⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 16 ||
تبسم بشر .. و خرج ليهم كأنو كان يجري ..
وصل ليهم يلهث .. و هدر معاهم ..
عزيز : راهي حية ..
وقف عماد الدين فوجه عزيز و هدر بنبرة حادة ..
عماد الدين : شكون هادي ..
طلع راسو عزيز و خزر فيه .. خزرة خبيثة .. رجعو طاحو عينين الزعيم مع عينين الملاك الحارس ..
رجع عزيز حبط راسو و هدر ..
عزيز : دك نقعد و نحكيلكم عليها ..
قعد فالكرسي قدامهم .. قعد موراه عماد الدين .. بعدها ركزو معاه فيزوج يسمعوه واش راح يقول ..
عزيز : منعرفش اسمها .. اما لقيتها انا و نورا لبارح فالطريق .. مرمية .. محبيناش نزيدو نقلقوكم معا الجنازة .. جبناها لدار .. قعدت معاها نورا .. بعدها حكاتلها انو هربة من دارهم و انو خوها لي دار فيها هاكا لانو لحقوه تصاورها عريانة معا صاحبها ..
تصدمو من هدرتو .. خاصة عماد الدين ..
حبط راسو للارض و ستغفر ..
عماد الدين : استغفر الله .. و وين كانت علاش مشفتاهاش ..
عدل روحو عزيز و رجع هدر ..
عزيز : كامت فالشومبرة معا نورا .. اما بعدها قاتلها خبيني منيش حابة يشوفوني .. حبطتها للقبو و حطتلها سرير تما ..
هزلو عماد الدين براسو بمعنى ايه .. و هدر الجد حكيم ..
الجد حكيم : ان شاء الله تبقى حية برك ..
تغير لون وجه عزيز .. وقف تمتم و هدر ..
عزيز : نعيط لنورا نطمنها و نجي ..
راح يزرب بعد عليهم و رفد تيليفون و عيط لنورا ..
عزيز : الو نورا ..
نورا : اه عزيز قولي بلي ماتت ..
عزيز : مزال معلاباليش راهي فغرفة لعمليات ..
خبط وجها بيدها و هدرت مرعوبة ..
نورا : راح تكشفنا ..
عزيز : طبقي واش راح نقولك بالحرف الواحد منسحق حتا غلطة ..
نورا : وشنو ..
عزيز : خلصي وحدة مالخدامات لي تما .. و قوليلها تعاونك تحبطو سرير للقبو .. و حطو تما طباسا فارغين و موسخين .. متنساوش تحطو كيسان .. كي نجي نفهمك كلش ..
نورا : اوكي ..
قصت عليه و راحت دير واش قاللها ..
قص على لابال ..
غير دار .. قابلاتو الباب تاع غرفة العمليات تتفتح .. وقف عزيز و حكيم معا طبيب ..
شافهم .. تقدم ليهم بخطوات متسارعة ..
وصل عندهم .. خزر فطبيب و ركز معاه ..
عماد الدين : هاه طمنا دكتور ..
طبيب : .....
〰️〰️〰️〰️〰️〰️〰️〰️〰️〰️
اوبالاتي 🔥
واش راح يقول طبيب زعما .. راح ينجح عزيز و يقتلها .. عمادوش راح يكون ملاكها الحارس ..
راح يغلب الزعيم ..
خلولي توقعاتكم طواااال عراض ..
و راح نزيد نكتب و نحط صووو لي تقرا تخلي تعليق هنا دك نزيد نحط نجمجملكم اسناوني جاني الالهام راني نكتب فوووور .. و قنبلة راح تصرا فسبيطار اصبرو برك ..
تعليييقات فالرد
#ليلوشة
أنت تقرأ
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
