⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 53 ||
تنفست بأريحية وقت لي طلقها و دار .. حاولت تنوض بلعقل باش متتوجعش و فنفس الوقت باش ما تنوضوش ..
ناضت راحت لدوش .. غسلت .. بعدها راحت للكوزينة .. فرغت قهوة حليت و قعدت تشرب .. حاسة كرشها فارغة كأنو عندها قرن ما كلاتش ..
و هي تاكل .. شافتو داخل للكوزينة .. ملامح الرقاد باينين على وجهو .. لابس بيجامة نواغ .. شعرو داخل فبعضاه ..
غير حست عليه دخل حبطت راسها ..
حشمت لي دارتو و قالتو لبارح ..
عماد الدين : صباح الخير ..
لينة : صباح النور ..
عماد الدين : كيفاش حاسة روحك ليوم ..
لينة : مليحة حمدلله ..
طلعت راسها و هدرت معاه تحاول متخليش المجال باش يهدرو فهداك الموضوع ( هاداك الموضوع بلا منفهمكم احم احم 😅 )
لينة : نحطلكم قهوة تشرب ..
هزلها براسو بمعنى ايه ..
وقفت بسرعة و رجعت نسات جرحها و عيطت ..
لينة : ااااه ...
ترعب عليها ..تقدم ليها بسرعة بلا ميحس كان شدها ديجا ..
عماد الدين : وشبييك ..
تارغرو عينها بدموع .. رجعت حمرة مالوجعة لي حست بيها .. و هدرت ببحة بكا ..
لينة : توجع .. و خزرت فيه هاكا 🥺 ..
مقدرش يقاوم هدرتها .. عنقها و مسح على شعرها بيدو ..
ريحتو دوختها .. تهبل .. ريحت المسك اما كأنو ماشي مسك .. ريحتو خاصة جامي شمتها ( ملخر بما اني نعشق ريحة المسك قررت قاع بطلات كرونيكاتي نديرهم يعشقو المسك .. اللهم ارزقني بعباد بزااف يشرولي مسك بزاااف قولو اميين ) ..
قعدو هكاك شي خمس دقايق .. حتا حس عليها هدات .. بعد عليها بلعقل و خزر فيها و هدر ..
عماد الدين : تحسنتي ..
هزلتو براسمها بمعنى ايه .. رجع هدر معاها ..
عماد الدين : روحي لسريرك ارتاحي .. و انا عندي شغل ليوم نحاول منطولش و نرجع ..
رجعت هزتلو براسها و جازت عليها و راحت لبيتها ..
فرغ قهوة و شرب .. و لبس حوايجو .. رفد مفاتح سيارتو و طار عند صاحبو لي بعتلو يشوف الموقع ..
فهاداك الوقت كانت الدار فارغة .. فيها غير لينة و حكيم ..
جازو شي ثلث سوايع و عماد الدين يسنا يخرج الموقع لانو كان محمي ميقدروش يعرفو و طول اكثر مما توقعو ..
حبست طونوبيل عزيز قدام الدار .. هبط و دخل .. لقا حكيم قاعد وحدو فصالون .. هدر معاه ..
عزيز : واش بابا وردة وين راهي ماشي من عادتها تطلع ..
حكيم : خرجت قالت عندها شغل ضروري ..
عزيز : و شكون راهو فدار ..
حكيم : نظن كلهم خرجو اما مبقاش بزاف و يرجعو ..
عزيز : اه اوكي رايح نعمل تيليفون و نرجع ..
دار تمشا باتجاه جاردان و متبسم بخبث ..
رفد تيليفون و عيط لواحد من رجالو ..
عزيز : الو ..
الراجل : وي زعيم ..
عزيز : جهز كلش المهمة تقدمت و راح نفروها ليوم .....
〰️〰️〰️〰️〰️〰️〰️〰️〰️〰️
اوبالاتي 🔥
نظن فهمتووو واااش راني نقصد بالقنبلة .. تاع صح قنبلة بسك انا و راني مخلوعة فعقلي من ويين جاب هاد الافكاار .. عماد الدين مزال معرفش .. لوكان يعرف الموقع برك و صور مفبركين راح يكشف كلش .. فرايكم راح يوصل على لينوش .. راح يكون ملاكها الحارس باتم معنى الكلمة ولا يتاخر .. و لينوش راح تقوم بمهمتها على اكمل وجه .. و المجهوول هويتو راح تتكشف جهزوولي روحكم .. راني نكتب .. خلو كامل تعليق هنا غير نزيد نحط نجمجملكم
#ليلوشة
أنت تقرأ
⚜️ الأسيرة و المتدين ⚜️
Aksi⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
