 94:5._*
Written by:
*Sɑdik ɑbubukɑr*
Wɑttpɑd @sɑdikgg
✍️✍️✍️✍️✍️✍️✍️✍️✍️✍️✍️
🖊 *PEN WRITERS ASSOCIATION*🖊️
✍️✍️✍️✍️✍️✍️✍️✍️✍️✍️✍️
______________________________________
*~_only the exquisite and whizkid writers are opportune to be pen writers_~*
_____________________________________
https://www.facebook.com/groups/1533639276725285/
*_ᴡᴀɴɴᴀɴ ʟᴀʙᴀʀɪɴ ᴋᴀɢᴀɢɢᴇ ɴᴇ, ʙᴀɴ ʀᴜʙᴜᴛᴀ sʜɪ ʙᴀ ᴅᴀɴ ᴄɪɴ ᴢᴀʀᴀғɪɴ ᴡᴀɴɪ ᴋᴏ ᴋᴜᴍᴀ ᴡᴀᴛᴀ ᴜɴɢᴜᴡᴀ ʙᴀ. ᴅᴜᴋ sᴜɴᴀʏᴇɴ ᴍᴜᴛᴀɴᴇ ᴅᴀ ɢᴜʀᴀʀᴇɴ ᴅᴀ ɴᴀʏɪ ᴀᴍғᴀɴɪ ᴅᴀsᴜ ᴅᴜᴋ ʙᴀsᴜ sʜᴀғɪ ᴋᴏᴡᴀɴᴇ ᴍᴀʜᴀʟᴜᴋɪ ʙᴀ ✍️✍️✍️._*
*_Dokɑr hɑkkin mɑllɑkɑ me lɑmbɑ tɑ 68, tɑ nunɑ cewɑ sɑtɑr fɑsɑhɑ bɑbbɑn lɑifi ne dɑ yɑke dɑidɑi dɑ sɑtɑr dukiyɑ._*
*_♠️Dedicɑted To♠️_*
👇
*My fɑmily, friends, fɑns ɑnd the entire world of novel reɑders, one love for you ɑll 😘😘💋💋💖💖💓✌👌*
*_BISMILLAHIR RAHMANIR RAHIM_*
*Pɑge 137 & 138*
Cikin sigar tausayawa Usainah tace, “Haba ki kwantar da hankalinki, shi fa yaya Mustapha ba irin wadannan mazan bane masu riko, ina jin koda laifi kika yi masa a nan take zai fada kuskurenki a lokacin shikenan komai ya wuce zai manta. Ba zai rike ki a ransa ba, ina me baki tabbacin yanzu haka ya manta duk maganganun da kika fada jiyan. Abinda kawai zai rage a zuciyarsa shine maganar da kike cewa kin hakura dashi. Watakila wannan ce zata tsaya masa a rai. Sannan kuma ki sani da ba zai zo ba to kwata-kwata ma ba zai amsa miki ba. Kawai abinda zaki yi shine ki rika kiyaye irin wadannan matsalolin.”
“To shikenan insha Allah zan kiyaye, nagode. Bari naje nayi alwala.”
Mikewa tayi ta shiga toilet ta dauro alwala ta zo ta fara sallah, yayin da Usainah kuma ta shiga kitchen domin hada abincin breakfast. Mami ta jima a cikin sallar tana rokon Allah da ya kiyaye mata Mustaphan nata sannan ya bata dangana da juriyar zama da kishiya. Tana idarwa ta nufi wajen Usainah ta kama mata suka rika aikin tare.
Usainah tace, “Idan kammala wannan aikin munje gaida hajiya ki bata hakuri kinji saboda kin bata mata rai jiyan nan, ba tayi niyyar tashi daga hirar ba kika sa ta hakura.”
Babu musu ko jayayya Mami tace, “To shikenan zan bata.”
“Yauwa idan kika bata hakurin zata ji dadi sannan kuma koda wani abin ya taso ko korafi idan kika tinkare ta zata saurareki. Da kika ga ta ture ki din nan bawai sonki bane ba tayi, hakan da tayi miki ita ce cikakkiyar soyayya domin ta daure miki gindi ta goya miki baya, to ba zaki taba zama jaruma ba. Lusara zaki zama duk abinda akayi miki haka zaki kwaso jiki ki taho kina kuka. Ni shawarar da zan kara baki a nan ita ce, kada ki kuskura bayan kunyi aure ki rika kawowa hajiya korafinki tsakaninki da mijinki, ke bama hajiya ba koma waye kada ki fada masa me ke faruwa dangane da rayuwar aurenku. Ki daure ki zama me hakuri da juriya, komai na duniya me karewa ne, babu wani abu ko yanayi tabbatacce. Ina fatan Allah ya hada kanku, Allah ya tsone idon makiya a kanku, Allah yasa kuba marar da kunya.”
YOU ARE READING
༺ *MATAKIN NASARA* ༻
General FictionCikin firgici da razani Umma ta yo kansa tana girgiza shi tare da yin salati, "INNA LILLAHI WA'INNA ILAIHIR RAJI'UN, Mustapha me ya same ka, LA'ILAHA ILLALLAHU, na shiga uku. Wannan yaro da na sani da ban faɗa maka wannan magana ba."
