ချစ်ရပါသော ပျို ~
Part - 27
==========================================================
" ငါတို့အမြဲအတူရှိနေကြတာပဲ... ငါသိနေတာမထူးဆန်းပါဘူး "
တေဇကထိုသို့ပြောပြီးနောက် အပြင်းစားဝိုင်တစ်ခွက်ကိုတစ်ချိုးတည်းမော့ချလိုက်သည်။
သတိုးကလည်းတေဇနဲ့အပြိုင် တစ်ခွက်ပြီးတစ်ခွက်ဆင့်သောက်၏။
" ငါ့ပုံစံကမင်းသတိထားမိသွားရလောက်အောင် သိသာနေလို့လား "
" ဟျောင့်ရာ... မင်းက ငါတို့အားလုံးထဲမှာဆိုစိတ်အဆတ်ဆုံးပေမယ့် ဝဠာ့ကိုဆိုအရမ်းသည်းခံတယ်။ ဝဠာဘာပြောပြော အမြဲခေါင်းညိမ့်တယ်။ အထူးသဖြင့် ဝဠာ့ကိုကြည့်တဲ့မင်းရဲ့အကြည့်တွေကြောင့်ပဲ "
" ငါကဘယ်လိုကြည့်နေလို့လဲ "
" အင်း... တစ်ခါတစ်လေ မင်းဝဠာ့ကိုငေးနေတဲ့အခါ မင်းသူ့ကိုကြည့်တဲ့အကြည့်တွေက ငါ.. ကလေးကိုကြည့်တဲ့အကြည့်တွေလိုပဲလေ။ အဲ့ဒါက... အရမ်းကို မြတ်မြတ်နိုးနိုးချစ်မိနေပါတယ် ဆိုတဲ့ အဓိပ္ပါယ်ပဲလေ... "
ပြောနေရင်းပင် တေဇအသံတိမ်ဝင်သွား၏။
" အင်း... ချစ်တာပေါ့... မြတ်မြတ်နိုးနိုးနဲ့ အရမ်းကို... တန်ဖိုးထားပြီးတော့ ... "
တေဇရဲ့စကားက ငိုချင်ရက်လက်တို့ဖြစ်သွားတယ်ထင်ရဲ့။
သတိုးက စကားအဆုံးမှာငိုချတော့သည်။
" တေဇ.. "
" အေး "
" မင်းသိလား...ငါ..အရမ်းချစ်တာ... ငါလေ..ဝဠာ့ကို အရမ်းချစ်တာ.. ဒါပေမယ့် သူက.. ချာတိတ်ကိုမှချစ်ပါတယ်တဲ့... အဲဒီ့နေ့ကလေ ငါ့ရင်တွေကွဲလိုက်ရတာ.. မင်းသိလား... "
ငိုရင်းပြော၊ ပြောရင်းငိုနေပြန်သောသတိုးကို တေဇမနှစ်သိမ့်ပေးတတ်တော့။
ငိုပါစေတော့လေ...
ကိုယ်လည်း နေ့ခင်းက အားရအောင်ငိုခဲ့ပြီးပြီပဲ။
တသိမ့်သိမ့်တုန်နေတဲ့သတိုးရဲ့ကျောပြင်ကိုပုတ်ပေးရင်းကနေ ခပ်ဖွဖွဖက်ကာအားပေးမိခါမှ သတိုးကချုံးပွဲချအော်ငိုတော့၏။
ကလေးတွေလိုအော်ငိုတာမျိုးမဟုတ်ပဲ အရွယ်ရောက်ပြီးသားယောကျ်ားတစ်ယောက်ရဲ့ ပိတ်လှောင်ထားခဲ့သောနာကျင်ရခြင်းများ မျက်ရည်အဖြစ်ပြိုကျလာခြင်းသာ။
YOU ARE READING
ခ်စ္ရပါေသာ ပ်ိဳ ~ (ချစ်ရပါသော ပျို~) [ZG/ UNI]
Teen Fictionခ်စ္ျခင္းတရားတိုင္းရဲ႕အဆံုးသတ္မွာ ဆံုစည္းခြင့္႐ွိႏိုင္သလား? ချစ်ခြင်းတရားတိုင်းရဲ့အဆုံးသတ်မှာ ဆုံဆည်းခွင့်ရှိနိုင်သလား?
![ခ်စ္ရပါေသာ ပ်ိဳ ~ (ချစ်ရပါသော ပျို~) [ZG/ UNI]](https://img.wattpad.com/cover/131901045-64-k694847.jpg)