ခ်စ္​ရပါ​ေသာ ပ်ိဳ ~ (ချစ်ရပါသော ပျို~) [ZG/ UNI]

Part 20(Unicode)

ချစ်ရပါသော ပျို ~
Part - 20

================================

[ A/N: Valentine Dayမရောက်သေးဘူးလို့သတ်မှတ်ပေးကြပါ။ ပြီးတော့ အပြင်ကတက္ကသိုလ်တွေမှာ ကျောင်းတွေတောင်ပိတ်ထားပြီဆိုပေမယ့် ဒီဇာတ်လမ်းထဲမှာတော့ ခုထိစာမေးပွဲတောင်မဖြေရသေးပါဘူး။ အချိန်တွေကွက်တိကျအောင်ရေးချင်ပေမယ့် ဘယ်လိုမှညှိလို့မရတော့တဲ့အတွက် အဆင်မပြေမှုတွေဖြစ်သွားရတာကို အနူးအညွတ်တောင်းပန်အပ်ပါတယ်]

ကျောင်းမှာtutorialမရှိတဲ့နေ့မို့ ပျို၊ သက်နဲ့ မြတ်တို့သုံးယောက်သား မုန့်လျှောက်စားရင်း လျှောက်လည်ဖို့ချိန်းထားကြသည်။

ပြီးခဲ့တဲ့ရက်က ပျိုနဲ့ကတိပေးထားတဲ့အတိုင်း တုတ်ထိုးဟော့ပေါ့သွားထပ်စားကြပြီး ကစားကွင်းလည်းသွားကြသည်။

" ဒီကပြန်ရင် ပန်းချီပြခန်းသွားရအောင်။ အဲ့မှာအခု ပန်းချီပြပွဲလုပ်နေတာ... "

အမြဲလိုလိုစပ်စလူးထနေတတ်ပေမယ့် ပန်းချီတွေကိုချစ်တတ်သည့်ခင်သက်က ပန်းချီပြပွဲသွားရန်ပြောသောအခါ မေမြတ်နဲ့ လုလင်ပျိုတို့က

" No ပါ "
" မသွားချင်ပါဘူး "

ပြိုင်တူငြင်းကြလေသည်။

ထိုအခါ ခင်သက်ခမျာ မျက်နှာလေးရှုံ့တွပြီး အသနားခံရတော့သည်။

" နင်တို့ကလည်းဟာ... ဒီတစ်ခါပဲလိုက်ခဲ့ပေးကြပါလား... အခုပွဲမှာ ငါအရမ်းကြိုက်တဲ့ဆရာကြီးတွေရဲ့လက်ရာတွေ အများကြီးပြထားမှာဟ... ငါမဝယ်နိုင်သေးပေမယ့် သွားတော့ကြည့်ချင်လို့ပါ... လိုက်ခဲ့ပေးကြပါဟာ... နော် "

ခင်သက်က တကယ်ကြီးကိုစိတ်အားထက်သန်နေပုံရတာကြောင့် မေမြတ်ရော ပျိုပါ သနားမိသွားသည်။

" အေး အေး အေး... လိုက်ပေးမယ် ဟုတ်ပြီလား။ ပျို... လိုက်သွားပေးလိုက်မယ်ဟာ.. နော် "

" ဟို... ငါအားရင်လိုက်ပေးပါတယ်။ ဒါပေမယ့် ဒီကအပြန် တေဇကိုစာသင်ပေးရဦးမယ်ဟ။ သူနဲ့က ချိန်းထားပြီးသားကြီးဖြစ်နေပြီ "

" ဒါဆိုလည်း ငါပဲလိုက်သွားပေးလိုက်တော့မယ်။ သူငယ်ချင်းသုံးယောက်အတူသွားချင်ပေမယ့် ဘယ်တတ်နိုင်ပါ့မလဲ "