⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 11 ||
كمشت شواربها .. رجعت حمرة .. عينيها معبيين دموع و حمورة .. تخزر فيه و ساكتة .. خايفة ترجع و يضربها اكثر ..
يخزر فيها و يسنا اجابتها اما مرجعتلوش .. تخزر فيه و تبكي برك .. رفد يدو و ضربها بكف على قد ما يقدر .. لدرجة الكرسي طاح بيها ..
فجأة لقات روحها مرمية فلرض .. وذنها قاعدة تصوني .. اصوات قاعدة تسمع فيهم ماشي عارفة من وين .. عباد قاعدة تشوف فيهم .. رؤيتها تضببت .. جسمها ترخف .. نفسها تقطع .. رجعو عينها يتغمضو و يتحلو .. حتا غابت عن الوعي و مرجعت حاسة بوالو ..
قدم ليها .. رجع ربطلها فمها .. خرج و غلق الباب موراه ..
طلع بهدوء .. تعدا بلا ميشوفوه لغرفتو .. نظف دم لي كان على يدو .. عدل روحو و رجع حبط ..
لقاهم مزالهم يسناو .. رجع قعد فبلاصتو .. يسمع فيهم يهدرو و يخزر فيهم ..
افكاار بزاااف قاعدة دور فراسو .. كيفاش تكون ردة فعلهم كي يعرفو ..
خزر فتبسيمة كل واحد منهم و هدر بصوت خافت ..
عزيز : راح تتمحا ..
الجد حكيم : طول لؤي بزااف ..
وردة : حكيت معاه فتيليفون بابا ..
الجد حكيم : عندي مدة مهدرتش معاه اما بعتلي ميساج من شي يومين قال انو ليوم يجي ..
تبسم عزيز بشر .. وقت تفكر انو هو لي بعت هداك لميساج ..
وردة : اكيد يكون جاي فطريق ..
الجد حكيم : ان شاء الله ..
قدمت وردة اكثر لباباها و هدرت بلعقل بينها و بينو ..
وردة : بابا هدرت معا عماد الدين على رؤيا .. اما مراهوش حاب قالي انو حاطها كي ختو صغيرة ..
الجد حكيم : عارف سمعت حديثكم المرة لي فاتت بالصدفة ..
وردة : مراحش نلقالو وحدة خير منها .. و زيد نعرفها و تربات قدام عيني ..
الجد حكيم : راح نحاول نهدر معاه .. عارف انو ميعارضنيش و راح يوافق .. خلي برك يجي لؤي و بعد يومين نفتح معاه الموضوع ( منحبوش انا حكيم خرا متسلط .. اناني واش دخلو هو راح يتزوج ياك عمادوش خرا و ديجا على جال قرارو لؤي مات 💔💔🥺 ) ..
وردة : بابا حاول تهدر معاه دك هنا .. باش تحطو قدام الامر الواقع و يوافق ..
الجد حكيم : دك نحاول ..
رجعت وردة بعدت على باباها .. عدلت روحها ..
تسنا فباباها يهدر ..
الجد حكيم : وليدي عماد الدين عندي موضوع حاب نهدرو معاك ..
عماد الدين : اتفضل جدي بخصوص واش ..
الجد حكيم : بخصوص ... ملحقش يكمل هدرتو حتا سمعو لاصونات تاع الباب ..
وقفت وردة بسرعة .. عينيها لمعو .. هدرت و هي متبسمة ..
وردة : اكيد لؤي جا ...
〰️〰️〰️〰️〰️〰️〰️〰️〰️〰️
اوبالاتي 🔥
لحقنااا للصدمة .. زعما وقت يعملو الجنازة لينوش راح تقدر تهرب ؟ كي تخرج راح تقوللهم بلي هو لي قتل خوه .. مخممتوش انو ممكن يصرا العكس ؟؟ خممو خممو ملييييح مراحش تخلاص لحكاية بالساهل نظن تعرفووني .. ايا شاطرااات توقعاااتكم نقرااهم هجوووم ..
جمجمووولي كاااامل الحلقاااات ..
❌ تعليقات فالرد ❌
#ليلوشة
أنت تقرأ
⚜️ الأسيرة و المتدين ⚜️
Боевик⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
