ခ်စ္​ရပါ​ေသာ ပ်ိဳ ~ (ချစ်ရပါသော ပျို~) [ZG/ UNI]

Part 10(Unicode)

ချစ်ရပါသော ပျို ~
Part - 10

================================

မင်းမြတ်ဝဠာ။
ဇတ်ဇတ်ကြဲသတိုးက မင်းနဲ့ပတ်သတ်လာရင် အရာရာသည်းခံပေးတတ်တာ မင်းသတိမထားခဲ့မိဘူးလား ...

ငါ့ကိုဆိုရင် ဘယ်တော့မှဦးစားမပေးတတ်တဲ့မင်းကိုမှ၊
ငါ့စကားဆိုရင် ဘယ်တော့မှအလေးမထားတတ်တဲ့မင်းကိုမှ၊
ငါ့ကိုဆိုရင် အမြဲလိုလိုအနိုင်ယူတတ်တဲ့မင်းကိုမှ ...

ဟင်း ... ...

ကြိုက်သလိုအနိုင်ယူပါ။
ငါ အမြဲအရှုံးပေးထားတယ်။
...

ချစ်တာမို့လို့ ...။

ကျောင်းကပြန်ရောက်ရောက်ချင်း
ကျောပိုးအိတ်ကိုစားပွဲပေါ်ပစ်တင်ကာ
ကုတင်ပေါ်နွမ်းလျစွာ လှဲချလိုက်သည်။
နက်ခ်တိုင်ကိုအနည်းငယ်ဖြေလျှော့လိုက်ပြီး
စီးကရက်တစ်လိပ်ကိုမီးညှိလိုက်သည်။

ခါတိုင်းလည်း စိတ်ညစ်ရင်ဆေးလိပ်သောက်နေကျပေမယ့်
ဒီနေ့မှ စီးကရက်ကလည်း ဖွာလို့မကောင်းလိုက်တာ။

ကုတင်ပေါ်မှာခြေပစ်လက်ပစ်လှဲရင်း မျက်နှာကျက်ဆီသာ ဆေးလိပ်ငွေ့များကိုမှုတ်ထုတ်နေမိသည်။

လူရောစိတ်ရော သိပ်ကိုပင်ပန်းနေပြီလေ...။

အထက်တန်းအရွယ်မှာကတည်းက ကိုယ့်ရဲ့စိတ်ဝင်စားမှုက အခြားယောကျ်ားလေးများနဲ့မတူမှန်းသိခဲ့ရသည်။
ရွယ်တူယောကျ်ားလေးများက အပြိုင်အဆိုင်လိုက်ပိုးနေကြသော ကျောင်း၏အချောဆုံးမိန်းကလေးများကိုပင် ကိုယ်ကဘယ်လိုမှခံစား၍မရခဲ့။

မိန်းကလေးများကိုခံစား၍မရသော်လည်း ယောကျ်ားလေးတိုင်းကိုလိုက်ကြိုက်နေသူလည်းမဟုတ်။

ပုံမှန်မဟုတ်သောနှလုံးသားကို လှုပ်ခတ်လာစေသူမှာ တစ်ယောက်သာရှိခဲ့သည်။
ထိုလူနှင့်တွေ့လျှင် ပျော်ရွှင်ပြီး
ထိုလူ့အကြောင်းကိုတွေးမိရုံနဲ့တင် နှုတ်ခမ်းများကအလိုလိုပြုံးမိလျက်သားဖြစ်နေတတ်ခဲ့သည်။
နေ့ရက်တိုင်း ထိုလူ့ကိုမြင်နေချင်ပြီး အချိန်တိုင်း ထိုလူ့အနားမှာပဲရှိနေချင်သည်။

တစ်ဆက်တည်းမှာပဲ
Gayဖြစ်နေသောကိုယ့်ဘဝကိုယ်သိမ်ငယ်မိသည်။
သိပ်ချစ်ရသောသူကသိသွားခဲ့လျှင် ကိုယ့်ကိုရွံသွားမှာစိုးရိမ်သည်။
သူငယ်ချင်းဖြစ်ခွင့်တောင်မရတော့ပဲ အ​ဝေးရောက်သွားရမည့်အဖြစ်ကို တွေးလိုက်တိုင်းရင်ထဲဆို့နင့်လာရမြဲ...။